Jacques 4:4 - Kálara Zyɛ̌m Edwán é mpʉ̌n

⁴ Odul be ozyɛm ofih ba! Zê bɨn bé apa gʉa ó, é jɔʼ bɨn lé etia efo e si nwaʼ ɛ, bɨn mu ó lé elɛʼle Zyɛm ó, bɨn bɨ tumo nye koo ɛ? ǃBɨn si nʉa tiʼa é leme win ó, bɨn bé ótia efo e si nwaʼ nɛʼɛ, yé elɛʼle ó, bɨn bɨ lihba bʉr o dɔm mo Zyɛm.

Kálar Nzyɛ̌m : Ejwán é Sáá

⁴ Bɨ̌n odûl bé ónzyɛ̌m oswîh, nzê bɨ̌n bé agʉ́a ó, jɔʼ bɨ́n tíá ésó e sí yɨ̂ʼ yɨ́, bɨ̌n kǎ lɛ̂ʼlě Nzyɛ̌m náǎ ó, bɨ̌n bɨ́ dwira e né, le edi óntɨ̂m le obɨn bé ɛ́?

Jacques 4:4 ပူးပေါင်းရင်းမြစ်များ

Rôm 8:7

Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Galásia 1:10

No ó, banana, bɨn bé etoŋlo é yé? Zê me lé ekʉ bul saa ó, bʉr dweʼ me mokebe ɛ? Zê me lé esaa ó, Zyɛm dweʼ me ma ɛ? Zê gwɨma yam, yé ó bʉr kpɛlɨ me ɛ? Nkʉ me be ó be, sa sa bʉr o si nwaʼ lé egwɨm nɛʼɛ, mpa me aka kunbo e syɛl mosa mo Krɨst.

Yʉanes 15:19

Nkʉ bɨn bé a be ó be, be bʉr o si nwaʼ nɛʼɛ, mpa bʉr o si nwa, bé a be ó si kʉ kpɛl bɨn, bʉr o ndɨ egumo e be e. To kœb ó, me a be ó si pɛh bɨn, pɛʼ bɨn é nkɔm bʉr o si nwa, gba bɨn é nkɔm wam. Ebe no ó bʉr o si nwaʼ mu si nwim bɨn ɨ.

Mataos 6:24

«Abe e mʉr ndɨ e nkul esea e l'ojwɨ̀ʼa oba é jɔʼ gwar, ebe, nye ónwim nuu, kpɛl nuu; nkʉ ntɔʼ ó, nye ódwaabe nuu; pyeh nuu. No ó, bɨn bé abe e nkul esea e Zyɛm syɛɛ, sea e l'Okum-e-l'ogbaa é jɔʼ gwar.»

Yʉanes 17:14

Me a si ntɛŋ ompʉn bam lwib yo. Bʉr o si nwa, bé ze nwim be, ebe, ompʉn bam baa, bé aka be é nkɔb wɔɔ, mpʉ mɛm mʉr tɨʼ ndɨ abe é nkɔb wɔɔ ɛ.

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.

Rôm 5:10

É jɔʼ bɨna bé a be ga bʉr o dɔm mo Zyɛm ɨ, Mwan mo Zyɛm a si dwè é l'efu ga lɨna, lé esa sàa paʼra ga wina boo Zyɛm. Krɨst pa taare cwɨa e bʉr o dɔm be, a dwɛʼra e bɨna ga, bʉr o sàa waa! Zyɛm ókʉ baʼle bɨna ga bɨtiʼ ó, é zi nkul ndɨ é tiʼ mo Mwan we e.

Mataos 16:4

A bebe bʉr o mya wiʼ ɛ! Odul be ozyɛm ofih! Bé ejɨ bee dweʼle nkul wam lé elɛʼle mbi mʉr me ndɨ ɨ. Bé ákwoʼ lɛʼlɔ dweʼle nkul gwar, alaa ó yaa yé a syɛɛlɨ é tiʼ mo Yonas ɨ.» Jɔʼ Yesʉs a sil lwib no e, bé e l'ompʉn be ntɔʼ kable é byɛl, toŋɔ.

Yʉanes 7:7

Bʉr o ndɨ egumo e si nwaʼ ɛ, bé abe e nkul enwim bɨn. Bé nwim ó me ome, ebe, me enwahle bɨsyɛɛla bɨ ebebe bé lé esa ɛ.

Lʉkas 19:27

No ó bʉr o dɔm bam, bé a bene ó, me l'aka cyɛb njwɨɨ é paʼ wɔɔ ɛ, ntaʼ ga me e ba wâ. Bɨn jʉʼo be é mih mam!”»

Mataos 12:39

Nye ze bɨha e be ó: «A bebe bʉr o mya wiʼ ɛ! Odul be ozyɛm ofih! Bé ejɨ bee dweʼle nkul wam lé elɛʼle mbi mʉr me ndɨ ɨ. Bé ákwoʼ lɛʼlɔ dweʼle nkul gwar, alaa ó yaa yé a syɛɛlɨ é tiʼ mo ngwiha mɨlɔb Yonas ɨ.

1 Korɛnt 1:20

No ó, mɨcɨcyoo myɛɛ, myé lɛɛ é yé? Ogwɨa onɨnɨ bɛɛ, bé lɛɛ é yé? Bʉr o ndɨ edihbe mosono e, bé elɛɛ é yé? Sa bʉr o mbi jɔʼ yiʼ lé ejebe ó, «ocyoo» e, Zyɛm, nye ebula jebe ye ó, «ogʉ».

1 Korɛnt 1:21

Zyɛm, é l'ocyoo nye ndɨ e we e, nyi nʉa tiʼa ó, bʉr o mbi jɔʼ yi, bé aŋa gʉa nye njɨ ebe ocyoo wɔɔ. Nye a bee embɨa é nko paʼ we ó, baa nye ódwe tiʼ molu mo mpoʼ mɨmɛh ó, ndɨ ebuʼla mpaŋla bɨh bé a cen be e, mpaŋla waa, nye yɛɛ sa bʉʉ bʉr lé ebee mpʉ lwib bɨgʉ ɨ.