Jacques 2:18 - Kálara Zyɛ̌m Edwán é mpʉ̌n

¹⁸ Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»

Kálar Nzyɛ̌m : Ejwán é Sáá

¹⁸ Mʉr óbɛ̌m lɛ́ɛ ó: «Gua, go lɨ́ edyɛ̂ʼwo e Nzyɛ̌m; mɛm, mě e bisyɛ́ɛla bimpâ.» Nó ó mé dí elɛ́ɛ e mʉr dí njɨ búʼó e búʼó nyá ó nɛ́ɛ: Lɛ́ʼláá mé búʼó yô, abe ɨ́ nzɨ̌ bisyɛ́ɛla bi tɨ̂. Nó ó, mɛm ólɛ̂ʼle gúa bisyɛ́ɛla bimpâ byâm, ó go béyɨɨ ó, mě dyɛ́ʼwó ó e Nzyɛ̌m.

Jacques 2:18 ပူးပေါင်းရင်းမြစ်များ

Jacques 3:13

É mbɛr Zyɛm win, zé ndɨ cɨcyoo le ngwɨa ɛ? Mʉr ndɨ no e, nye ejala le elɛʼle ocyoo we waa ó, é zi mbɨambɨa ebò e cyen nye lé ekœʼ œ. Nye saʼ mɨmpaŋ bɨsyɛɛla, le etala njwɨr e bʉr bɨbɛh. Mpaŋ ocyoo, wé ó nɨ.

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

Jacques 2:14

Obɨɔ ga bam aa! ǃƗ nuu mʉr si lɛɛ ó, nye ejyɛʼ taa buʼo ye boo Zyɛm, nye l'apa kʉ sa ba mpʉ Zyɛm lé elɛɛ nɛʼɛ, lɛa we waa, wé ó nye e wáa nyɔm? Nye ákwoʼ bi tiʼ molu mo mpoʼ mɨmɛh ebe sa buʼo ye.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Títos 2:7

Kœʼœ ebò e cyen empa, lé esa mɨmpaŋ bɨsyɛɛla é buobuo. Sikʉlʉ yo, yé beʼ l'abe mbaʼra e bɨkʉʉŋʉ, ó bʉr beŋɨ go nteme e modile.

Rôm 14:23

To kœb ó, ǃɨ mʉr si de sa ede e mosono é leme nɛʼɛ, nye óbi mobe é mih mo Zyɛm ebe ndɨa mode waa. Ndɨa mode waa, wé aduho é buʼo ye. Ebe, syɛɛla yo yiyɛh ndɨ abɔma e buʼo yo e, yé ó go syem.

Ebrœ̂ 11:31

É zi buʼo, Rahab, a be mbambama ɛ, a baadwè é jɔʼ bʉr ofih, bé a jʉŋɔ ɛ. Bé a si sa Zyɛm ebɨh; Rahab nyɛɛ ó b'a bɨlan e bʉr o b'a byamle lal Kanan ɨ.

Ebrœ̂ 11:33

É zi buʼo yɔɔ ó bé a lwimla e mɨlal mɨfih, bana ntaa mye e. Bé a si tiʼe bʉr mɨlɔb é l'ocɨcyel é zi buʼo yɔɔ. Bé a si bi nkɛʼ mo Zyɛm é zi buʼo yɔɔ. Bé a pɨr mɨngbampwɨɨ mɨnʉm nteme ó, é zi buʼo yɔɔ.

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

1 Korɛnt 13:2

Me óbɛm nolɔ bɨntɔɔ bɨ egwih mɨlɔb myé ósyɛɛlɨ ɨ, le byaa bɨ epɛʼle lwib odim yiyɛh, le byaa bɨ egʉa sa yiyɛh. Me óbɛm be e buʼo é mbi ndɨ ó, me pɛʼɛ mocwɨʼ é bɨcye byɔɔ ɛ. Sa gwar, ǃme baabe e kpɛl nɛʼɛ, gʉa ó, me abe sɔʼɔ.

Rôm 3:28

ebe, mbea wih, wé ó, mʉr Zyɛm lé edwe mokebe e, nye ó waa lé ejyɛʼ taa buʼo ye boo Zyɛm ɨ. Nye adwe nye mokebe é dɔɔ mbaʼla motie we.

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Rôm 4:6

Jwɨʼ gwar e gwar yaa nteme ó David a lɛɛ ɛ. Nye esʉ mocyɛʼ mo mpom é mʉr a dweŋɔ mokebe é mih mo Zyɛm, waa a baasa mɨmpaŋ bɨsyɛɛla ɛ.

Rôm 9:19

Bɨn bé óbɛm dî e me ó: «Yé be no nɛʼɛ, ebe yé Zyɛm lé eto dolo lé etɛɛ bɨna ga ɛ? Zé ndɨ e nkul esa Zyɛm mongan é jɔʼ nyi lɛɛ ó, nye ósa sa ndɨ edu gwɨma ye e?»