Jacques 1:18 - Kálara Zyɛ̌m Edwán é mpʉ̌n

¹⁸ Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

Kálar Nzyɛ̌m : Ejwán é Sáá

¹⁸ Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.

Jacques 1:18 ပူးပေါင်းရင်းမြစ်များ

1 Pyɛr 1:23

No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

Mɨngwiha 14:4

Bɨha ó b'a be mɨloʼo myé a baalœʼ monyʉl mɔɔ é zi bɨduo e. Bé a baʼle monyʉl mɔɔ ó, mɨndu, lé esa-sa sɔʼɔ njɨ du Ma Ntœme gumo yiyɛh nye a to-to e. Bé ó baa Zyɛm a kʉr ɨ. Bɛɛ ó ndɨ mpʉ tom wé a pɛʼɔ é si nwa, waa wé a dweŋɔ Zyɛm bé e Ma Ntœme e.

Éfɛsɔs 1:12

Nye a kpɛl ó, bɨna dwiibɨ ga nye ebe mpwaʼ kum we, ebe, bɨna ga ó ndɨ bʉr o b'efoʼ nye a loŋlo mɨleme e mbɛla dumo e Krɨst ɨ.

1 Yʉanes 3:9

Mʉr nyiwɛh ndɨ mbyɛla é zi nkul mo Zyɛm ɨ, nye abe e nkul eto dolo lé esa mɨsyem, ebe, tiʼ lé eduho boo Zyɛm ɨ, yé ó é nye tʉŋlʉ. Nye abe e nkul eto dolo lé esa mɨsyem, ebe, nye a byɛl ó, é zi nkul mo Zyɛm.

Ebrœ̂ 12:23

Bɨn bɨ pyal é gwɨhla modweʼe mo bwan mo Zyɛm. Mie mɨn boo nɔɔ, mé ó mɨtila é jobo kʉ. Bɨn bɨ dihle boo Zyɛm, mʉr ndɨ etiʼe mɨlɔb mɨ bʉr bɨbɛh ɛ. Bɨn bɨ pyal gumo ocɨcyel o bʉr ndɨ ɨ, baa mɨsisim myɔɔ mu si kumo é l'ombɨmbɨa é mɨpaʼ mimyɛh ɛ.

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

1 Korɛnt 4:15

Dam be ó bɨn mu ó, e l'obœʼa otɔɔyin ewʉm é tiʼ yin boo Krɨst, bɨn bé ó njɨ e sɔŋ ngwar. Mɛm, me ó ndɨ sɔŋ win a bya bɨn ɨ. É nko paʼ tiʼ yin boo Yesʉs-Krɨst, ebya laa, lé a be ó, lé ecwɨɨ é zi elɛɛ bɨn Mbɨambɨa Lɔɔ.

Rôm 4:17

Yé ó mpʉ yé ndɨ tila é Kalara Zyɛm ɨ. Yé ó tila ó: «Me ósa ó, go diʼe sɔŋ buobuo bɨkul.» Nye ó kʉ be sɔŋ ga wina, ebe, nye a be ó si jyɛʼ taa buʼo ye boo Zyɛm, waa lé epɛ̀h bʉr é mofoo e. Zyɛm ó ndɨ esa ó, sa yé a baataare be e, yé beʼ.

2 Korɛnt 6:7

é tuno bɨh lé etuno ocyecye e, é nkul nɨnɨ mo Zyɛm, é mokʉa mo dɔm bɨh lé eguho, nkʉ ntɔʼ monkuo bɨh lé epemle mokʉa mo bʉʉ bʉr e tɨʼ ɨ. Mokʉa mo dɔm mɨh maa, mé ó ocɨcyel wih.

Éfɛsɔs 1:13

É zyɛŋa win boo Krɨst, bɨn bɨ ŋmɛhɔ sitam mo Zyɛm é monyʉl, duho é jɔʼ bɨn bé a jyɛʼ taa buʼo yin boo Krɨst ɨ, ndwe é jɔʼ bɨn bé a joʼo Mbɨambɨa Lɔɔ, ndɨ cyecye e, bɨn ntɔʼ buʼla we. Wé ó lɔɔ ndɨ edwe bɨn tiʼ molu mo mpoʼ mɨmɛh ɛ. Sitam Zyɛm a ŋmɛh bɨn ɨ, yé ó Mbɨambɨa Sisim nye a ntɨh bɨn, waa nye a kɛʼ bʉr be, duho mya ɛ.

2 Timotɛ 2:15

Saŋa zi edi mbi mʉr Zyɛm ójwɨʼ é lor, ntɔʼ bee ó, wé e nyɔm ɨ. Saŋa ó, go diʼe syɛl mosa ndɨ asɔma é syɛɛ ye e. É jɔʼ go ólwib-lwib e bʉr é sa lé etiibe e l'ocyecye mo Zyɛm ɨ, duʼo ntɨn.

Jacques 1:15

Bɨgwɨma bye byaa, byé ónʉa ebum, ntɔʼ bya Syem. Syem nyɛɛ ógwɨe, ntɔʼ sa mʉr, ntɔʼ ze bya we mwan, Efie!

Jacques 3:14

Sa gwar, yé be ó, bɨn bé esiila paʼ win ndwe le esa zyee lé efuo bɨdia nɛʼɛ, adoʼo ga mbɛh e syɛɛla nɨ, nkʉ lɛɛ ó, bɨn ó ndɨ e buʼo, sa ndɨ abe e l'ocyecye e,