Jacques 3:13 - Kálara Zyɛ̌m Edwán é mpʉ̌n

¹³ É mbɛr Zyɛm win, zé ndɨ cɨcyoo le ngwɨa ɛ? Mʉr ndɨ no e, nye ejala le elɛʼle ocyoo we waa ó, é zi mbɨambɨa ebò e cyen nye lé ekœʼ œ. Nye saʼ mɨmpaŋ bɨsyɛɛla, le etala njwɨr e bʉr bɨbɛh. Mpaŋ ocyoo, wé ó nɨ.

Kálar Nzyɛ̌m : Ejwán é Sáá

¹³ Wáa mʉ̂r ɨ́ sɔ́má yɨ́n dí le ocwóó? Wáa mʉ̂r dí egʉ́a mékaná, sâ bínzololo? Yé jala ó, mʉr waá gʉ́ŋaa elɛ̂ʼle ócwóó wé ɨ́ nzɨ̌ mbɨambɨa kʉ̌ tyen nyé dí edû yɨ́. Nye sâʼ bisyɛ́ɛla bimpâ. Nye díʼee le njwɨr dí ɨ́ tala tala wɨ́. Mpaŋ ócwóó ó tɨ̂ʼ wɨ́.

Jacques 3:13 ပူးပေါင်းရင်းမြစ်များ

Galásia 5:23

etala e njwɨr ndwe e mɛra leme. Bɨsyɛɛla bɨnɨ, byé abe kɔmlʉ é motie mo Zyɛm.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Mataos 5:5

Mocyɛʼ mo mpom e bʉr o ndɨ é cyɛʼ mɨnjwɨr ɨ, ebe, bé ó ngo liʼ e si nwa!

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Títos 3:2

Bé beʼ l'afœʼ nuu mʉr. Bé l'ayi sa bɨtom. Bé diʼe é tala njwɨr. Bé tala njwɨr e bʉr bɨbɛh.

2 Timotɛ 2:25

Yé ejala ó, nye gʉa tɨe bʉr o ndɨ edo e nye e, e njwɨr é tala tala. ǃNye si sa no nɛʼɛ, Zyɛm óbɛm cyɛb be é mɨleme, ó bé gwɨma mobebe mɔɔ, le edwir mɨleme. Bé ògʉa ocyecye é jɔʼ yaa.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

1 Timotɛ 6:11

Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.

Jacques 2:18

Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

1 Timotɛ 4:12

Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

2 Korɛnt 10:1

No ó, me mʉr tɨ, Pol, me ejwɨʼla e bɨn é zyɛŋa wih boo Krɨst, a fil nyʉl we si ɨ, le mʉr ndɨ é tala njwɨr ɨ—Mɛm, mʉr bɨn lé elɛɛ ó: «Nye efil nyʉl we si é jɔʼ bɨna ga e boo nɔɔ ndɨ gumo gwar ɨ», waa bɨn lé elɛɛ nteme ó: «Nye é bul sa yɛɛ monyan e bɨna ga é jɔʼ bɨna ga e boo nɔɔ mu é ncɛra» ɛ.

Mataos 11:29

Niʼe ga é jwɨ̀ʼa yam. Bɨn bé à joʼlo motɨɨ mam, ebe, me é tala njwɨr e nyʉl fila si. Bɨn nkʉʼ bi egbala é mɨsisim min,

Jacques 3:1

Obɨɔ ga bam aa! Yé ajala ó, buobuo bʉr o mbɛr Zyɛm win yeʼla mɨlɔb mo Zyɛm. Bɨn bé egʉa ó, é jɔʼ Zyɛm ótiʼe bɨh bɛɛ oyeʼle mɨlɔb ɨ, nye ótiʼe mye ó, e ncɨr é leme, abe mpʉ nye ótiʼe myaa mɨ bʉʉ bʉr ɨ.

Éfɛsɔs 4:2

Filɨ ga monyʉl si paʼra win. Diʼe ga bʉr o ndɨ é tala njwɨr ɨ, le bʉr o bihbe. Dihba ga paʼra win e leme ncwɨncwɨa.

Galásia 6:4

Mʉr nyiwɛh, nye ejala le epahle syɛɛ ye nye mʉr tɨ. ǃYé si ka nyin mbɨmbɨa nɛʼɛ, lɛɛ ó, nye ódoʼo e syɛɛ nye mʉr tɨʼ a sea ɛ. Syɛɛ ye, yé aŋa jwɨʼɔ e yaa bʉʉ bʉr.

Galásia 6:1

Obɨɔ ga bam aa! ǃBɨn si bee ó, mʉr fih mʉr kɛ̀l, nyi sa syem nɛʼɛ, bɨn bʉr o ndɨ e Mbɨambɨa Sisim é mɨleme lwɨŋla ɛ, gulɨ ga nye ó, nye duha é mpila mɨsyem waa. Nʉŋa ga nye é motala. Mʉr nyiwɛh é l'esama lɨn, nye dwɛʼa nteme mpʉ nye mʉr tɨʼ ndɨ ɨ, ebe, nye nteme amu duma é mobʉbla.

2 Korɛnt 8:24

Ebe no, lɛʼla ga bʉr baa mbi bɨn lé ekpɛl bʉr ɨ. Bɨsyɛɛla byaa, byé óbe ó dweʼle, sa yé ólɛʼle bɨn ó, bɨn bé ekpɛl mɨmbɛr mɨ Zyɛm ɨ. Bé ógʉa ó, bɨlwib bɨh bé a lwib lé edoʼo e bɨn ɨ, byé a be ó ocyecye.

Mataos 21:5

«Lɛŋɨ ga bʉr o nkana Sion ó: “Mbe njwɨɨbʉr go lé eze e? Nye é bul tala njwɨr. Nye eze ó, é myɛl jakah kʉ; nye é ma jakah kʉ é kal.”»

1 Pyɛr 3:4

Laa ó, ojaa win, wé diʼe no, fuo gba ga yɛɛ ojaa é leme tʉŋlʉ. Ojaa waa, wé abe e nkul esie. Leme win diʼe é pyɛɛɛ. Diʼe ga é tala njwɨr. Ojaa waa, wé é buo dime é mih mo Zyɛm.

1 Korɛnt 6:5

Me elɛɛ no ó, é l'efu le egba bɨn fwon é nyʉl. Zê é l'esama lɨn, yé eluʼo pɨpɨʼ ngwar ndɨ e nkul elwib mɨlɔb paʼra nwaʼ mbuʼla bé e nuu ɨ?

Mataos 7:24

«Mbi mʉr lé ejoʼo mokan mam ma, ntɔʼ du me e, nye enwɨɨla ó e mʉr a fumo mbɛr é mbi wiʼ ɨ: Nye a cyel bɨpab bɨ tɨʼ ó, é gumo nye a bee bah ekoʼ e.

Ebrœ̂ 13:5

Mʉr alaʼ ga lʉ é kpɛl mɔn. Filɨ ga mɨleme si é bim bɨn lé ebi ɨ, ebe, Zyɛm a lɛɛ ó: «Me abe e nkul eliʼe go é ntɛʼɛ nkʉ ntwiŋ go.»

1 Pyɛr 1:15

Zyɛm, waa a jebe bɨn ɨ, nye ó ndɨ ti. Ebe no ó bɨn lé ejala le edi mɨsaŋ mɨ bʉr be, baa ndɨ elɛʼle no é nko paʼ ebò e cyen lɨlɛh bé lé ekœʼ œ.