Jacques 3:1 - Kálara Zyɛ̌m Edwán é mpʉ̌n

¹ Obɨɔ ga bam aa! Yé ajala ó, buobuo bʉr o mbɛr Zyɛm win yeʼla mɨlɔb mo Zyɛm. Bɨn bé egʉa ó, é jɔʼ Zyɛm ótiʼe bɨh bɛɛ oyeʼle mɨlɔb ɨ, nye ótiʼe mye ó, e ncɨr é leme, abe mpʉ nye ótiʼe myaa mɨ bʉʉ bʉr ɨ.

Kálar Nzyɛ̌m : Ejwán é Sáá

¹ Bɨ́ɔɔ́ bâm, yé ajala ó, bʉr ɨ́ buo buo díʼee ɨ́ dǐ lɛ̂ʼla. Bɨ̌n bé lɨ́ egʉ́a ó, jɔ̌ʼ Nzyɛ̌m ótíʼe bɨ́h, olɛ̂ʼla, milɔ̌b yɨ́, nye ótíʼe myé ó e ngɨ́r ɨ́ léme, abě mpʉ nyé ótíʼe bʉ́ʉ́ bʉ̂r myɔ́ɔ́ yɨ́.

Jacques 3:1 ပူးပေါင်းရင်းမြစ်များ

1 Timotɛ 1:7

Bé egwɨm ó, bé beʼ oyeʼle o motie, bɛɛ l'apa kʉ gʉa sa bé lé elɛɛ ɛ, nkʉ mɨlɔb bé lé eboʼlo e bʉr ó, myé ó tɨʼ ɨ.

1 Pyɛr 5:3

Alɛʼle bʉr o b'a timlɔ bɨn ɨ, mpel é bebebebe. Dɨʼe kœʼ ga e be mpʉ yé lé ejala e be e.

1 Korɛnt 12:28

No ó, Zyɛm a cyel bʉr é Mbɛr-Zyɛm ó, é mbi wi: é cye efoʼ, mɨlʉmlʉ; é cye mba, ogwiha o mɨlɔb; é cye lɛl, oyeʼle o mɨlɔb mo Zyɛm. Pie tɨ, nye a si cyel osyɛl o mosima be e bʉr nye a nol bɨntɔɔ bɨ ejomo bʉr ɨ, ndwe e baa nye a nol bɨntɔɔ bɨ efuʼo mɨnjyebnjyeb ɨ, kɛl baa nye a nol bɨntɔɔ bɨ ejwɨʼ bʉr o mbɛr Zyɛm ɨ, bé e baa nye a nol bɨntɔɔ bɨ elwib bɨlɔblɔb ɨ.

Mataos 23:13

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, bɨn bé ela bʉr zi lé eto gumo jwɨ̀ʼa mo Da ndɨ ɨ. Bɨn bʉr o tɨ, bɨn bé ajyɛl é zi waa. Bɨn bé adwe nteme bʉr o lé esaa ecwɨɨ tɨʼ ɨ, zi. [

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

Éfɛsɔs 4:11

Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

2 Korɛnt 5:10

Ebe, bɨna bé ó yɨma ó, bɨna pyala ga é mih mo Krɨst é dia tiʼà mɨlɔb ye. Mʉr nyiwɛh óbi myɛna nkʉ ntɨʼa ó, du mpʉ bɨsyɛɛla bye, byé a be nye é jɔʼ nye a be, nye dina é tiʼ si nwaʼ ɛ: nkʉ byé a be ó é mbɨa, nkʉ ó, byé a be ó é bebe.

Ebrœ̂ 13:17

Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

Lʉkas 16:2

Nye ntɔʼ jebe nye. Nye e nye ó: “Wáa mbi lɔb me lé ejoʼo-joʼo, tiibe e go wi? Lɛʼla me mpʉ go bi-bi bɨsa byam ɨ, ebe, go abe e nkul eka di mbɔʼlʉ ekuro lam!”

2 Timotɛ 1:11

Mbɨambɨa Lɔɔ waa ó me lé etuno e, ebe, Zyɛm a si cyel me é dia cyela mɨtuno, le yaa lʉmlʉ, le yaa yeʼle.

Yʉanes 3:10

Yesʉs, nye e nye ó: «Gwɔɔ yɛɛ njwɨʼ yeʼle motie é bwa b'Ɨzraɛl, zê yé abana go lé egʉa mɨlɔb mɨnɨ ɛ?

Mataos 10:24

«Mpʉn álaa yeʼle we é duu; syɛl mosa alaa masa we.

Lʉkas 6:37

«Atiʼe ga mɨlɔb mɨ bʉʉ bʉr; Zyɛm nkʉʼ be, atiʼe myaa min. Adwe ga bʉr mobe, bɨn jaa dweŋɔ mobe. Pɛʼɛ ga bʉr bɨbaa bɨ ebebe bɨn bé a niʼe be e, Zyɛm nkʉʼ pɛʼ bɨn byaa nye lé eniʼe bɨn ɨ.

Mataos 9:11

Mpʉ oFarizyɛŋ, bé a bee sa yaa ɛ, bé ze dî e l'ompʉn be ó: «Ebe yé yeʼle win lé emɛʼle lé epuhba mobo bé e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Mɨlʉmlʉ 13:1

É mbɛr Zyɛm ndɨ Antios ɨ, yé a be nteme ó e l'ogwiha o mɨlɔb ndwe e l'oyeʼle. Bé a be ó Barnabas bé e Simeɔn, ndɨ ejebɔ Dwin ɨ, ndwe e Lʉsiʉs, mʉr Sirɛn, ndwe e Manaɛn. (Nye a be ó mʉr nduo mo njwɨɨbʉr Erod.) Tɨʼ yé a be nteme ó, ndwe e Sol.

Jacques 1:16

Obɨɔ o kpɛl bam aa! Abir ga ó, mʉr gomla bɨn é bebebebe zi.

Jacques 1:19

Obɨɔ o kpɛl bam aa! Diʼe ga é luumo, joʼlo bʉʉ bʉr. Alɨ lwib ga. Alɨ kpaa ga mompime,

Jacques 3:10

Nʉm ngwar waa, wé epyɛl bɨkɔ́ɔlʉ, ntɔʼ sʉ bʉr mocyɛʼ mo mpom. Obɨɔ ga bam aa! Yé ajala le ebe no.

Mataos 23:14

A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ, bɨn bé esà mɨkuho, nʉa bɨsa bibyɛh myé ndɨ eliʼ e tɨʼ ɨ. Bɨn bé ejwɨʼla-jwɨʼla nteme e Zyɛm ó, bul mokan, lé esa lɛʼla. Ebe no ó bɨn bé óbul dweŋɔ mobe le ekabɔ bɨntɨʼa.]