Jacques 1:26 - Kálara Zyɛ̌m Edwán é mpʉ̌n

²⁶ ǃƗ mʉr si kʉ lɛɛ ó, nye ó é l'esama e bʉr o ndɨ egʉa du mɨlɔb mo Zyɛm nɛʼɛ, nye mɛrɨ nʉm we lé elwib sa ebebe. ǃNye baamɛr nʉm we no nɛʼɛ, nye egomlo nye mʉr tɨʼ é bebebebe zi. Buʼo mo mʉr waa, yé ó mbɛh e mbɛh.

Kálar Nzyɛ̌m : Ejwán é Sáá

²⁶ Mʉ̂r láá ó, nye ó mbûʼla, nye l'amɛ̂r jɨ̂m yé nó, nyě kʉ́á ó nye mʉr tɨ̂. Búʼó mʉ̂r waá, yé ó dwêh.

Jacques 1:26 ပူးပေါင်းရင်းမြစ်များ

Éfɛsɔs 4:29

Bol lwib l'anyamle pʉʼa é nʉm win, njɨ yaa ndɨ e nyɔm é nko paʼ bʉʉ bʉr ɨ, ó bé gwɨa é buʼo yɔɔ. Yé ó é l'efu ó, Zyɛm sʉʼo bʉr o ndɨ ejoʼo bɨn ɨ, mocyɛʼ mo mpom. Lwib ye, yé diʼe sa ndɨ é bul jala ɛ.

1 Pyɛr 3:10

Ebe, yé ó tila ó: «Mʉr nyiwɛh lé egwɨm tiʼe mbɨmbɨa ndwe le ebee molu mo embɨa ɛ, nye beʼ l'alɛɛ sa ndɨ é bebe e. Nye gwaʼa bɨlwib bɨkʉʉŋʉ.

Éfɛsɔs 5:4

Yé ajala ó, bɨn lwibɨ lwib fulʉs, nkʉ lwib ogʉ, nkʉ lwib bɨnkpala ndɨ ambɨa ɛ. Yé ekʉ ka jala ó njɨ bɨn dweʼ Zyɛm ekiba.

Kolosi 4:6

Mokan mɨn, mé ejala le ebe é jɔʼ yiyɛh ó, é mbɨa mbɨa, lwɨŋla e nyɔm. Gʉa bɨha ga e mʉr nyiwɛh mbɨmbɨa.

Jacques 1:22

Mokan Zyɛm lé elɛɛ bɨna ga ɛ, bɨn bé à du me. Ajoʼo ga njɨ e mogwal. ǃBɨn si joʼo njɨ e mogwal nɛʼɛ, lɛɛ ó, bɨn bé ekʉa ó bɨn bʉr o tɨ.

Jacques 1:19

Obɨɔ o kpɛl bam aa! Diʼe ga é luumo, joʼlo bʉʉ bʉr. Alɨ lwib ga. Alɨ kpaa ga mompime,

Lʉkas 8:18

Ebe no, gʉa dwɛʼ ga mbi bɨn ndɨ ejoʼlo e. Mʉr ndɨ e tɨʼ ɨ, nye óbâʼle bul dweŋɔ. To kœb ó, waa ndɨ tɨtoʼo e, nye ópɛʼɔ ma bim nye ndɨ egʉa ó, nye e tɨʼ ɨ.»

Galásia 6:3

Ebe, yé be ó, nuu mʉr, nye enʉa nye mʉr tɨʼ mpʉ mʉr nɨnɨ, nye l'abe nye nɛʼɛ, lɛɛ ó, mʉr waa, nyi gʉmla é bebebebe zi, ntɔʼ dim.

Galásia 2:6

Me a si to bee baa bé a nyin é mih ó, bé ó ocyɛb be efoʼ e... Nkʉ bé ó ocyɛb be efoʼ é l'ocyecye, nkʉ bé abe be, no yé asa mɛm sɔʼɔ, ebe, Zyɛm, nye adwaabe bʉr é lɔb mompom mɔɔ... Bʉr o b'a bul nyin no e, é jɔʼ me a lɛɛ be Mbɨambɨa Lɔɔ me lé elɛɛ bʉr ɨ, bé a baakɛl ekan egwar tɨʼ kʉ.

Markus 7:7

Mbi bʉr baa lé edwiibɨ me e, wé ó kʉ be tɨtoʼo, abe ba e nyɔm, ebe, sikʉlʉ bé lé edweela paʼra wɔɔ ɛ, yé ó njɨ yaa bʉr.’”»

1 Korɛnt 15:2

ǃBɨn bé óbaʼle lɔɔ waa mbɨmbɨa é mɨleme min mpʉ me a tuno bɨn nɛʼɛ, wé ódwe bɨn tiʼ molu mo mpoʼ mɨmɛh. Yé be, yé abe no nɛʼɛ, lɛɛ ó, buʼo yin, yé ó kʉ be mbɛh.

Mataos 15:9

Mbi bʉr baa lé edwiibɨ me e, wé ó kʉ be tɨtoʼo, abe ba e nyɔm, ebe, sikʉlʉ bé lé edweela paʼra wɔɔ ɛ, yé ó njɨ yaa bʉr.’”»

1 Korɛnt 15:15

Yé be ó, yé ó no nɛʼɛ, yé enyin nteme ó, bɨh bé elɛɛ mpʉl, tiibe e Zyɛm, ebe, bɨh bé eboʼlo, tiibe e nye ó, nye ó b'a pɛ̀h Krɨst é foo. Yé be ó, odwè, bé ákwoʼ pàh é mofoo nɛʼɛ, lɛɛ ó, Zyɛm a baapɛ̀h nye é foo.

Jacques 2:20

Sa mbɛh mʉr aa! Zê go lé egwɨm gʉa ó, buʼo ndɨ anyin bɨsyɛɛla ɛ, yé abe e nyɔm ɛ?

Galásia 3:4

Zê bɨn bé a si sia e buobuo mɨtuu mbɛh ɛ? Me abuʼla ó, myé ó mbɛh e mbɛh.

Galásia 2:9

Jacques bé e Sefas ndwe e Yʉanes, bé ó b'a bul nyin é mih ó, bé ó ndɨ modwii mo sɔŋ é Mbɛr-Zyɛm tʉŋlʉ. Bé a si gʉa é l'ocyecye ó, Zyɛm a si lɛʼle me ncwɨncwɨa we, bé ntɔʼ bara e bɨh e Barnabas, lé elɛʼle bʉr ofih ó, bɨh e boo nɔɔ, bé a kʉ be ó e mpaʼra osyɛl o mosa mpwar. Bɨh ntɔʼ twe twii ó, bɨh bé óto boo bʉr o ndɨ abe oYʉden ɨ, bɛɛ, lé eto boo oYʉden.

1 Korɛnt 3:18

Daʼ kʉa ga bɨn bʉr o tɨ. ǃƗ mʉr esama lɨn si láa ó, nye ó cɨcyoo é nko paʼ bɨsa bɨ mbi jɔʼ yiʼ nɛʼɛ, nye taara di mpʉ gʉ. Nye òka bi mpaŋ ocyoo,