Jacques 1:6 - Kálara Zyɛ̌m Edwán é mpʉ̌n

⁶ Sa gwar, nye ejala le esa Zyɛm mɨnjwɨʼla e mbɛla é leme, lé ekʉ jyɛʼ taa buʼo ye boo nye, asoŋlo, ebe, mʉr lé esoŋlo Zyɛm é jɔʼ nye lé esa nye mɨnjwɨʼla ɛ, nye enwɨɨla ó e l'oboʼo o maŋ. Bé ó pubo lé etine, cen gumo yiyɛh ɛ.

Kálar Nzyɛ̌m : Ejwán é Sáá

⁶ Sâ gwár, nye ɨ́ jala le ejɨʼla e Nzyɛ̌m ó, lɨ́ ekʉ́ dyɛ̂ʼwo e né. Nyě sá ó, alíʼa lɨ́ ejaʼ ócwóó waá, ebě, mʉr dí elíʼa lɨ́ ejaʼ míndwéá mé Nzyɛ̌m nyá, nyě nwɨɨlá ó, le obóʼó ó mâŋ pubó dí etíne, tyěn gúmó yɨ́yɛ̂h wɨ́.

Jacques 1:6 ပူးပေါင်းရင်းမြစ်များ

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

Ebrœ̂ 10:23

Bɨna mɛʼla ga sa lé eloŋlo mɨleme ga mina e mbɛla ɛ, abe e l'ocabcab. Mʉr a liʼe bɨna ga e monkɛʼ ɛ, nye nteme, nye ó mʉr ebuʼla.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

1 Timotɛ 2:8

Ebe no ó me lé ekpɛl ó, é gumo yiyɛh, bʉrʉm puba bé bʉr o tɨ. Bé òjwɨʼla, abe e l'empime é mɨleme. Bé beʼ l'asa mosono paʼra wɔɔ.

2 Pyɛr 2:17

Bʉr baa, bé enwɨɨla ó e mono mo dibe ndɨ ejwɨl-jwɨl ɨ. Bé ó mpʉ mɨnkur nkuo lé etine e. Zyɛm, nyi bɛa komlo be dia ó, é l'edurʉ le ankom-nkom.

Mataos 14:28

Pyɛr ze lɛɛ e nye ó: «Da, yé be ó, yé ó go cyecye nɛʼɛ, jeba me, ó me ntaʼ nko go ndɨ ɨ, kœʼ é modibe kʉ.»

Mɨlʉmlʉ 10:20

Mʉŋa si. Fula. Bɨn e boo nɔɔ, bé à to. Aliʼa lé eto, ebe, me ô lomo be.»

Jacques 1:7

No ó, mʉr ndɨ kʉ kwɨh ɨ, nye ákwoʼ bi yʉʉ sɔʼɔ boo Da ebe mɨnjwɨʼla mye,

Jacques 5:15

Mɨnjwɨʼla myaa, myé esaŋɔ-saŋɔ ó, é zi buʼo. No yé esa ó, Da tiʼɨ mʉr waa, lé egbɛl nye si. Yé be ó, nye a be ó si sa syem nɛʼɛ, Da ópɛʼ nye baa nye a niʼe é lɔb syem waa ɛ.