Jacques 2:19 - Kálara Zyɛ̌m Edwán é mpʉ̌n

¹⁹ Gwɔɔ lɛɛ ó, Zyɛm, nye ó njɨ ngwar. Go ntɔʼ lɛɛ ó, lɔɔ waa, wé ó ndɨ elɛʼle ó, gʉ jyɛʼ taa buʼo yo boo Zyɛm. Yé ó mbɨmbɨa! Dam be moleme, mé egʉa nteme no. Ebe no ó mé ndɨ esaʼ é ngba-ngba-ngba e bʉa ɛ.

Kálar Nzyɛ̌m : Ejwán é Sáá

¹⁹ Nzê gǒ bûʼlá ó, Nzyɛ̌m, nye ó njɨ ngwár ɛ̌? Yé ó mbɨ̂mbɨá! Damá jóʼo méleme, mé lɨ́ ebánǎ bûʼla ntémé nó. Meleme maá, mé lɨ́ ebúʼla ndu e l'esâʼ ɨ́ ngba ngba ngba.

Jacques 2:19 ပူးပေါင်းရင်းမြစ်များ

Lʉkas 4:34

«Hɛɛya, Yesʉs, mʉr Nazarɛt, bɨna e go bé e wáa lɔb? Zê go ze ó, ze jʉ me ɛ? Mɨ dweʼe go! Go ó Mʉr mo Zyɛm ndɨ ti ɨ!»

Markus 1:24

«Hɛɛya! Yesʉs, mʉr Nazarɛt, bɨna e go bé e wáa lɔb? Zê go ze ó, ze sil bɨh ɛ? Mɨ dweʼe go! Go ó Mʉr mo Zyɛm ndɨ ti ɨ!»

Mataos 8:29

Bé ntɔʼ lɛɛ okʉkʉ ó: «Mwan mo Zyɛm, go esaa yé e bɨh wâ? Zê go lé eze kab bɨh bɨntɨʼa é jɔʼ etiʼ e mɨlɔb l'apa pyal ɨ?»

Mɨlʉmlʉ 16:17

Nye ze taare lé edu bɨh e Pol pihe, e tim é nʉm. Nye a lɛɛ-lɛɛ ó: «Bʉr ba, bé ó osyɛl o mosa mo Zyɛm ndɨ Lʉ bɨsa bibyɛh ɛ. Bé ó ndɨ etuno edib e zi ebi tiʼ molu mo mpoʼ mɨmɛh.»

Galásia 3:20

Mosàa-mɔm, nye eduula é jɔʼ yiyɛh ó, paʼra monkɔm moba. Sa gwar, Zyɛm a sea ó nye ome.

Mɨlʉmlʉ 19:15

yʉʉ bɨbla sisim, yé ntɔʼ bɨha e be ó: «Me egʉa Yesʉs. Mɨ gʉa nteme yʉʉ sɔʼɔ é lʉ mo Pol. A bɨn bɛɛ, bé ó ozé?»

Markus 5:7

ntɔʼ behe Yesʉs. Nye ó: «Yesʉs, Mwan mo Zyɛm ndɨ Lʉ bɨsa bibyɛh ɛ! Go esaa yé e me? Paʼ kʉ de mɨnkɛla é die mo Zyɛm ó, go aŋa dwe me ntɨʼa!»

1 Timotɛ 2:5

Ebe, Zyɛm, nye ó njɨ ngwar. No nteme ó, bʉr, bé e mosàa-mɔm ngwar lé eduula paʼra bʉr bé e boo Zyɛm ɨ. Nye mʉr tɨ, nye ó mʉr: Yesʉs-Krɨst.

Markus 12:29

No ó Yesʉs a bɨha e nye ó: «Etie lé elaa motie mɨmɛh, lé ó: “Joʼa ga, bwa b'Ɨzraɛl: Sɔŋ ga wina Da Zyɛm, nye ó ndɨ Zyɛm nye ome.

1 Korɛnt 8:6

é mbea ga wina, bɨna ga bé ó njɨ e Zyɛm ngwar, waa ndɨ Sɔŋ ga wina ɛ. Nye ó b'a cye sa yiyɛh. Bɨtiʼ ga bina, byé ekʉ dwɛʼ ó njɨ nye e nye. Yé nteme, yé ó njɨ Tî ngwar, Yesʉs-Krɨst. Sa yiyɛh, yé a cyeŋɔ ó, é zi we. Bɨna bé etiʼe ga ó, é zi we.

Rôm 3:30

ebe, Zyɛm, nye ó njɨ ngwar! É nko paʼ bʉr o b'a saŋɔ mpʉn ɨ, nye edwe be mokebe ó, ebe taa buʼo bé lé ejyɛʼ boo Zyɛm ɨ. Nye edwe mokebe nteme ó, bʉr o b'a baasaŋɔ mpʉn ɨ, ebe buʼo gwar yaa.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Yʉ̂d 1:6

Sa mba, yé ó, toŋla ga nteme beengles, mpʉ bé a be, adihbe edi é bɨdia bɨ taʼa byɔɔ ɛ. Bé a si liʼe mɨmpaŋ bɨdia byɔɔ byaa, ntɔʼ saŋɔ bɨdia bɨfih, Zyɛm ntɔʼ gba be é l'edurʉ tʉŋlʉ, kaʼ be gʉ. Bé ódi mɨkɛʼa ó, njʉmdia e njʉmdia. É l'edurʉ laa ó bé lé ebono, to pyal é l'esie e mbi jɔʼ yi. É jɔʼ yaa ó Zyɛm ótiʼe be mɨlɔb ɨ.

Jacques 2:8

ǃBɨn si du etie ndɨ etilɔ é Kalara Zyɛm ó: «Kpɛlɨ mɨɔ go mʉr mpʉ go lé ekpɛl go mʉr tɨʼ» nɛʼɛ, lɛɛ ó, bɨn bɨ gʉa sa, ebe, etie laa, lé ó laa Tî ga wina a tiile e!

1 Korɛnt 8:4

No ó, é lɔb ndɨa tir a pa bàŋɔ é mpah bé ndɨ edwiibɨ bɨbaŋabaŋa bɨdweʼle e, me bɨha bɨn ó, é mbi wi. Bɨna bé ekʉ gʉa ga ó, é jɔʼ okpɔʼ ndɨ edweʼle sa bé lé edwiibɨ no e, yé alɛɛ ó, sa bé a dweʼle e, yé ó kʉ be tɨʼ é l'ocyecye. Bɨna bé egʉa ga ó, Zyɛm, nye ó njɨ ngwar.

Mɨngwiha 20:10

No ó, Njwɨɨ moleme, mʉr a kʉ gomlo bɨbɛh é bebebebe zi ɨ, nye ómɛrɔ, guhɔ é Bɨ-siʼe. Tɨʼ ó pir lé eduo, adime-dime e. Bé óguho nye ó, é gumo bé a taare guho tir nɨ bé e mpʉmpʉl ngwiha mɨlɔb ɨ. Bé ósia e siʼe yaa tɨ, moho e pum mɨcye, njʉmdia e njʉmdia.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

Markus 7:9

A mbɨa lé ebee mpʉ bɨn lé egbɛɛ motie mo Zyɛm é l'efu ó, bɨn nkʉʼ bul du mɨnjwɨr bɨmpam bin, byé a liʼe bɨn mi ɛɛ!

Mɨlʉmlʉ 24:25

Pol ze taare lé eyeʼle nye mɨlɔb mo Zyɛm, taare é mpʉ mʉr lé ejala le ekœʼ ebò e cyen é l'ocɨcyel ɨ, le mpʉ mʉr lé ejala le emɛr leme é lɔb ebebe e, to pyal é mbi Zyɛm ótiʼe bʉr bɨbɛh mɨlɔb ɨ. Felik ntɔʼ joʼo bʉa. Nye e nye ó: «Go ejala le efiʼ é banana! É jɔʼ me óbe e l'epʉla ɛ, me óbaŋle go.»