Jacques 2:21 - Kálara Zyɛ̌m Edwán é mpʉ̌n

²¹ Ebe yé Zyɛm a nʉa sɔŋ mpam ga wina Abraham mpʉ cɨcyel mʉr ɨ? Yé a be ó ebe syɛɛla nye a sa é jɔʼ nye a nʉa mwan we Ɨzak ó, nye tiʼe ó nye, dwe Zyɛm nya é taa mɨndwɛa ye e.

Kálar Nzyɛ̌m : Ejwán é Sáá

²¹ Sɔ́ŋ mpám gá wɨ́ná Abraham á bi nkam ɨ́ míh mé Nzyɛ̌m ɨ́ yé? Yé á be ó, ɨ́ lɔ̌b syɛ́ɛla nyé á sâ ɨ́ jɔʼ nyé á nʉa mwân wé, Isaac ó, nyě tó tíʼe ó nye, dwě Nzyɛ̌m nyǎ yɨ́.

Jacques 2:21 ပူးပေါင်းရင်းမြစ်များ

Yʉanes 8:39

Bé e nye ó: «Wɛɛ! Sɔŋ wih, nye ó Abraham!» Yesʉs, nye e be ó: «Nkʉ bɨn bé a be ó be, be mpoŋbʉr mo Abraham cyecye nɛʼɛ, mpa bɨn mu ó lé esa bɨsyɛɛla nye a sa-sa ɛ.

Rôm 4:16

Ebe no ó Zyɛm a dwe Abraham bé e l'onta be, tiʼ molu mo mpoʼ mɨmɛh ebe taa buʼo bé a jyɛʼ boo nye e. Tiʼ molu mo mpoʼ mɨmɛh Zyɛm a kɛʼ bɨna ga ɛ, yé ó sa lé elɛʼle ncwɨncwɨa we e. Nkɛʼ waa, wé ó sa ebuʼlɔ é paʼ bʉr o mpoŋbʉr mo Abraham bɨbɛh. Yé a baadwɛʼ njɨ mʉr a du motie e. Yé a dwɛʼ nteme ó, mʉr a be e buʼo gwar mo Abraham ɨ. Yé ó, ebe, Abraham, nye ó sɔŋ ga wina, bɨna ga bɨbɛh.

Mataos 12:37

ebe, Zyɛm ódwe mʉr nyiwɛh mokebe nkʉ mobe ó, é lɔb mokan me.»

Jacques 2:24

No ó, bɨn bɨ bee: sa yé a lɛʼle Zyɛm ó, Abraham a be cɨcyel mʉr ɨ, yé a be ó bɨsyɛɛla nye a be lé esa ɛ. Yé a baabe ebe buʼo lé edi yé ome e.

Jacques 2:18

Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»

Rôm 4:12

Nye nteme óbe ó sɔŋ é l'efu e bʉr o ndɨ ejyɛʼ taa buʼo yɔɔ boo Zyɛm é jɔʼ bé ndɨ si saŋɔ mpʉn ɨ. Bé abe lé esaŋɔ mpʉn nye ome. Bé ó baa ndɨ esaŋɔ mpʉn ndwe le ekœʼ ebò e cyen mo Abraham, laa nye a kœʼ, nye l'apa saŋɔ mpʉn ɨ.

Rôm 4:1

É paʼ mobyɛl ga mɨna, bɨna ga bé ó e sɔŋ mpam, Abraham. É mpʉ yé ndɨ no e, bɨna kaʼ lɛɛ ga é yé, tiibe e sa nye a bi ɨ?

Rôm 3:20

Mʉr ákwoʼ bi mokebe é mih mo Zyɛm ebe mbi nye lé edu motie e. Motie, mé ekʉ ka sea syɛɛ ó njɨ yaa elɛʼle bɨna ga ó, bɨna ga bé ó bʉr o mɨsyem.

Mɨlʉmlʉ 7:2

Etyɛn ntɔʼ bɨha ó: «Mbɛngɛɛ! Bɨn obɨɔ bam e l'osɔŋ bam aa! Zyɛm ndɨ e moncɛnba ɛ, a si pyal boo sɔŋ mpam ga wina Abraham é jɔʼ nye a be Mezopotami, nye l'apa to di Aran ɨ.

Yʉanes 8:53

Sɔŋ wih Abraham a si dwè. Zê go lé ebuʼla ó, go ó waa ndɨ elaa nye e? Ogwiha o mɨlɔb nteme si dwè. Gwɔɔ, go zé?»

Lʉkas 16:30

Mbil bɨsa, nye ó: “Da Abraham ɔɔ! Bim yaa, yé ajala ɔɔ! Sa gwar, ǃɨ mʉr si duhɔ é l'odwè, to kœb be nɛʼɛ, bé ógwɨma mobebe mɔɔ, le edwir mɨleme ɔɔ!”

Lʉkas 16:24

Nye ntɔʼ lwib e nye lé eyɨm twii ó: “Da Abraham ɔɔ! Jwɨʼɨ me nkoo ɔɔ! Lomla me Lazar, nye duba odumo o dine ye é modibe, nye ntaʼ, ze dwe jɨm yam motala ɔɔ! Ebe, me é bul sia e siʼe é mɨnjʉl miʼ ɔɔ!”

Lʉkas 1:73

Zyɛm a kɛʼ sɔŋ mpam ga wina Abraham, le ede mɨnkɛla ó,

Mataos 3:9

Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Ebrœ̂ 11:17

É zi buʼo, Abraham a si kebe é jɔʼ Zyɛm a boblo nye e. Abraham ze sa ó, nye jʉ ó nye Ɨzak tɔɔ motwina. Abraham ó b'a bi monkɛʼ monɨnɨ mo Zyɛm. Leme, wé a be ó nye é ntɨɨɨŋ ó, nye kɛha ó etiʼe e mwan le laa.