Jacques 1:4 - Kálara Zyɛ̌m Edwán é mpʉ̌n

⁴ Sa gwar, yé ejala ó, bihbe waa diʼe bɨn e nyɔm é mɨpaʼ mimyɛh. Nye ósa ó, bɨn kuma é l'ombɨmbɨa é mɨpaʼ mimyɛh, abe e sa yé lé esa bɨn sɔɔlʉ.

Kálar Nzyɛ̌m : Ejwán é Sáá

⁴ Kamaa gá bé edûhwǒ sá yɨ́yɛ̂h, ebě, bíhwó nyaá, nye óbe bɨ́n e nyɔm. Bɨ̌n bé otɔ́ma ɨ́ mipáʼ mímyɛ̂h. Bɨ̌n bé óbe ó e sá yɨ́yɛ̂h, abe e sá yé ósâ bɨ́n sɔ́ɔlʉ.

Jacques 1:4 ပူးပေါင်းရင်းမြစ်များ

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Lʉkas 21:19

Tiʼɨ ga monyʉl mɨn é zi bihbe win.»

Mataos 5:48

Ebe no, kuma ga é l'ombɨmbɨa é mɨpaʼ mimyɛh, mpʉ Sɔŋ win ndɨ é jobo kʉ ɨ, ndɨ é l'ombɨmbɨa é mɨpaʼ mimyɛh ɛ.»

2 Timotɛ 3:17

Myé ó ndɨ ekomlo mʉr mo Zyɛm nyiwɛh, lé esa ó, leme, wé diʼe nye é ntɨɨɨŋ ó, nye sa ó bɨsyɛɛla bɨ ncwɨncwɨa, mɨmbi mimyɛh.

Ebrœ̂ 13:21

Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.

Galásia 6:9

Bɨna toʼ ga dolo lé esa mɨmpaŋ bɨsyɛɛla. Mʉr afil mobo me si. ǃBɨna si be ga, abir bye nɛʼɛ, bɨna bé ódira ga nyɔm, duho é bɨsyɛɛla byaa, pie ma jɔʼ.

Jacques 3:2

Bɨna ga bɨbɛh, bé esa ga mobebe, mɨmbi mimyɛh. Mʉr ndɨ abe lé esa ebebe é jɔʼ nye lé elwib ɨ, nyi kumo é l'ombɨmbɨa é mɨpaʼ mimyɛh. Nye ó e nkul ebaʼle nyʉl we, nye l'aka sa tʉa e syɛɛla ebebe.

Jacques 1:5

ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.

1 Korɛnt 2:6

É jɔʼ bɨh lé eyeʼle bʉr o ndɨ e pɨʼ otamabʉr ɨ, bɨh bé edwe be sikʉlʉ ocyoo. Me dam lɛɛ no, sikʉlʉ yaa, yé abe yɛɛ yaa ndɨ lwɨŋla e l'ocyoo o bʉr o mbi jɔʼ yiʼ ɨ. Yé abe sikʉlʉ mɨnjwɨɨbʉr mɨ mbi jɔʼ yi lé edwe bʉr ɨ. To kœb ó, mɨnjwɨɨbʉr myaa, myé mu ó kunokuno le egbahɔ.

Kolosi 4:12

Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.

Lʉkas 8:15

No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

Mataos 10:22

Bʉr bɨbɛh, bé ónwim bɨn é lɔb wam. No ó, waa ódihbe, to pyal é l'esie e, nyiha ó ngo tiʼe.

2 Pyɛr 1:9

Sa gwar, mʉr ndɨ akœʼ ebò e cyen laa ɛ, mbea we, wé ajaa to. Nye ó mpʉ ntim. Nyi kʉ jɨha ó, Zyɛm a be ó si pubo nye é nko paʼ mɨsyem nye a be lé esa ɛ.

Yʉanes 17:23

Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Lʉkas 18:22

É jɔʼ Yesʉs a joʼo no e, nye ze lɛɛ e nye ó: «Yé eka saa go sa gwar. Toʼ, to bɛma bɨsa bibyɛh go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa é lal mo Zyɛm ɨ. Pie tɨ, go òze du me.»

Markus 10:21

Yesʉs ze dwɛʼ nye, ntɔʼ kʉ kpɛl nye. Nye e nye ó: «Yé eka saa go sa gwar. Toʼ, to bɛma bim bɨsa go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa twiha é lal mo Zyɛm ɨ. Pie tɨ, go òze du me.»

Mataos 19:20

No ó ma soho waa a ze bɨha e nye ó: «Mɨ du motie monɨ mɨmɛh. Yé ndɨ eka sa me sɔɔlʉ ɛ?»

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.