Jacques 1:9 - Kálara Zyɛ̌m Edwán é mpʉ̌n

⁹ Mɨɔ wina é mbɛr Zyɛm ndɨ é l'enteʼe e, nye ejala le edoʼo e dia nɨnɨ Zyɛm a cyel nye tɨʼ ɨ.

Kálar Nzyɛ̌m : Ejwán é Sáá

⁹ Mɨ́ɔɔ́ wɨ́ná ɨ́ Mbɛ̌r-Nzyɛ̌m dí ántéʼenteʼe mʉr nyá, nye ɨ́ jala le enkʉ́na ɨ́ lɔ̌b dǐ nɨ́nɨ́ɨ́ Nzyɛ̌m á tyêl nye tɨ̂ʼ yɨ́.

Jacques 1:9 ပူးပေါင်းရင်းမြစ်များ

2 Korɛnt 6:10

é jɔʼ bé sa ó, bɨh liʼɨ é gœʼra-gœʼra e mocyɛʼ mo nyʉl ɨ, bɨh bé eto dolo lé esoho é jɔʼ yiyɛh, é jɔʼ bɨh ndɨ é l'enteʼe, bɨh bɛɛ lé ekab buobuo bʉr mopoʼ e, é jɔʼ bɨh ndɨ é l'enteʼe e, bɨh bɛɛ yɛɛ lé entuʼba ɛ.

Mɨngwiha 2:9

“Me egʉa mɨtuu min, ndwe e l'enteʼe lɨn—to kœb ó, bɨn bé ó mɨsʉsʉ mɨ bʉr—, ndwe e movoʼ bʉr lé efœʼ bɨn ɨ. Baanya-movoʼ baa, bé dam lɛɛ ó, bé ó oYʉden, bé abe yɛɛ oYʉden ompa. Bé ó bʉr o mpah mɨnjwɨʼla mo Satan!

Lʉkas 1:52

Nye a si dwih ojwɨɨ é bɨdia bɨ taʼa byɔɔ. No ó, bʉr o ndɨ efil monyʉl si ɨ, nyi dwe be bɨdia bɨ kʉ.

Filipi 3:14

Me egba nyʉl lé eto dolo, to pyal é l'odumo. Me egwɨm mompɔʼ mo Zyɛm. Nye ejebe bɨna ga ó, bɨna toʼ, to bi ga mompɔʼ me é zi mo Yesʉs-Krɨst. Mɛɛ, mé ó koma é jobo kʉ.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Rôm 8:17

Yé be ó, bɨna ga mu ó bwan mo Zyɛm nɛʼɛ, kʉ gʉa ó, bɨna ó ngo bi ga monkɛʼ mo Zyɛm, jala e nkɔb ga wina. Bɨna bé óbi ga me ó, é zyɛŋa ga wina boo Krɨst. ǃBɨna ga e boo nɔɔ, bé óbe si sia e mɨtuu mɨmpwar nɛʼɛ, bɨna bé óbi ga nteme kum, é zyɛŋa ga wina boo nɔɔ.

Lʉkas 10:20

Sa gwar, abul soho ga ebe bɨbɨbla mɨsisim, byé esa bɨn mojoʼo. Kʉ bul soho ga yɛɛ njɨ, ebe, mie mɨn, mé mu ó mɨtila é jobo kʉ.»

Lʉkas 9:48

Nye ze lɛɛ e be ó: «Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. Mʉr bɨlan e me e, nyi bɨlan nteme e mʉr a ntɨh me e. É l'esama lɨn, mʉr bɨn bɛɛ lé ebee ó, nye ó ndɨ é bul twaʼbe e, nye ó ndɨ waa lé elaa bɨn bɨbɛh ɛ!»

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Lʉkas 14:11

Ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»