Jacques 1:3 - Kálara Zyɛ̌m Edwán é mpʉ̌n

³ ebe, bɨn bé ejala le egʉa ó, é jɔʼ yaa, sa ndɨ enyin bɨn é mih é pono e, yé ó mpʉ bɨn bé a jyɛʼ taa buʼo yin boo Zyɛm ɨ. Yé be ó, bɨn bé a kʉ nʉa pim é buʼo yin nɛʼɛ, yé ódwe bɨn leme bihbe.

Kálar Nzyɛ̌m : Ejwán é Sáá

³ Ebě, bɨ̌n bé ɨ́ jala le egʉ́a ó, ɨ́ jɔʼ yaá, yé ónyɨ̂n ɨ́ ponó ɨ́ míh mé bʉ̂r, nkʉ̂ bɨ̌n bé lɨ́ edyɛ̂ʼwo e Nzyɛ̌m lɨ́ otyeetye. Búʼó yɨ́n, yé ódwe bɨ́n bíhwó ɨ́ buo buo.

Jacques 1:3 ပူးပေါင်းရင်းမြစ်များ

Ebrœ̂ 10:36

Sa lé ejɨŋɔ é nko paʼ win ɨ, yé ó bihbe. ǃBɨn si be e bihbe waa nɛʼɛ, bɨn bé ósa gwɨma mo Zyɛm é jɔʼ yaa. Bɨn bé óbi sa nye a kɛʼ bɨn ɨ.

Kolosi 1:11

Bɨh bé esa nye mɨnjwɨʼla nteme ó, nye gulɨ bɨn é mɨleme, ó bɨn sea bɨsyɛɛ bɨ nkul mɨmbi mimyɛh é zi nkul we bɨna lé egumlo ga ɛ. Bɨn bé esea-sea no ó e bihbe, lé ejaʼra e mɨtuu, bɨn yɛɛ e bɨsʉhʉ.

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Rôm 15:4

Sa yiyɛh ndɨ tila é Kalara Zyɛm ɨ, yé a tilɔ no ó, é l'efu ó, bɨna jwɨʼɨ ga bɨsikʉlʉ ndɨ tɨʼ ɨ. Kalara waa, nye egba bɨna ga nkul é monyʉl. Nkul waa, ndwe e bihbe bɨna lé ebi ga ɛ, byé esa ó, mɨleme ga mina, myé lwɨŋlɨ e mbɛla.

2 Pyɛr 1:6

É ngwɨa, bɨn bé à kɛl mɛra leme. É mɛra leme, kɛlɨ ga bihbe. É bihbe, kɛlɨ ga edwaabe Zyɛm.

Rôm 8:25

Sa bɨna l'apa bee ga ɛ, ǃɨ mɨleme ga mina si be e mbɛla ó, bɨna bé óbee ga ye nɛʼɛ, kʉ gʉa ó, bɨna bé ejala le edihbe ga mpono waa.

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

2 Tesalonika 3:5

Da cyɛba bɨn é mɨleme, ó bɨn kpɛlɨ nye. Nye saʼ nteme ó, bɨn dihba mɨtuu é mpʉ Krɨst a dihbe mye e.

2 Tesalonika 1:4

No ó, é nko paʼ wih, é jɔʼ bɨh lé epyal é myʉʉ mɨmbɛr mɨ Zyɛm ɨ, bɨh bé edoʼo e bihbe e buʼo bɨn ndɨ e bye e, ebe, é jɔʼ bé lé etíile bɨn, le esa bɨn jeele e laŋ ɨ, bɨn bé edihbe.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Lʉkas 21:19

Tiʼɨ ga monyʉl mɨn é zi bihbe win.»

Ebrœ̂ 6:12

Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.