Jacques 1:22 - Kálara Zyɛ̌m Edwán é mpʉ̌n

²² Mokan Zyɛm lé elɛɛ bɨna ga ɛ, bɨn bé à du me. Ajoʼo ga njɨ e mogwal. ǃBɨn si joʼo njɨ e mogwal nɛʼɛ, lɛɛ ó, bɨn bé ekʉa ó bɨn bʉr o tɨ.

Kálar Nzyɛ̌m : Ejwán é Sáá

²² Sá Nzyɛ̌m mû lɨ́ elɛ́ɛ bɨ́n yɨ́, bɨ̌n e sá yé mejóʼo. Ayɨ́ jóʼo gá njɨ e megwǎl. Bɨ́n jóʼó njɨ e megwǎl nó, lɛ́ɛ́, bɨ̌n kʉ́á ó bɨ̌n bʉr o tɨ̂.

Jacques 1:22 ပူးပေါင်းရင်းမြစ်များ

Rôm 2:13

Mʉr, nye aŋa bi mokebe é mih mo Zyɛm ebe mbi nye ndɨ ebaʼle motie mo Zyɛm ɨ. Waa lé edu mpʉ motie maa lé elɛɛ ɛ, nye ome ó ngo bi mokebe é mih mo Zyɛm.

Yʉanes 13:17

Banana, bɨn mu ó si gʉa bɨsa byaa. ǃBɨn si ka sa bye nɛʼɛ, gʉŋa ga ó, bɨn bé óbe ó mbɨmbɨa.

Jacques 4:17

Ebe no, mʉr waa lé egʉa mpaŋ syɛɛla nye lé ejala le esa ɛ, ntɔʼ bula di, asa ye e, nyi sa syem.

1 Yʉanes 2:3

Yé be ó, bɨna bé edu ga motie mo Zyɛm nɛʼɛ, lɛɛ ó, syɛɛla yaa, yé óbe ó dweʼle, sa lé elɛʼle ó, bɨna bɨ gʉa ga nye.

Lʉkas 11:28

No ó Yesʉs a bɨha e nye ó: «Mocyɛʼ mo mpom, mé é bul laŋle ó, e baa lé ejoʼo lɔɔ Zyɛm le edu we e.»

Mataos 12:50

Mʉr nyiwɛh lé esa sa Sɔŋ wam ndɨ é jobo kʉ ɨ, lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

Mɨngwiha 22:7

Yesʉs, nye elɛɛ ó: «Mbe ga, me ó ma ze nɨ! Mocyɛʼ mo mpom, mé swɨŋɨ é baa bé óbaʼle mɨngwiha mɨlɔb ndɨ mɨtila é kalara nwaʼ tʉŋlʉ ɨ.»

1 Yʉanes 3:7

Bwan bam aa! Abir ga ó, mʉr gomla bɨn é bebebebe zi. Mʉr lé esa mɨmpaŋ bɨsyɛɛla ɛ, nyiha ó ndɨ cɨcyel mpʉ mo Yesʉs-Krɨst.

Jacques 1:26

ǃƗ mʉr si kʉ lɛɛ ó, nye ó é l'esama e bʉr o ndɨ egʉa du mɨlɔb mo Zyɛm nɛʼɛ, nye mɛrɨ nʉm we lé elwib sa ebebe. ǃNye baamɛr nʉm we no nɛʼɛ, nye egomlo nye mʉr tɨʼ é bebebebe zi. Buʼo mo mʉr waa, yé ó mbɛh e mbɛh.

Galásia 6:7

Abir ga ó, mʉr gomla bɨn é bebebebe zi. Zyɛm ápyehɔ! Mʉr ópɛʼ mode ó, njɨ bim nye a taare bè mompœʼ œ.

3 Yʉanes 1:11

Mɨɔ kpɛl wam, abaŋa sa ndɨ é bebe e, njɨ yaa ndɨ é mbɨa ɛ. Mʉr lé esa bɨsyɛɛla bɨ ncwɨncwɨa ɛ, nye ó waa mo Zyɛm. Syɛl ebebe nyɛɛ, nye apa bee Zyɛm.

Galásia 6:3

Ebe, yé be ó, nuu mʉr, nye enʉa nye mʉr tɨʼ mpʉ mʉr nɨnɨ, nye l'abe nye nɛʼɛ, lɛɛ ó, mʉr waa, nyi gʉmla é bebebebe zi, ntɔʼ dim.

1 Korɛnt 6:9

Bɨn bé egʉa cyecye ó, ozyɛhozyɛh o bʉr, bé ákwoʼ dweŋɔ dia é jwɨ̀ʼa mo Zyɛm, jala e nkɔb wɔɔ. Abir ga ó, mʉr gomla bɨn é bebebebe zi. Osyɛl o bɨmala, baa ndɨ edwiibɨ bɨbaŋabaŋa bɨdweʼle e, osyɛl o mɨfyɛba, otɛba o bʉrʉm, bʉrʉm ndɨ etɛbɔ ɛ,

Mataos 28:20

Bɨn bé à yeʼle be ó, bé duʼo motie mɨmɛh me a tiile bɨn ɨ. Mbe ga: me ódi é bɨn molu mɨmɛh, to pyal é l'esie e mbi jɔʼ yi.»

1 Yʉanes 1:8

Yé be ó, bɨna bé elɛɛ ga ó, bɨna bé abe lé esa ga mɨsyem nɛʼɛ, lɛɛ ó, bɨna bɨ sa ga bɨgwìh. Ocyecye, wé abe é bɨna ga tʉŋlʉ.

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

1 Korɛnt 15:33

Abir ga ó, mʉr gomla bɨn é bebebebe zi. Kɨkɛna, yé elɛɛ ó: «Bɨbla jɔna nduo, yé ábɛa le elɨr mʉr die.»

2 Pyɛr 2:13

Bé óbi myɛna mo bɨsyɛɛla bɨ ebebe byɔɔ. Bé emɨɨla-mɨɨla ó, lé elɔʼba lé ebwalɔ mozɔɔ teme moho. É jɔʼ bɨn e boo nɔɔ, bé epuhba mobo e, nkʉ bɨn bé ó mpʉ nyʉl ngwar, bɛɛ ó ndɨ mobar mo nyʉl waa! Bé esahle lé ede, lé ekʉ ka du ó njɨ bɨgwɨma byɔɔ,

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

1 Korɛnt 3:18

Daʼ kʉa ga bɨn bʉr o tɨ. ǃƗ mʉr esama lɨn si láa ó, nye ó cɨcyoo é nko paʼ bɨsa bɨ mbi jɔʼ yiʼ nɛʼɛ, nye taara di mpʉ gʉ. Nye òka bi mpaŋ ocyoo,

2 Timotɛ 3:13

Bɨbɨbla bɨ bʉr, ndwe e baanya-bɨkʉʉŋʉ bɛɛ, bé óto le elɨŋa é buʼo ó, to-to ó toʼ. Bé óto dolo lé egomlo bʉr é bebebebe zi. Bʉʉ bʉr, bé óto gomlo be é mɔɔ mozi mo ebebe.

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.