Jacques 4:17 - Kálara Zyɛ̌m Edwán é mpʉ̌n

¹⁷ Ebe no, mʉr waa lé egʉa mpaŋ syɛɛla nye lé ejala le esa ɛ, ntɔʼ bula di, asa ye e, nyi sa syem.

Kálar Nzyɛ̌m : Ejwán é Sáá

¹⁷ Nó, waá dí egʉ́ǎ syɛ́ɛla mpâ nyé jálá le esâ, sâ gwár asâ yé nyá, mʉr waá kʉ́ sâ ó syóm.

Jacques 4:17 ပူးပေါင်းရင်းမြစ်များ

Yʉanes 9:41

Yesʉs, nye e be ó: «Nkʉ bɨn bé a be ó be, be ontim nɛʼɛ, mpa bɨn bé ó, abe e syem. No ó, mpʉ bɨn lé elɛɛ ó, bɨn bé ebee e, ebe no ó bɨn ndɨ bʉr o mɨsyem ɨ.»

Yʉanes 13:17

Banana, bɨn mu ó si gʉa bɨsa byaa. ǃBɨn si ka sa bye nɛʼɛ, gʉŋa ga ó, bɨn bé óbe ó mbɨmbɨa.

Yʉanes 15:22

Nkʉ me a be ó be, aze, ze lwib e be nɛʼɛ, mpa bé adweŋɔ mobe é lɔb mɨsyem myɔɔ. No ó, banana, bé aka be e nkar.

2 Pyɛr 2:21

ebe, yé a ngbaa bul mbɨa é nko paʼ wɔɔ ó, mpa bé a baataare kœʼ é zi lé elɛʼle bʉr ebò e cyen ndɨ cɨcyel ɨ, abe, bé osi kœʼ tɨ, é kœʼ kœʼ nɛʼɛ, bé ntɔʼ ka bula tumo koo e motie ndɨ ti, maa Zyɛm a bɛa tiile be e.

Rôm 1:32

Dam be ó, bʉr baa, bé egʉa ó, Zyɛm a lɛɛ ó, bʉr bɨbɛh ndɨ esa mɨmbi mɨ ebebe myaa ɛ, bé edaʼre ó efie é monyʉl mɔɔ, bɛɛ, bé ó njɨ lé eto dolo lé esa-sa bɨsyɛɛla byaa. Yé abe njɨ no, yé ome. É jɔʼ bé lé ebee bʉʉ bʉr lé esa syem ɨ, bé ekʉ mɛʼle bɨsyɛɛla byɔɔ le esoʼlo be ó, bé toʼ dolo lé esa bye, to-to ó toʼ.

Rôm 7:13

Zê no, yé elɛɛ ó, sa ndɨ é bul mbɨa é mpʉ motie maa ɛ, yé a si jʉ me ɛ? Hɨʼɨ, yé abe ba no! Sa yé a jʉ me e, yé a be ó njɨ Syem. Wé a si bana bɨlan e sa mpa yaa, wé ntɔʼ jʉ me e tɨ. Syɛɛla yaa ó ndɨ elɛʼle bɨna ga sa ndɨ syem ɨ. Syem, wé a ka bul nyin é l'ebebe ó, é jɔʼ yaa.