Jacques 3:15 - Kálara Zyɛ̌m Edwán é mpʉ̌n

¹⁵ ebe, ocyoo win waa, wé aduho boo Zyɛm. Sa ocyoo yaa, yé eduho ó, é si nwa. Yé eduho nteme ó boo moleme.

Kálar Nzyɛ̌m : Ejwán é Sáá

¹⁵ Ntʉ ócwóó wɨ́n waá dí eduho kwá mé Nzyɛ̌m. Sá ócwóó yaá, yé duho ó ɨ́ sí yɨ̂, ɨ́ bipúno bi bʉ̂r. Yé lɨ́ eduho ntémé kwá sɔ́ŋ meleme.

Jacques 3:15 ပူးပေါင်းရင်းမြစ်များ

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Jacques 1:17

Ndwɛa wiwɛh ndɨ mbɨmbɨa ɛ, ndwe e dah lɨlɛh ndɨ mbɨmbɨa é mɨpaʼ mimyɛh ɛ, yé eduho ó, é lal mo Zyɛm boo Sɔŋ ga wina, nyɛɛ mʉr a cye dobo, ndwe e l'alomo, e baatwitwɛn ɨ. Nye abe lé esiila, nkʉ cene cye mpʉ dobo lé ecene cye ye, dime, ka liʼe bʉr é pyoo e.

1 Korɛnt 3:19

ebe, ocyoo o mbi jɔʼ yi, wé ó ogʉ é mih mo Zyɛm. Bɨna bé egʉa ga no, ebe, yé ó tila é Kalara Zyɛm ó: «Zyɛm, nye elam mɨcɨcyoo ó, é zi ocyoo wɔɔ.»

Filipi 3:19

Bé ófuʼla ó, dim cyecye. Bɨsa bɨ ozyɛm bé lé edwiibɨ ɨ, byé ó mɨmo myɔɔ. Bé ekʉ ka gumlo ó njɨ bɨsa ndɨ ebul samle be e, toŋlɔ-toŋlɔ njɨ bɨsa bɨ jobo yi.

1 Korɛnt 2:14

Mʉr ndɨ ndu, abe e Mbɨambɨa Sisim ɨ, nye abe e nkul ebi ocyecye lé eduho é Sisim waa ɛ. Ocyecye waa, wé ó nye ogʉ. Nye abe e nkul egʉa we, ebe, mʉr ndɨ epahle ocyecye waa ɛ, nye ó njɨ waa ndɨ e Mbɨambɨa Sisim ɨ.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Jacques 1:5

ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.

1 Timotɛ 4:1

Mbɨambɨa Sisim, nyi lɛɛ é kpɛŋlɛm ó: é jɔʼ esie e mbi jɔʼ yi, lé óbe, lé mu kunokuno le epyal ɨ, bʉr, bé ókaŋa e buʼo ga yina, bɔʼa é bɨna ga. Bé ójoʼlo mɨmpʉmpʉl mɨ oyeʼle. Sikʉlʉ bé óka jwɨʼ ɨ, yé óbe ó njɨ yaa moleme, mé a taare kuhlo e.

Yʉ̂d 1:19

Bɨha, bé ó ndɨ egba mpɔʼa monkɔm paʼra bʉr e bʉr. Bé edwia e bɨsa bɨ jobo yi. Mbɨambɨa Sisim, nye apa ntɨhɔ be.

1 Korɛnt 3:3

ebe, bɨn bé etiʼe-tiʼe ó, kʉ be mpʉ bʉr o si nwa. Bɨn mu ó lé esa mpɔʼa monkɔm ndwe le esiila motwii. Zê bɨn bé abee naa ó, bɨn bɨ kʉ nʉa dweʼle tiʼ mo bʉr o si nwaʼ ɛ? Bɨn bé ekʉ kœʼ ebò e cyen bʉr o si nwaʼ lé ebul kœʼ œ.

Yʉanes 3:17

Nye a baantɨh Mwan we kaʼ é si nwaʼ ó, nye ntaʼ, ze dwe bʉr o tɨʼ mobe. Nye a ntɨh nye ó, nye dweʼ bʉr bɨbɛh tiʼ molu mo mpoʼ mɨmɛh dumo e nye.

Mɨngwiha 9:11

Tî wɔɔ, nye ó engles ndɨ e nkul mojwɨ̀ʼa é Bɨ-siʼe e. Bé ejebe nye é lwib ebrœ ó, Abadɔn. Yé be ó é lwib grɛk yɛɛ nɛʼɛ, lɛɛ ó, yé ó Apolion.

Mɨngwiha 2:24

No ó, bɨn, bʉr o ndɨ ɨ Tiatir, baa ndɨ ajoʼo bɨbla sikʉlʉ yiʼ ɨ, bɨn bé adu mɨfela bɨsikʉlʉ Satan lé edwe, byaa bʉʉ bʉr lé elɛɛ-lɛɛ ó, byé ó cyecye e. Me ako bɨn nuu mbeʼ modile fih.

2 Tesalonika 2:9

Mbi zea nye óze e, wé ólɛʼle bʉr ó, nye e nkul mo Satan. Nye ósa mosima mɨmbi mɨmbi e bɨdweʼle bɨ nkul we, ka kɛl bɨsa bɨ jehe ndɨ byaa bɨkʉʉŋʉ ɨ.

2 Korɛnt 11:3

Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

1 Korɛnt 1:27

To kœb ó, Zyɛm a pɛh bʉr ó, lé epɛh baa bʉr o si nwaʼ lé ebee ó, bé ó bɨgʉ ɨ, é l'efu le egba mɨcɨcyoo mɨ si nwaʼ fwon é nyʉl. Nye a pɛh bɨcyɛʼ-bol ó, nye gbaʼ mɨnjɨh mɨ bʉr fwon é nyʉl.

Rôm 1:22

Bé dam doʼo e l'ocyoo wɔɔ, bé eka to fuʼla ó bɨgʉ.

Mɨlʉmlʉ 13:10

Nye e nye ó: «Gwɔɔ mwan mo Njwɨɨ moleme, mʉr dɔm ndɨ elwimla e sa yiyɛh ndɨ é l'ocɨcyel ɨ. Go ó lwɨŋla e bɨlwib bɨkʉʉŋʉ le mpʉl, mɨmbi mimyɛh. Zê go aŋa gwaʼ lé eze e mbʉl é mɨlɔb mo Da ɛ?

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Lʉkas 16:8

Njwɨʼa waa ze seʼle bɨbla mbɔʼlʉ ekuro waa, ebe, nye a si kuhlo pɨʼ waa no, ebe, mʉr mbi jɔʼ yi, nye ábɛa le entaa bʉr o jyɛɛ ye é pɨʼ, laa bʉr mo Zyɛm.