Jacques 2:8 - Kálara Zyɛ̌m Edwán é mpʉ̌n

⁸ ǃBɨn si du etie ndɨ etilɔ é Kalara Zyɛm ó: «Kpɛlɨ mɨɔ go mʉr mpʉ go lé ekpɛl go mʉr tɨʼ» nɛʼɛ, lɛɛ ó, bɨn bɨ gʉa sa, ebe, etie laa, lé ó laa Tî ga wina a tiile e!

Kálar Nzyɛ̌m : Ejwán é Sáá

⁸ Yé kʉ́ jala ó bɨ̌n dúʼoo etié me Njwɨ́ɨ gá wɨ́ná. Lé lɨ́ elɛ́ɛ ó: «Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.»

Jacques 2:8 ပူးပေါင်းရင်းမြစ်များ

Galásia 5:14

Motie mɨmɛh, mé ebɔma e l'etie egwar ó: «Kpɛlɨ mɨɔ go mʉr mpʉ go lé ekpɛl go mʉr tɨʼ ɨ.»

Jacques 2:12

Ebe no, é jɔʼ bɨn mu lé ekpɛl pyɛl ekan efih ekan e kɛ̀l ɨ, nkʉ ó, bɨn bé ósa yʉʉ syɛɛla nɛʼɛ, bɨn bé à gʉa ó, Zyɛm ótiʼe bɨn mɨlɔb ó, pahle mokan mɨn ndwe e bɨsyɛɛla bin byaa. Nye ópahle bye lé edu etie ndɨ esa ó, bʉr diʼe é dia otî ɨ.

Mataos 22:39

No ó laa emba, bé e laa le efoʼ, mé edile ó, jwɨʼ gwar. Lɨha, lé ó: “Kpɛlɨ mɨɔ go mʉr mpʉ go lé ekpɛl go mʉr tɨʼ ɨ.”

Galásia 6:2

Nkɛŋɨ ga mɨmbeʼ mɨ bʉʉ bʉr. ǃBɨn si sa no nɛʼɛ, gʉŋa ga ó, bɨn bɨ kʉ du etie Krɨst a tiile bɨna ga ɛ.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Jacques 1:25

No ó, mʉr waa lé ebee etie ndɨ mbɨmbɨa é mɨpaʼ mimyɛh ɛ, (no, yé ó etie ndɨ ecyel bʉr é dia otî ɨ), nye ó ndɨ eto dolo lé edu etie laa mbɨmbɨa. Nye abe mbi mʉr ndɨ, le ejoʼo, le ejɨha ɛ. Nye esa syɛɛla tɨ. Nyiha ó ndɨ waa Zyɛm ósʉ mocyɛʼ mo mpom é syɛɛla yiyɛh nye ósa ɛ.

1 Tesalonika 4:9

É lɔb kpɛl ndɨ paʼra obuʼla ɛ, yé abe e sa me gum ka tile bɨn, ebe, Zyɛm, nyi bɛa dwe bɨn sikʉlʉ tɨʼ é lɔb waa.

Filipi 4:14

Sa ndɨ tɨʼ yé ó, bɨn bé a si kʉ sa embɨa lé enʉa nkɔb é mɨtuu myam.

Mataos 25:23

«No ó masa we a ze lɛɛ e nye ó: “É mbɨa! Go ó mpaŋ syɛl mosa ebuʼlɔ, ebe, go a si gʉa baʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Jacques 2:19

Gwɔɔ lɛɛ ó, Zyɛm, nye ó njɨ ngwar. Go ntɔʼ lɛɛ ó, lɔɔ waa, wé ó ndɨ elɛʼle ó, gʉ jyɛʼ taa buʼo yo boo Zyɛm. Yé ó mbɨmbɨa! Dam be moleme, mé egʉa nteme no. Ebe no ó mé ndɨ esaʼ é ngba-ngba-ngba e bʉa ɛ.

Mataos 25:21

«No ó, masa, nye e nye ó: “Yé é mbɨa! Go ó mpaŋ syɛl mosa ebuʼlɔ, ebe, gɨ gʉa ebaʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Mataos 7:12

Ebe no, syɛɛla bɨn lé egwɨm ó, bʉr saʼ bɨn ɨ, dɨʼe sa ga nteme be ya. Yé ó sa Zyɛm lé elɛɛ é l'okalara o motie Moyiz a tile e, e sikʉlʉ ogwiha o mɨlɔb bé a dwe e.»

Rôm 13:10

Mʉr lé ekpɛl mɨɔ we mʉr ɨ, nye abe e nkul esa nye ebebe. ǃGo si kpɛl bʉr nɛʼɛ, lɛɛ ó, go edu motie mɨmɛh mbɨmbɨa.

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.