Jacques 2:22 - Kálara Zyɛ̌m Edwán é mpʉ̌n

²² Bɨna bé ekʉ bee ga ó, Abraham a si buʼla, buʼo ye lé ebaʼra e bɨsyɛɛla. Bɨsyɛɛla bye, byé ntɔʼ sa ó, buʼo ye, yé kuma é l'ombɨmbɨa é mɨpaʼ mimyɛh.

Kálar Nzyɛ̌m : Ejwán é Sáá

²² Go lɨ́ egʉ́a ó, Abraham á si bûʼla. Nye á si sâ ntémé bisyɛ́ɛla bimpâ. Bisyɛ́ɛla nyé á sâ Nzyɛ̌m bí, byé ó b'á swâhle búʼó nyé á bûʼla Nzyɛ̌m yɨ́.

Jacques 2:22 ပူးပေါင်းရင်းမြစ်များ

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

1 Yʉanes 2:5

Mʉr waa lé edu motie mo Zyɛm ɨ, Zyɛm, nyi sa ó, kpɛl ye, yé kuma é l'ombɨmbɨa é mɨpaʼ mimyɛh. Ebe no ó bɨna bé ókʉ gʉa ga ó, bɨna ga bé ó é zyɛŋa wina boo nɔɔ ɛ.

Jacques 2:18

Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»

Yʉanes 6:29

Yesʉs, nye e be ó: «Mpaŋ syɛɛla Zyɛm lé egwɨm e bɨn ɨ, yé ó, bɨn jyɛʼɛ taa buʼo yin boo mʉr nye a ntɨh bɨn ɨ.»