Jacques 2:14 - Kálara Zyɛ̌m Edwán é mpʉ̌n

¹⁴ Obɨɔ ga bam aa! ǃƗ nuu mʉr si lɛɛ ó, nye ejyɛʼ taa buʼo ye boo Zyɛm, nye l'apa kʉ sa ba mpʉ Zyɛm lé elɛɛ nɛʼɛ, lɛa we waa, wé ó nye e wáa nyɔm? Nye ákwoʼ bi tiʼ molu mo mpoʼ mɨmɛh ebe sa buʼo ye.

Kálar Nzyɛ̌m : Ejwán é Sáá

¹⁴ Bɨ́ɔɔ́ bâm! Okɛ́l bâm! Mʉ̂r sí lɛ́ɛ ó, nye lɨ́ edyɛ̂ʼwo e Nzyɛ̌m, nyɨɛ yɨ́ɛ abe e bisyɛ́ɛla bi dí ebɔma e milɔ́ɔ́ myé bí nó, lɛ́á wé waá, wé ópʉgʉ́ be nyé e wáǎ nyɔm? Búʼó yaá, yé ákóʼó tíʼ nyê.

Jacques 2:14 ပူးပေါင်းရင်းမြစ်များ

Lʉkas 6:49

To kœb ó, mʉr lé ejoʼo mokan mam, adu mpʉ mé lé elɛɛ ɛ, nye enwɨɨla ó e mʉr a fumo mbɛr, cyel we njɨ é bɨbwah kʉ ɨ. Nye a baapu bɨ, nkʉ cyel pab é bah ekoʼ. Nia mpɨɨ a ni ɨ, mbila oboʼo, bé a bila é biha bɨpab ɨ, mbɛr we nɨ, wé ntɔʼ ze swɨɨ si wiwɛh.»

Títos 1:16

Bé ekʉ boʼlo ó, bé egʉa Zyɛm. Sa gwar, bɨsyɛɛla byɔɔ, byɛɛ yɛɛ lé ekʉ lɛʼle ó, bé dina ó lé ekʉ lɛʼle ó, bé agʉa nye. Bʉr baa, bé é lwaʼbe. Bé ó baajoʼo-motɨɨ. É bɨsyɛɛla bɨ ncwɨncwɨa bibyɛh mʉr ndɨ bɛm sa ɛ, abe e syɛɛla gwar bé ndɨ e nkul ekoʼo e.

2 Pyɛr 1:5

Ebe no ó me ndɨ elɛɛ e bɨn ó: Gbaʼ ga monyʉl lé etaʼ bɨsa biʼ é taŋa taŋa: é buʼo yin, bɨn bé à kɛl mbɨambɨa njwɨr. É mbɨambɨa njwɨr, bɨn bé à kɛl ngwɨa.

Jacques 2:26

Yé ó jwɨʼ gwar e gwar yaa nteme e nyʉl mʉr: é jɔʼ mʉr ndɨ si pʉʼa sisim e nyʉl ɨ, nye mu ó muu. Buʼo ndɨ anyin bɨsyɛɛla ɛ, yé nteme, yé ó muu.

Ebrœ̂ 11:17

É zi buʼo, Abraham a si kebe é jɔʼ Zyɛm a boblo nye e. Abraham ze sa ó, nye jʉ ó nye Ɨzak tɔɔ motwina. Abraham ó b'a bi monkɛʼ monɨnɨ mo Zyɛm. Leme, wé a be ó nye é ntɨɨɨŋ ó, nye kɛha ó etiʼe e mwan le laa.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Jacques 2:18

Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»

Mɨlʉmlʉ 8:21

Go abe e nkul etœb lɔb wi. Go abe e nuu nkɔb tɨ, ebe, leme go, wé abe cɨcyel é mih mo Zyɛm.

Mataos 5:20

Ebe no, me elɛɛ bɨn ó nɛɛ: ǃɨ ocɨcyel win, wé si be, alaa waa oFarizyɛŋ, nkʉ waa oyeʼle o motie nɛʼɛ, bɨn bé ákwoʼ ni é jwɨ̀ʼa mo Da.»

Títos 3:8

Lɔɔ nɨ, wé ó lɔɔ ebuʼla. Me ekpɛl ó, go boʼla e bʉr ó, wé ó tɨʼ cyecye. Yé ó ngo sa ó, bʉr o b'a jyɛʼ taa buʼo yɔɔ boo Zyɛm ɨ, bé dɨʼe sa mɨmpaŋ bɨsyɛɛla ɛ. Bɨsyɛɛla byaa, byé e nyɔm é nko paʼ bʉr bɨbɛh.

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

1 Korɛnt 15:2

ǃBɨn bé óbaʼle lɔɔ waa mbɨmbɨa é mɨleme min mpʉ me a tuno bɨn nɛʼɛ, wé ódwe bɨn tiʼ molu mo mpoʼ mɨmɛh. Yé be, yé abe no nɛʼɛ, lɛɛ ó, buʼo yin, yé ó kʉ be mbɛh.

Mɨlʉmlʉ 15:9

Nye agba mbɛʼ paʼra ga wina boo nɔɔ. Nye a be ó si pubo mɨleme myɔɔ ebe taa buʼo bé a jyɛʼ boo Krɨst ɨ.

Jacques 2:16

ǃɨ nuu mʉr é l'esama lɨn si ka jɛna e nye ó: «Toʼ é motala. Ajoʼo ejyoo. Ajoʼo za,» sa gwar, adwe nye bɨsa ndɨ ekʉ jala nɛʼɛ, nyi lɛɛ nye sa lɛa ndɨ abe e nyɔm ɨ.

1 Timotɛ 4:8

Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

Mɨlʉmlʉ 8:13

Simɔn nye mʉr tɨʼ ze buʼla nteme, nye ntɔʼ nʉa ndubo. Bé e Filip, bé a ka di-di ó, sama, nyɛɛ lé ejehe lé ebee bɨdweʼle bɨ nkul we ndwe e bɨbwaʼbwaʼ mosima Filip a dɨ sa ɛ.

1 Korɛnt 16:22

ǃƗ mʉr bé akpɛl Da Yesʉs nɛʼɛ, Zyɛm káala nye. Da, ntaʼ!

Rôm 2:25

Sɛa mpʉn, wé e nyɔm ó njɨ é l'efu e mʉr ndɨ edu motie e. ǃƗ mʉr si ntaa motie maa nɛʼɛ, sɛa mpʉn we, wé l'aka be nye e nyɔm. Nye mʉr tɨ, nyi lihba mʉr a baapa saŋɔ mpʉn ɨ.

Lʉkas 3:11

Nye ntɔʼ lɛɛ e be ó: «Mʉr ndɨ e bɨdur bɨba ɛ, nye pɛʼɛ yʉʉ, dwe mʉr ndɨ fufwah ɛ. Mʉr ndɨ é twiha mode e, nye bɛʼɛ mʉʉ, dwe mʉr ndɨ é za ɛ!»

Jacques 1:16

Obɨɔ o kpɛl bam aa! Abir ga ó, mʉr gomla bɨn é bebebebe zi.