Jacques 2:5 - Kálara Zyɛ̌m Edwán é mpʉ̌n

⁵ Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Kálar Nzyɛ̌m : Ejwán é Sáá

⁵ Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

Jacques 2:5 ပူးပေါင်းရင်းမြစ်များ

Mataos 5:3

Nye ó: «Mocyɛʼ mo mpom e bʉr o ndɨ ekʉ gʉa ó, mɨsisim myɔɔ, myé ejyeb é nko paʼ egʉa Zyɛm ɨ, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e!

Lʉkas 6:20

No ó nye a ze dwɛʼ nko ompʉn be, bé a be e, ze lɛɛ e be ó: «Mocyɛʼ mo mpom, mé e bɨn, baanteʼenteʼe. Jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bɨn ɨ.

Mɨngwiha 2:9

“Me egʉa mɨtuu min, ndwe e l'enteʼe lɨn—to kœb ó, bɨn bé ó mɨsʉsʉ mɨ bʉr—, ndwe e movoʼ bʉr lé efœʼ bɨn ɨ. Baanya-movoʼ baa, bé dam lɛɛ ó, bé ó oYʉden, bé abe yɛɛ oYʉden ompa. Bé ó bʉr o mpah mɨnjwɨʼla mo Satan!

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

Lʉkas 12:21

Yesʉs, nye e be ó: «Mʉr ndɨ ekoho mobi me é l'efu le nye mʉr tɨ, nyɛɛ yɛɛ anteʼenteʼe é mih mo Zyɛm ɨ, mʉr waa, nye ó ndɨ enwɨɨla e mʉr nwa.»

1 Pyɛr 1:4

Nye a bya bɨna ga jɔʼ mba nteme ó, é l'efu le edwe bɨna ga tiʼ molu mo mpoʼ mɨmɛh mu koma é jobo kʉ ɨ. Sa ndɨ koma é l'efu lɨn ɨ, yé aŋa bo, nkʉ lœʼ mʉr é mih mo Zyɛm, nkʉ kuna.

Jacques 1:12

Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Lʉkas 12:32

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

1 Korɛnt 2:9

Yé ó mpʉ yé ndɨ tila é Kalara Zyɛm ɨ. Yé ó tila ó: «Sa mʉr ngwar l'apa joʼo, nkʉ bee e, sa mʉr ndɨ apa jwɨʼ é leme we lʉʉ dobo e, Zyɛm a kʉmsa ye ó, ebe bʉr o ndɨ ekpɛl nye e.»

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Mɨngwiha 21:7

Mʉr nyiwɛh óbe si ntaa, bula e l'esaa é koo e, nye óbi we nkɔb é bɨsa byaa bibyɛh. Me óbe ó Zyɛm we. Nye óbe me ó mwan.

Jacques 1:9

Mɨɔ wina é mbɛr Zyɛm ndɨ é l'enteʼe e, nye ejala le edoʼo e dia nɨnɨ Zyɛm a cyel nye tɨʼ ɨ.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

2 Korɛnt 6:10

é jɔʼ bé sa ó, bɨh liʼɨ é gœʼra-gœʼra e mocyɛʼ mo nyʉl ɨ, bɨh bé eto dolo lé esoho é jɔʼ yiyɛh, é jɔʼ bɨh ndɨ é l'enteʼe, bɨh bɛɛ lé ekab buobuo bʉr mopoʼ e, é jɔʼ bɨh ndɨ é l'enteʼe e, bɨh bɛɛ yɛɛ lé entuʼba ɛ.

Mɨngwiha 3:18

Me etɨe bɨn ó: ǃbɨn si gwɨm bi mpaŋ okum nɛʼɛ, bwama ga gol yam. Yi duho é duro e molul. Bwama ga mɨkan mɨpumo. Bɨn bé à bwar mye, aka di fufwah é nda ndwe e fwon. Bɨn bé à bwam nteme mir etwaale é mih, ó bɨn nkʉʼ bula bee.”

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Lʉkas 16:25

«No ó Abraham a lɛɛ e nye ó: “Mwan wam ɔɔ! Toŋla ó, go a di ó, é dia mopoʼ é jɔʼ go a be e tiʼ yi ɔɔ! Lazar nyɛɛ a kʉ ka di-di ó, njɨ é dia enteʼe ɔɔ! Banana, nye mu ó si poblɔ kaʼ ɔɔ! Gwɔɔ, go esia e mogumba ɔɔ!

Mataos 11:5

Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé epɛʼɔ sa ndɨ elœʼ be é mih mo Zyɛm ɨ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

2 Pyɛr 1:11

No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

2 Tesalonika 1:5

Syɛɛla yin yaa, yé ó dweʼle, sa lé ekʉ lɛʼle bɨna ga ó, Zyɛm, nye e l'ocyecye é jɔʼ nye lé etiʼe bʉr mɨlɔb myɔɔ no e. É mpʉ bɨn lé esa bihbe no e, yé esa ó, bɨn jala e bɨdia é jwɨ̀ʼa mo Zyɛm mu lé ecyelɔ ɛ. Ebe no ó bɨn lé ebɔma e mɨtuu e mɨndɛl mɨnɨ ɨ.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Rôm 8:17

Yé be ó, bɨna ga mu ó bwan mo Zyɛm nɛʼɛ, kʉ gʉa ó, bɨna ó ngo bi ga monkɛʼ mo Zyɛm, jala e nkɔb ga wina. Bɨna bé óbi ga me ó, é zyɛŋa ga wina boo Krɨst. ǃBɨna ga e boo nɔɔ, bé óbe si sia e mɨtuu mɨmpwar nɛʼɛ, bɨna bé óbi ga nteme kum, é zyɛŋa ga wina boo nɔɔ.

Lʉkas 16:22

Nye ze dwè. Beengles ze nkɛɛ nye, to dilɔ nye é mbo ejʉm mo Abraham é jobo kʉ. Mbil bɨsa nteme dwè, ntɔʼ debe é foo,

Jacques 1:16

Obɨɔ o kpɛl bam aa! Abir ga ó, mʉr gomla bɨn é bebebebe zi.

1 Tesalonika 2:12

Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.

2 Korɛnt 4:15

Ebe, mɨtuu myaa mimyɛh, myé epyal bɨh ó, é l'efu lɨn. No ó, ncwɨncwɨa mo Zyɛm óbul lɛʼlɔ é l'efu ó, bʉr o ndɨ edwe nye ekiba ɛ, bé bua, Zyɛm lé ebi kum tɨ.

Yʉanes 7:48

Zê nuu tamamʉr wina, nkʉ nuu mʉr é nkɔm oFarizyɛŋ, nyi pa jyɛʼ taa buʼo ye boo nye?

Lʉkas 22:29

Mpʉ Sɔŋ wam a dwe me nkul mojwɨ̀ʼa é nko paʼ jwɨ̀ʼa ye e, mɛm nteme mu ó lé ekab bɨn nkul mojwɨ̀ʼa é jwɨ̀ʼa gwar yaa,

Markus 7:14

No ó Yesʉs a bâʼle jebe ntuntuma bʉr, nye e ye ó: «Mbɛngɛɛ, bɨn bɨbɛh ɛɛ! Bɨn bé à kʉ gʉa joʼlo sa yi.

Mɨlʉmlʉ 7:2

Etyɛn ntɔʼ bɨha ó: «Mbɛngɛɛ! Bɨn obɨɔ bam e l'osɔŋ bam aa! Zyɛm ndɨ e moncɛnba ɛ, a si pyal boo sɔŋ mpam ga wina Abraham é jɔʼ nye a be Mezopotami, nye l'apa to di Aran ɨ.

Jacques 1:19

Obɨɔ o kpɛl bam aa! Diʼe ga é luumo, joʼlo bʉʉ bʉr. Alɨ lwib ga. Alɨ kpaa ga mompime,