Jacques 2:23 - Kálara Zyɛ̌m Edwán é mpʉ̌n

²³ Yé a syɛɛlɨ no ó, lé edira lɔɔ ndɨ tila é Kalara Zyɛm ó: «Abraham a si jyɛʼ taa buʼo ye boo Zyɛm. Zyɛm ze bee buʼo ye mbɨmbɨa, nye ntɔʼ nʉa nye mpʉ cɨcyel mʉr.» Nye ze liʼ e mosʉm ó, «fo mo Zyɛm».

Kálar Nzyɛ̌m : Ejwán é Sáá

²³ Yé ntɔ̂ʼ pyâl mpʉ bé á cɛma ɨ́ Mekaná mé Nzyɛ̌m yɨ́. Yê cɛmá ó: Abraham á si dyêʼ koo e Nzyɛ̌m. Nzyɛ̌m nzě beě mpʉ̌ Abraham á dyɛ̂ʼwo e né yɨ́. Nye ntɔ̂ʼ láa ó, nye ó tîtyěl mʉr ɨ́ lɔ̌b búʼó yé yaá yɨ́. Nzyɛ̌m nzě jwɨr nyé «só wé».

Jacques 2:23 ပူးပေါင်းရင်းမြစ်များ

Galásia 3:6

Dwɛʼa ga mpʉ yé ndɨ tila é Kalara Zyɛm ɨ. Yé ó tila ó: «Abraham a si jyɛʼ taa buʼo ye boo Zyɛm. Zyɛm ze bee buʼo ye mbɨmbɨa, nye ntɔʼ nʉa nye mpʉ cɨcyel mʉr.»

Rôm 11:2

Zyɛm a baamyah bʉr nye a bɛa lɛɛ ó, bé ó kul bʉr ye e. Zê bɨn bé agʉa sa bé a tile é Kalara Zyɛm, tiibe e Élie ɨ? Élie a be ó si pur bwa b'Ɨzraɛl é mih mo Zyɛm. Nye a lɛɛ ó:

Galásia 3:22

Ebe, yé ó tila é Kalara Zyɛm ó, bʉr o si nwaʼ bɨbɛh, bé ó, é mpila mɨsyem myɔɔ. Mɨsyem myɔɔ, myé a si kaʼ bɨbɛh monkara. Sa gwar, Zyɛm, nye ekɛʼ ó, baa bɨbɛh lé ejyɛʼ taa buʼo yɔɔ boo Yesʉs-Krɨst ɨ.

Rôm 9:17

Yé ó tila é Kalara Zyɛm, tiibe e Faraɔŋ ó: «Me a cyel go é dia njwɨɨ, ka bir ó, go saʼ me pyeh, ó me nkʉʼ lɛʼle bʉr bɨbɛh nkul wam é zi go, ndwe nteme, bʉr toʼ é si nwaʼ nyiwɛh lé etuno lɔɔ lé etiibe e die lam ɨ.»

Lʉkas 4:21

No ó nye a ze lɛɛ be ó: «Yi syɛɛ muh lé edira lɔɔ mo Da ndɨ tila é Kalara Zyɛm ɨ, é jɔʼ bɨn joʼo me e!»

Markus 15:27

Bé a cyèl nye kʉ ó, sama e bɨzilngan bɨba, ze cyèlɔ nteme bye é bɨklos: yiʼ klos, é nko paʼ mbo ejʉm mo Yesʉs; yʉʉ, é nko paʼ mbo emyɛl. [

Markus 12:10

Bɨn bé a baasi láa sa ndɨ tila ó: “Ekoʼ ofim o mbɛr bé a pyeh e, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.

1 Pyɛr 2:6

Ebe, yé ó tila é Kalara Zyɛm ó: «Me a be ó si pɛh ekoʼ ndɨ é buo dime e. Lé ó me a komo é nkana Sion ɨ. Lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ. Waa nyiwɛh ójyɛʼ taa buʼo ye boo nye e, nye ákwoʼ ka bil fwon.»

2 Timotɛ 3:16

Mɨtila myaa mimyɛh, myé eduho ó boo Zyɛm. Myé e nyɔm é l'efu le edwe bɨna sikʉlʉ mpa, le edwe bɨna mobe é jɔʼ bɨna mu lé esa ebebe e. Myé eturo bɨna mɨlʉ, le etɨe bɨna mpʉ bɨna lé ejala le ekœʼ é l'ocɨcyel ɨ.

Mɨlʉmlʉ 1:16

«Obɨɔ ga bam aa! Yé a kʉ jala ó, yé syɛŋɨ lé edira lɔɔ ndɨ tila é Kalara Zyɛm ɨ! Peh Kalara Zyɛm yaa, yé a tilɔ ó, mpʉ Mbɨambɨa Sisim a bɛa lɛɛ bɨna ga é nʉm mo David ɨ. Nye a tile ó, é lɔb mo Yʉdas, waa a lɛʼle bʉr mpʉ bé toʼ, to naʼ Yesʉs mobo é nyʉl ɨ.

Jacques 2:24

No ó, bɨn bɨ bee: sa yé a lɛʼle Zyɛm ó, Abraham a be cɨcyel mʉr ɨ, yé a be ó bɨsyɛɛla nye a be lé esa ɛ. Yé a baabe ebe buʼo lé edi yé ome e.