Jacques 4:1 - Kálara Zyɛ̌m Edwán é mpʉ̌n

¹ Mogo, mé eduho nko? Bɨduʼo, byé epa kʉ duho nko paʼra win? Byé eduho ó, é bɨbebebebe bɨgwɨma bɨn ndɨ e bye, byaa ndɨ elwimla e bɨn é monyʉl tʉŋlʉ ɨ.

Kálar Nzyɛ̌m : Ejwán é Sáá

¹ Bitɔm e melwímla dí esyɛ́ɛlɨ páʼ nyɨ́n bí, byé duhǒ nkoó? Byé duho ó, ɨ́ bigwɨ́má bɨ́n dí e byé jɔʼ yɨ́yɛ̂h ɨ́ menyʉ́l mɨ́n bí.

Jacques 4:1 ပူးပေါင်းရင်းမြစ်များ

1 Pyɛr 2:11

Obɨɔ o kpɛl bam aa! Me ejwɨʼla e bɨn ó, bɨn diʼe mpʉ mɨndìndìl ndwe mɨngbaalaŋa é mɨlal mɨ si nwa. Diʼe ga é l'ecyooŋʉ, lé esyɛhle lɔb esa bɨsyɛɛla bɨpuno bin lé egwɨm, byaa ndɨ elwimla e mɨsisim min ɨ.

Galásia 5:17

ebe, nyʉl bɨpuno ga wina, nye ekʉ ka gwɨm ó njɨ bɨsyɛɛla Mbɨambɨa Sisim lé ebene e. Mbɨambɨa Sisim nyɛɛ lé egwɨm ó njɨ byaa nyʉl bɨpuno ga wina lé ebene e. Bɨgwɨma mo Zyɛm le byaa nyʉl bɨpuno ga wina, byé elwimla paʼra wɔɔ. Ebe no ó bɨn ndɨ abe e nkul esa mɨmpaŋ bɨsyɛɛla mɨleme min lé egwɨm ó, bɨn saʼ ɛ.

Rôm 7:23

To kœb ó, me ebee é bɨpeh bɨ nyʉl wam ó, yé e lʉʉ etie lé elwimla e l'etie lé eduho é mɨpɛhla mɨ leme wam ɨ. Syem ndɨ é me e, wé ó lé entaa ocyoo wam, me ntɔʼ lihba elʉa mo Syem ndɨ me é bɨfum bɨ nyʉl ɨ.

Rôm 8:7

Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Jacques 1:14

Bɨbebebebe bɨgwɨma ndɨ mʉr é leme tʉŋlʉ ɨ, byé ó ndɨ etiŋle mʉr tɨ, le ekwab nye ó, nye saʼ ebebe.

1 Pyɛr 1:14

Mpʉ bɨn lé ebɛa sa-sa Zyɛm mojoʼo e, adu ga bɨbebebebe bɨgwɨma bɨn bé a taare be-be e bye é jɔʼ bɨn bé a be, agʉa Zyɛm ɨ.

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

2 Pyɛr 3:3

Sa efoʼ, gʉa mɛr ga sa yi: é jɔʼ esie e mbi jɔʼ yi, lé óbe kunokuno le epyal ɨ, bʉr, bé óbe lé ekœʼ ebò e cyen mpʉ bɨgwɨma byɔɔ lé etine be e. Bé óbe ó bʉr o pyeh,

Jacques 4:3

ǃBɨn si fuuba jaʼ nye ya nɛʼɛ, bɨn bé abi, ebe, mɨpɛhla min, myé é bebe. Sa bɨn lé egwɨm ɨ, bɨn bé ekpɛl to lɨr ye ó, njɨ lé edu bɨgwɨma lé eduho é l'ebebe lɨn ɨ.

2 Pyɛr 2:18

Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Títos 3:9

Cɛra e bʉr o ndɨ epere motwii mpʉ bɨgʉ, le edî motia ndɨ abe e nyɔm ɨ. Bé ajala le epu mɨlɔb si é lɔb bɨláa-ntan nkʉ é lɔb motie mo Zyɛm, ebe, mɨlɔb mɨnɨ, myé ó mbɛh e mbɛh.

Rôm 7:5

É jɔʼ yiyɛh bɨna bé a be lé edu ga bɨgwɨma bɨ nyʉl bɨpuno ga wina ɛ, motie mo Zyɛm, mé a be-be nteme ó, lé eto le eyɨm bɨfum bɨ nyʉl ga bina ó, byé loŋla bɨsyɛɛla bɨ ebebe bɨna bé a kʉ gwɨm ɨ. Byé ntɔʼ daʼre efie é monyʉl ga mɨna.

Mataos 15:19

Ebe, bɨsa bɨ ebebe bibyɛh, byé eduho ó, é leme. Byé ó: bɨbebebebe mɨpɛhla, ejwɨɨ e bʉr, mɨfyɛba, bɨmala, díbe, ebuʼo mɨɔ go mʉr mɨlɔb ndwe e movoʼ.

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

2 Timotɛ 2:23

Gʉa kʉ cɛra e bʉr o ndɨ epere motwii mpʉ bɨgʉ le mɨmiʼ ɨ. Go ejala le egʉa ó, mɨlɔb myaa, myé ebya sɔʼɔ ó, njɨ bɨtom.