Jacques 3:17 - Kálara Zyɛ̌m Edwán é mpʉ̌n

¹⁷ Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Kálar Nzyɛ̌m : Ejwán é Sáá

¹⁷ Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Jacques 3:17 ပူးပေါင်းရင်းမြစ်များ

Jacques 3:15

ebe, ocyoo win waa, wé aduho boo Zyɛm. Sa ocyoo yaa, yé eduho ó, é si nwa. Yé eduho nteme ó boo moleme.

Rôm 12:9

Kpɛl, yé duha bɨn é mɨmo si. Bena ga sa yiyɛh ndɨ é bebe e. Kpɛlɨ ga sɔʼɔ, njɨ yaa ndɨ é mbɨa ɛ.

Jacques 1:17

Ndwɛa wiwɛh ndɨ mbɨmbɨa ɛ, ndwe e dah lɨlɛh ndɨ mbɨmbɨa é mɨpaʼ mimyɛh ɛ, yé eduho ó, é lal mo Zyɛm boo Sɔŋ ga wina, nyɛɛ mʉr a cye dobo, ndwe e l'alomo, e baatwitwɛn ɨ. Nye abe lé esiila, nkʉ cene cye mpʉ dobo lé ecene cye ye, dime, ka liʼe bʉr é pyoo e.

Jacques 1:5

ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.

1 Yʉanes 3:18

Bwan bam aa! Yé ajala ó, kpɛl ga yina, yé nyinɨ njɨ é mokan mo nʉm bɨna lé elɛɛ ga ɛ. Yé ekʉ jala le ebul nyin ó, é bɨsyɛɛla bɨna lé esa ga é l'ocyecye e.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Mataos 5:8

Mocyɛʼ mo mpom e bʉr o ndɨ e mɨleme é sɔɔɔ ɛ, ebe, bé ó ngo bee Zyɛm!

1 Yʉanes 3:3

Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.

Lʉkas 21:15

ebe, me mʉr tɨ, me óbɛa dwe bɨn mokan e pɨʼ, é mbi ndɨ ó, bʉr o ndɨ esa bɨn mongan ɨ, bé óbe, abe e nkul eka pɨr, nkʉ tɨ mɨlɛa min ɨ.

Lʉkas 6:36

Jwɨʼɨ ga bʉr nkoo mpʉ Sɔŋ win ndɨ e njwɨʼa-nkoo e.»

Ebrœ̂ 12:14

Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

2 Timotɛ 2:24

To kœb ó, yé ajala ó, syɛl mosa mo Zyɛm gœa. Nye ejala le edi é zɔhba-zɔhba é nko paʼ bʉr bɨbɛh, le edwe bʉr mɨmpaŋ mɨyeʼla, le egʉa edihbe nteme ebebe.

1 Pyɛr 2:1

Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.

Jacques 2:4

Bɨn bé asi gba mɨmbɛʼ paʼra win ɨ? Syɛɛla yin yaa, yi lɛʼle ó, bɨn bé epahle mɨlɔb ó e bɨbebebebe mɨpɛhla, mpʉ bɨbɨbla bɨ otiʼà o mɨlɔb lé esa-sa ɛ.

Ebrœ̂ 12:11

É jɔʼ nye mu lé eturo bɨna ga mɨlʉ ɨ, yé é kpaa é leme, anwɨɨla ó, yé ó sa esoho. É jɔʼ tuu waa ka laa ɛ, bʉr o ndɨ egʉa sa ndɨ tɨʼ ɨ, bé ntɔʼ ka gʉa ó, mpa wé ebana komlo be mɨleme. Bé eka liʼ lé esa pie tɨʼ ó, njɨ bɨsyɛɛla ndɨ cɨcyel ɨ, le ebi motala tɨ.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Rôm 15:14

Obɨɔ ga bam aa! Mɨ kʉ gʉa ó, bɨn bé ó lwɨŋla e ncwɨncwɨa ndwe e ngwɨa. Bɨn mu ó e nkul edweela motɨɨ paʼra win.

1 Korɛnt 12:8

Mbɨambɨa Sisim, nye enol nwaʼ mʉr bɨntɔɔ ó, nye diʼe e l'ocyoo é lwib. Nye enol nuu mʉr bɨntɔɔ bɨ ngwɨa é bɨsa nye lé elwib ɨ.

Jacques 4:8

Dihla ga kunokuno e Zyɛm, nye nteme óze gʉʼ bɨn ye kunokuno. Jwɨ̀ŋɨ ga mobo mɨn, bɨn osyɛl o mɨsyem. Puba ga mɨleme min, bɨn bʉr o ndɨ kʉ kwɨh ɨ.

1 Timotɛ 5:21

Me entɛŋ go mɨnkɛla é mih mo Zyɛm, le maa mo Yesʉs-Krɨst bé e beengles Zyɛm a pɛh ɛ, ó go baʼla motɨɨ ma. Atiʼe lɔb e nkar ngwar. Ato mʉr é nkɔm ebe nduula bɨn e nɔɔ ndɨ e we e.

Mɨlʉmlʉ 11:24

Barnabas a be ó mbɨambɨa mʉr, lwɨŋla e Mbɨambɨa Sisim ndwe e buʼo. Bʉr é buobuo, bé a si jyɛʼ taa buʼo yɔɔ boo Da Yesʉs.

Mataos 23:28

Bɨn bʉr o tɨ, é mih mo bʉr, bɨn bé enyin ó, mpʉ ocɨcyel o bʉr. To kœb ó, bɨkʉʉŋʉ ndwe e l'ebebe, byé ó bɨn lwɨŋla é mɨleme.

1 Tesalonika 2:7

Bɨh bé a be yɛɛ ó, bɛm lɛʼle bɨn jwɨɨ yih, ebe, bɨh bé ó mɨlʉmlʉ mo Krɨst. To kœb ó, bɨh bé a nʉa bɨn ó, e mɨnjwɨr é cyɛʼ cyɛʼ, mpʉ abyɛɛ lé epoblo bwan be e.

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Mɨlʉmlʉ 9:36

Nuu mpʉn mʉma a be ó ɨ Yope, die le Tabita. (No yé é lwib grɛk ó, Dɔrkas.) Jɔʼ yiyɛh, nye a be ó lé ebul sa bɨsyɛɛla bɨ ncwɨncwɨa, le efuʼo-fuʼo baanteʼenteʼe.

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Títos 3:2

Bé beʼ l'afœʼ nuu mʉr. Bé l'ayi sa bɨtom. Bé diʼe é tala njwɨr. Bé tala njwɨr e bʉr bɨbɛh.

Títos 1:15

Sa yiyɛh, yé mu ó mpuban é l'efu e bʉr mu si pubɔ ɛ. Sa gwar, é bʉr o b'a lœʼ monyʉl mɔɔ, baa dina l'apa jyɛʼ taa buʼo yɔɔ boo Zyɛm ɨ, yé abe e sa gwar ndɨ mpuban é nko paʼ wɔɔ. Bɨsa bibyɛh, byé ó be é lwaʼbe lwaʼbe, ebe, bé a si lœʼ ocyoo wɔɔ, ndwe e mɨpɛhla myɔɔ.

Rôm 12:18

Yé bana bɨn nɛʼɛ, saʼ ga mbi wiwɛh é nko paʼ win ó, bɨn e bʉr bɨbɛh, diʼe é motala.

Éfɛsɔs 5:9

Me elɛɛ no ó, ebe, bʉr o ndɨ é myɛn ɨ, bɛɛ ó ndɨ egumo mbɨambɨa mpumo mɨmbi mimyɛh: myaa mɨ ncwɨncwɨa e l'ocɨcyel ndwe e l'ocyecye.

2 Korɛnt 10:1

No ó, me mʉr tɨ, Pol, me ejwɨʼla e bɨn é zyɛŋa wih boo Krɨst, a fil nyʉl we si ɨ, le mʉr ndɨ é tala njwɨr ɨ—Mɛm, mʉr bɨn lé elɛɛ ó: «Nye efil nyʉl we si é jɔʼ bɨna ga e boo nɔɔ ndɨ gumo gwar ɨ», waa bɨn lé elɛɛ nteme ó: «Nye é bul sa yɛɛ monyan e bɨna ga é jɔʼ bɨna ga e boo nɔɔ mu é ncɛra» ɛ.

2 Korɛnt 9:10

Zyɛm ó ndɨ mʉr lé edwe bʉr mompœʼ mo ebè e. Nye nteme ó ndɨ ekab bʉr mode bé óde e. Nye ódwe bɨn mompœʼ é ntuʼ-ntu-ntuʼ, sa nteme ó, mé bua. Nye ósa ó, bʉr é buobuo, bé nkʉʼ biʼ e bɨn ebe bɨsyɛɛ bɨn lé esea é l'ocɨcyel ɨ.

Mataos 5:9

Mocyɛʼ mo mpom e bʉr o ndɨ egba motala paʼra bʉr e bʉr ɨ, ebe, bé ójebe be ó, bwan mo Zyɛm!

2 Korɛnt 6:6

Bɨh bé elɛʼle bɨn bɨdweʼle, sa yé a lɛʼle bɨn ó, bɨh bé ó mɨlʉmlʉ ɨ. Yé a be ó: é l'ebò e cyen lɨh lé a be é pememe e, é ngwɨa wih, é bihbe wih, é ncwɨncwɨa wih, é bɨsyɛɛla bɨh lé esa é Mbɨambɨa Sisim ɨ, é kpɛl ndɨ eduho bɨh é mɨmo si ɨ,

2 Korɛnt 7:11

Dwɛʼa ga sɔʼɔ njɨ mpʉ Zyɛm a dwir bɨn é mɨleme e. Empime lɨn, lé a be ó si sa ó: Mɨleme, myé diʼe bɨn é ntɨɨɨŋ ó, bɨn saʼ embɨa. Bɨn saŋa zi ndɨ ó, me tɨʼe bɨbaa bɨ ebebe me a niʼe bɨn ɨ. Bɨn joʼa kalara waa e tuu. Bɨn joʼa bʉa. Bɨn biʼe mɨmpaŋ bɨgwɨma. Bɨn beʼ e zyee é mɨleme. Bɨn kuna mʉr a saŋɔ ebebe e. Bɨsa biʼ bibyɛh, byé ó bɨdweʼle, bɨsa lé elɛʼle ó, bɨn bé ó bʉr o ndɨ agʉa lɔb ɨ.

Jacques 2:13

Mʉr ndɨ ajwɨʼ bʉr nkoo e, nye nteme, nye aŋa jwɨʼɔ nkoo é dobo Zyɛm ótiʼe lɔb we e. Njwɨʼa-nkoo, wé ekʉ doʼo é mih mo tiʼ mɨlɔb.

1 Pyɛr 2:18

Bɨn molʉa ɛɛ! Saʼ ga omasa bɨn mojoʼo e duu yiyɛh. Bɨn bé ejala le edwaabe omasa bɨbɛh, abe njɨ baa ndɨ é tala njwɨr ndwe e baa ndɨ ecwɨa e bɨn ɨ. Dwaaba ga nteme baa lé ebâm e bɨn ɨ.