Jacques 3:9 - Kálara Zyɛ̌m Edwán é mpʉ̌n

⁹ Jɨm bɨna lé eseʼle ga Zyɛm Sɔŋ ga wina e tɨʼ ɨ, yé nteme ó bɨna lé esyɛm ga mɨɔ ga wina mʉr e tɨ. To kœb ó, Zyɛm a cye mʉr waa ó, nye nwɨɨla e nye mʉr tɨ.

Kálar Nzyɛ̌m : Ejwán é Sáá

⁹ Mɨná bé lɨ́ egúmlo gá Dâ Nzyɛ̌m, dí Sɔ́ŋ gá wɨ́ná nyá. E jɨ̂m gwár e gwár yaá ó mɨ́ná dí esyɛm gá bʉr, baá Nzyɛ̌m á komlo ɨ́ mveʼle wé bá.

Jacques 3:9 ပူးပေါင်းရင်းမြစ်များ

Mɨlʉmlʉ 2:26

Ebe no ó leme wam lé eloŋlo e bɨsʉhʉ ɨ. Mokan mam nteme, maa bɨsʉhʉ. Leme wam, wé óloŋlo e mbɛla,

1 Korɛnt 11:7

Bʉrʉm bɛɛ, bé ajala le ebuuro lʉ, ebe, bé enwɨɨla e Zyɛm nye mʉr tɨ. Bʉr, bé egʉa kum mo Zyɛm ó, é mʉrʉm. To kœb ó, bʉr, bé egʉa kum mo mʉrʉm ó, é mʉma.

Rôm 3:14

Bɨlwib byɔɔ, byé ó lwɨŋla e mosyomlʉ ndwe e modwie.

Mataos 26:74

No ó Pyɛr a ze bâʼle de mɨnkɛla. Nye e be ó: «Zyɛm ntɨʼɨ me, yé be ó me elɛɛ ó mpʉl wa! Me agʉa ba mʉr nɨ!» Cye e cye yaa, zʉm kuo ze kwaʼle.

Mataos 5:44

No ó, mɛm, me elɛɛ bɨn ó nɛɛ: kpɛlɨ ga bʉr o dɔm bɨn. Jwɨʼla ga é l'efu e bʉr o lé etíile bɨn ɨ.

Éfɛsɔs 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Zyɛm, nyi sʉ bɨna ga mocyɛʼ mo mpom me é zyɛŋa ga wina boo Krɨst. Nyi mɛʼle nteme ó, bɨna sʉŋɔ ga mocyɛʼ mo mpom mo Mbɨambɨa Sisim mɨmɛh, lé eduho é jobo kʉ.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.

Jacques 3:10

Nʉm ngwar waa, wé epyɛl bɨkɔ́ɔlʉ, ntɔʼ sʉ bʉr mocyɛʼ mo mpom. Obɨɔ ga bam aa! Yé ajala le ebe no.