Jacques 1:16 - Kálara Zyɛ̌m Edwán é mpʉ̌n

¹⁶ Obɨɔ o kpɛl bam aa! Abir ga ó, mʉr gomla bɨn é bebebebe zi.

Kálar Nzyɛ̌m : Ejwán é Sáá

¹⁶ Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂:

Jacques 1:16 ပူးပေါင်းရင်းမြစ်များ

Jacques 1:19

Obɨɔ o kpɛl bam aa! Diʼe ga é luumo, joʼlo bʉʉ bʉr. Alɨ lwib ga. Alɨ kpaa ga mompime,

Filipi 2:12

No ó, obɨɔ o kpɛl bam aa! Bɨn bé a be ó si sa Zyɛm mojoʼo é jɔʼ bɨna bé a be ga gumo gwar ɨ. No ó, banana, é mpʉ me mu é nko paʼ fih, aka be bɨn ye e, bɨn bé ejala le eto dolo lé esa no. Zyɛm, nyi tiʼ bɨn. No ó, sea ga e bʉa e mosaʼ é l'efu ó, bɨn kœʼœ ebò e cyen laa.

Galásia 6:7

Abir ga ó, mʉr gomla bɨn é bebebebe zi. Zyɛm ápyehɔ! Mʉr ópɛʼ mode ó, njɨ bim nye a taare bè mompœʼ œ.

Kolosi 2:8

Diʼe ga ncye! Mʉr adil bɨn é l'olʉa é zi bɨkʉʉŋʉ bʉʉ bʉr bé elɛɛ-lɛɛ ó, byé ó «ocyoo o si nwa», byaa ndɨ eduho é mɨnjwɨr bɨmpam ga bina, nkʉ ntɔʼ ó, sikʉlʉ bʉr o si nwaʼ lé ekuhlo e. Mokan mɔɔ, mé aduho boo Yesʉs-Krɨst.

Ebrœ̂ 13:1

Kpɛl obuʼla, yé toʼ dolo lé egwɨe.

Kolosi 2:4

Me elwib e bɨn é mbi wiʼ ó, mʉr beʼ l'akʉa bɨn é zi lwib bɨkʉʉŋʉ bʉr lé emɛʼle e.

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

2 Timotɛ 2:18

Bé a gʉmla ó, é bebebebe zi, bé osi gwaʼ lé eka buʼla ocyecye. Bé elɛɛ ó, Zyɛm, nyi bɛa pɛ̀h bʉr é mofoo. Lɔɔ wɔɔ waa, wi sa ó, bʉʉ obuʼla, bé duma é nko paʼ buʼo yɔɔ.

Filipi 4:1

Obɨɔ o kpɛl bam aa! Me ekpɛl bɨn ndwe le egwɨm bâʼle bee bɨn. Bɨn o ndɨ edwe me buobuo bɨsʉhʉ é leme. Bɨn ó ngo sa ó, Zyɛm bœrɨ me epʉʼlʉ é lʉ. Ofo bam, cyɛba ga é nkʉʼʉ é zyɛŋa win boo Da Yesʉs.

1 Korɛnt 6:9

Bɨn bé egʉa cyecye ó, ozyɛhozyɛh o bʉr, bé ákwoʼ dweŋɔ dia é jwɨ̀ʼa mo Zyɛm, jala e nkɔb wɔɔ. Abir ga ó, mʉr gomla bɨn é bebebebe zi. Osyɛl o bɨmala, baa ndɨ edwiibɨ bɨbaŋabaŋa bɨdweʼle e, osyɛl o mɨfyɛba, otɛba o bʉrʉm, bʉrʉm ndɨ etɛbɔ ɛ,

Markus 12:27

Yesʉs ze ko mokan maʼ ó: «No, yé elɛʼle ó, Zyɛm, nye ó Zyɛm bʉr o ndɨ mɨkubla ɛ. Nye abe waa odwè. Gʉŋa ga ó, bɨn bé ó kʉ be é gwìh tʉŋlʉ.»

Markus 12:24

Yesʉs ze lɛɛ be ó: «Bɨgwìh bɨn lé esa binɨ, zê byé aduho é nko paʼ win, mpʉ bɨn ndɨ agʉa Kalara Zyɛm, nkʉ nkul we e?

Mataos 22:29

Yesʉs ze bɨha e be ó: «Bɨn bé esa bɨgwìh, ebe, bɨn bé agʉa Kalara Zyɛm, nkʉ nkul we.

Mɨlʉmlʉ 1:15

É jɔʼ yaa, mpʉ obuʼla bé a syɛŋa, kwoʼ be bʉr nter e bʉr mowʉm moba (120) ɛ, Pyɛr ze mʉa si, cyɛb teme ntuntuma bʉr nɨ. Nye ó:

Jacques 1:2

Obɨɔ ga bam aa! É jɔʼ bɨn bé ebɔma e mobʉbla mɨmbi mimyɛh ɛ, bɨn bé à gʉa ó, yé ó bɨn jɔʼ bɨsʉhʉ,

Jacques 2:1

Obɨɔ ga bam aa! É mpʉ bɨn lé ejyɛʼ taa buʼo yin boo Tî ga wina Yesʉs-Krɨst, Njwɨɨ ga wina ndɨ é kum ɨ, dɨʼe sa no abe lé edwaabe bʉr é lɔb mompom mɔɔ,

Jacques 2:14

Obɨɔ ga bam aa! ǃƗ nuu mʉr si lɛɛ ó, nye ejyɛʼ taa buʼo ye boo Zyɛm, nye l'apa kʉ sa ba mpʉ Zyɛm lé elɛɛ nɛʼɛ, lɛa we waa, wé ó nye e wáa nyɔm? Nye ákwoʼ bi tiʼ molu mo mpoʼ mɨmɛh ebe sa buʼo ye.

Jacques 3:1

Obɨɔ ga bam aa! Yé ajala ó, buobuo bʉr o mbɛr Zyɛm win yeʼla mɨlɔb mo Zyɛm. Bɨn bé egʉa ó, é jɔʼ Zyɛm ótiʼe bɨh bɛɛ oyeʼle mɨlɔb ɨ, nye ótiʼe mye ó, e ncɨr é leme, abe mpʉ nye ótiʼe myaa mɨ bʉʉ bʉr ɨ.

Jacques 3:10

Nʉm ngwar waa, wé epyɛl bɨkɔ́ɔlʉ, ntɔʼ sʉ bʉr mocyɛʼ mo mpom. Obɨɔ ga bam aa! Yé ajala le ebe no.

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.

Jacques 5:12

Obɨɔ ga bam aa! Yé dam be nyá, anyamle de ga mɨnkɛla. Agba ga die e «jobo» é mɨnkɛla, nkʉ die e «si», nkʉ guu mbi sa fih. Lɛŋɨ ga jɔʼ yiyɛh ó: «Eee!» é jɔʼ yé ndɨ «Eee!» e, nkʉ ó: «Hɨʼɨ!» é jɔʼ yé ndɨ «Hɨʼɨ!» ɨ, lé ekpɛɛ ó, bɨn bé amu nʉa mobe é mih mo Zyɛm.

Jacques 5:19

Obɨɔ ga bam aa! ǃƗ mʉr é l'esama lɨn si fuuba bɔʼa é l'ocyecye, nuu mʉr ntɔʼ liʼle nye é zi tiʼ nɛʼɛ,