Jacques 1:19 - Kálara Zyɛ̌m Edwán é mpʉ̌n

¹⁹ Obɨɔ o kpɛl bam aa! Diʼe ga é luumo, joʼlo bʉʉ bʉr. Alɨ lwib ga. Alɨ kpaa ga mompime,

Kálar Nzyɛ̌m : Ejwán é Sáá

¹⁹ Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Jacques 1:19 ပူးပေါင်းရင်းမြစ်များ

Éfɛsɔs 4:26

É jɔʼ bɨn lé ekpaa empime e, asa ga syem ebe no. Mʉr beʼ l'abir ó, nye diʼe é bul duo leme, to pyal é modwine mo pum.

Kolosi 3:8

No ó, banana, yé ejala ó, bɨn birɨ bɨsyɛɛla byaa bibyɛh: ekpaa mompime, ediʼa e leme, ebene bʉr, esa movoʼ, le elwib bɨlwib bɨ fulʉs.

Éfɛsɔs 4:31

Pɛʼɛ ga edwie e leme e l'empime é mɨleme min. Adi ga okpɔɔ, e bʉr o montɛɛ ndwe e baanya-movoʼ. Pɛʼɛ ga mobebe mɨmɛh.

Kolosi 3:15

Krɨst cyɛba bɨn é mɨleme, ó mɨleme min loŋla e motala. Ebe no ó Zyɛm a jebe bɨn ó, bɨn syɛŋa é nyʉl ngwar ɨ. Dweʼ ga nye kum é jɔʼ yiyɛh é bɨsa nye lé esa bɨn ɨ.

Mataos 5:22

Ebe no, me elɛɛ bɨn ó nɛɛ: mʉr nyiwɛh lé ekpaa empime e mɨɔ we e, nye ótoŋɔ e nye é mpah mɨlɔb. ǃƗ mʉr si lɛɛ e mɨɔ ó: “Go sa gʉʼlʉgʉ yi” nɛʼɛ, nye ótoŋɔ e nye é mih mo Bʉm Nɨnɨ. ǃƗ mʉr si lɛɛ ó “Go sa gʉʼ yi” nɛʼɛ, nye ótoŋɔ e nye é Bɨ-siʼe ndɨ é diʼa ɛ.

Jacques 1:26

ǃƗ mʉr si kʉ lɛɛ ó, nye ó é l'esama e bʉr o ndɨ egʉa du mɨlɔb mo Zyɛm nɛʼɛ, nye mɛrɨ nʉm we lé elwib sa ebebe. ǃNye baamɛr nʉm we no nɛʼɛ, nye egomlo nye mʉr tɨʼ é bebebebe zi. Buʼo mo mʉr waa, yé ó mbɛh e mbɛh.

1 Tesalonika 2:13

Ebe no ó bɨh lé edwe Zyɛm ekiba é bɨjɔʼ bibyɛh ɛ, ebe, é jɔʼ bɨh bé a gwih bɨn mɨlɔb mo Zyɛm ɨ, bɨn bé a si mɛʼle mye. Bɨn bé a baamɛʼle mye mpʉ baambɛhambɛha mɨlɔɔ lé eduho é pɨʼ mo mamʉr ɨ. Bɨn bé a kʉ mɛʼle mye ó, mpʉ lɔɔ waa ndɨ ɨ: lɔɔ ndɨ eduho boo Zyɛm, waa mu lé esea é mɨleme mɨ obuʼla ɛ.

Mɨlʉmlʉ 17:11

Bʉr o Bere bé a kœb ɨ, bé a be ó é mbɨa mɨleme, laa oYʉden bé a be Tesalonika ɛ, ebe, mɨleme, myé a be ó be é ntɨɨɨŋ ó, bé jwɨʼɨ sikʉlʉ lé etiibe e Zyɛm ɨ. Dobo lɨlɛh, bé a be ó lé epahle Kalara Zyɛm lé ebee nkʉ sa Pol a lɛɛ-lɛɛ be e, yé a be ó cyecye.

Lʉkas 19:48

Sa gwar, bé a be ó mɨleme é mo é zaaama, ebe, mɨzɨze mɨ bʉr mimyɛh, myé a be ó lé ekʉ gʉa joʼlo nye.

Markus 2:2

Buobuo bʉr ze maʼlɔ tɨʼ é mbɛr we. Bé ze kœb ó, yé a baaka be e gumo ecyɛb, dam be ó é l'ebe kʉl. No ó nye a ze dwe be sikʉlʉ é mɨlɔb mo Zyɛm.

Mɨlʉmlʉ 10:33

No ó me ze kpahbe lomo bʉr é sɔɔlʉ go e. Go be ó si kʉ gʉa esa, lé ebana ze. Bɨh bɨbɛh mu si fwal wâʼ bananaʼ é mih mo Zyɛm ó, lé ejɨ joʼlo lɔɔ wiwɛh Da a lɛɛ e go ó, go ntaʼ, ze ntɛŋ bɨh ɨ.»

Mɨlʉmlʉ 2:42

Bé a be ó lé ekʉ gba monyʉl é jɔʼ yiyɛh lé eto joʼlo sikʉlʉ mɨlʉmlʉ myé a dwe-dwe be e. Bé a di-di nteme ó, é zyɛŋa-mɨleme tʉŋlʉ, le ede-de nteme gumo gwar, le ejwɨʼla-jwɨʼla e Zyɛm.

Lʉkas 15:1

Onwɨa o tœa bɨbɛh ndwe e bʉr o ndɨ é bul jwɨ̂ʼlɨ e mɨsyem ɨ, bé a be ó lé edihle nko Yesʉs a be e, lé eto joʼlo nye.

1 Yʉanes 2:21

Me atile bɨn e yʉʉ toŋla ó, bɨn bé ejeʼe ocyecye. Me etile bɨn ó, ebe, bɨn bɨ gʉa we. Bɨn nteme bé egʉa ó, mpʉl, nye abe e nkul eduho é l'ocyecye.

Mɨlʉmlʉ 13:48

Bʉr o ndɨ abe oYʉden ɨ, é jɔʼ bɛɛ, bé a joʼo mɨlɔb mo Da lé elɛɔ ɛ, bé a be ó si soho mye le edwaabe nye ebe lɔɔ we. Baa bɨbɛh Zyɛm a bɛa pɛh ó, bé biʼe tiʼ molu mo mpoʼ mɨmɛh ɛ, bé ntɔʼ buʼla.

Markus 12:37

Yesʉs ntɔʼ ko tɨʼ ó: «David nye mʉr tɨʼ a jebe Lœma mulo mo Zyɛm ó, “Tî wam”. A wáa mbi Lœma mulo mo Zyɛm ndɨ e nkul ebe mwan mo David ɨ?» Ntuntuma bʉr, yé a be ó lé esoho lé ejoʼo lwib mo Yesʉs.

Mɨlʉmlʉ 1:15

É jɔʼ yaa, mpʉ obuʼla bé a syɛŋa, kwoʼ be bʉr nter e bʉr mowʉm moba (120) ɛ, Pyɛr ze mʉa si, cyɛb teme ntuntuma bʉr nɨ. Nye ó:

Jacques 1:2

Obɨɔ ga bam aa! É jɔʼ bɨn bé ebɔma e mobʉbla mɨmbi mimyɛh ɛ, bɨn bé à gʉa ó, yé ó bɨn jɔʼ bɨsʉhʉ,

Jacques 1:16

Obɨɔ o kpɛl bam aa! Abir ga ó, mʉr gomla bɨn é bebebebe zi.

Jacques 2:1

Obɨɔ ga bam aa! É mpʉ bɨn lé ejyɛʼ taa buʼo yin boo Tî ga wina Yesʉs-Krɨst, Njwɨɨ ga wina ndɨ é kum ɨ, dɨʼe sa no abe lé edwaabe bʉr é lɔb mompom mɔɔ,

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Jacques 3:10

Nʉm ngwar waa, wé epyɛl bɨkɔ́ɔlʉ, ntɔʼ sʉ bʉr mocyɛʼ mo mpom. Obɨɔ ga bam aa! Yé ajala le ebe no.

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.

Jacques 5:12

Obɨɔ ga bam aa! Yé dam be nyá, anyamle de ga mɨnkɛla. Agba ga die e «jobo» é mɨnkɛla, nkʉ die e «si», nkʉ guu mbi sa fih. Lɛŋɨ ga jɔʼ yiyɛh ó: «Eee!» é jɔʼ yé ndɨ «Eee!» e, nkʉ ó: «Hɨʼɨ!» é jɔʼ yé ndɨ «Hɨʼɨ!» ɨ, lé ekpɛɛ ó, bɨn bé amu nʉa mobe é mih mo Zyɛm.

Jacques 5:19

Obɨɔ ga bam aa! ǃƗ mʉr é l'esama lɨn si fuuba bɔʼa é l'ocyecye, nuu mʉr ntɔʼ liʼle nye é zi tiʼ nɛʼɛ,