Jacques 1:5 - Kálara Zyɛ̌m Edwán é mpʉ̌n

⁵ ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.

Kálar Nzyɛ̌m : Ejwán é Sáá

⁵ Nyʉ́ʉ́ mʉ̂r ɨ́ sɔ́má yɨ́n bé lɨ́ ejɨ ócwóó nó, nye jáʼaa Nzyɛ̌m wǎ. Nye ókʉ́ dwe nyé wǎ. Nzyɛ̌m dwídwé bʉ̂r ocwóó ó, dwě dwêʼ, abe e túú ɨ́ léme.

Jacques 1:5 ပူးပေါင်းရင်းမြစ်များ

Yʉanes 15:7

ǃBɨn si be é zyɛŋa wina, mokan mam loŋlo bɨn é mɨleme nɛʼɛ, dîʼe ga sa yiyɛh bɨn bé ókpɛl ɨ. Yé ósyɛɛ bɨn no.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Yʉanes 14:13

Me óntɨh bɨn sa yiyɛh bɨn bé ódî le ejaʼ Sɔŋ wam, pere e die lam ɨ. É mbi waa ó bʉr, bé ógumlo Zyɛm Sɔŋ ebe Mwan mo Zyɛm ɨ.

1 Yʉanes 3:22

Bɨna bé óbi ga nteme sa yiyɛh bɨna bé ójaʼ ga nye e, ebe, bɨna bé edu ga motie me, le esa bɨsyɛɛla nye lé ebee mbɨmbɨa ɛ.

Jacques 5:16

Ebe no, é jɔʼ bɨn bé ófuuba syɛb ɨ, mʉr nyiwɛh, nye ejala le egwih mɨsyem mye. Bɨn bé ejala le esa mɨnjwɨʼla é l'efu lɨn é l'efu ó, bɨn tiʼa ɛ, ebe, mɨnjwɨʼla mɨ cɨcyel mʉr, myé é kpahbe na.

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Jacques 1:17

Ndwɛa wiwɛh ndɨ mbɨmbɨa ɛ, ndwe e dah lɨlɛh ndɨ mbɨmbɨa é mɨpaʼ mimyɛh ɛ, yé eduho ó, é lal mo Zyɛm boo Sɔŋ ga wina, nyɛɛ mʉr a cye dobo, ndwe e l'alomo, e baatwitwɛn ɨ. Nye abe lé esiila, nkʉ cene cye mpʉ dobo lé ecene cye ye, dime, ka liʼe bʉr é pyoo e.

Mataos 11:20

No ó Yesʉs a tɛɛ bʉr o b'a bee-bee mosima me, bé yɛɛ l'agwɨma mobebe mɔɔ, nkʉ dwir mɨleme e. Nye ó:

Markus 16:14

Pie tɨ, Yesʉs ntɔʼ lɛʼle esama le ompʉn ewʉm e ngwar le nyʉl we, é jɔʼ bé a be ondindil lé ede e. Nye a si tɛɛ be, ebe, bé a baabuʼla nye, ndwe nteme, bé a be ó e mɨleme é lele lele. Bé a baabuʼla bʉr o b'a lɛɛ be e. Bé a lɛɛ be yɛɛ ó, bé a si bee nye; nyi pàh é foo!