Jacques 1:12 - Kálara Zyɛ̌m Edwán é mpʉ̌n

¹² Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

Kálar Nzyɛ̌m : Ejwán é Sáá

¹² Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Jacques 1:12 ပူးပေါင်းရင်းမြစ်များ

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

Jacques 5:11

Bɨna bé elɛɛ ga ó, mʉr ósʉŋɔ mocyɛʼ mo mpom ɨ, nye óbe ó waa a dihbe mɨtuu ɨ. Bɨn bé a be ó si joʼo mpʉ Job a dihbe mɨtuu ɨ. Bɨn nteme bɨ bee sa Da a sa nye é jɔʼ epihe e, ebe, nye é mpwaʼ ncwɨncwɨa e njwɨʼa-nkoo.

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

Mataos 10:22

Bʉr bɨbɛh, bé ónwim bɨn é lɔb wam. No ó, waa ódihbe, to pyal é l'esie e, nyiha ó ngo tiʼe.

1 Korɛnt 9:25

Bʉr o ndɨ efwɛmla ɛ, bé emɛr mɨleme é mɨlɔb é buobuo é l'efu ó, bé ntaŋa, bœrɔ mopʉʼlʉ ndɨ elaa mpʉ ngul mpaa ɛ. No ó, bɨna bɛɛ, bé esaa ga ó, bɨna biʼe ga myɛna mé ódi njʉmdia e njʉmdia ɛ.

1 Pyɛr 3:14

ǃBɨn si sia yɛɛ e mɨtuu ebe mɨmpaŋ bɨsyɛɛla bɨn lé esa nɛʼɛ, Zyɛm ósʉ bɨn mocyɛʼ mo mpom tɨ. Ajoʼo ga bʉa e bʉr. Mɨleme beʼ l'akolo bɨn tɨ.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

1 Pyɛr 5:4

É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

1 Korɛnt 2:9

Yé ó mpʉ yé ndɨ tila é Kalara Zyɛm ɨ. Yé ó tila ó: «Sa mʉr ngwar l'apa joʼo, nkʉ bee e, sa mʉr ndɨ apa jwɨʼ é leme we lʉʉ dobo e, Zyɛm a kʉmsa ye ó, ebe bʉr o ndɨ ekpɛl nye e.»

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

1 Pyɛr 4:13

Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.

1 Korɛnt 8:3

Mʉr ndɨ ekpɛl Zyɛm ɨ, nye ó ndɨ waa Zyɛm lé egʉa ɛ.

Mɨngwiha 3:19

Mʉr nyiwɛh me lé ekpɛl ɨ, me edwe nye mobe ndwe le eturo nye lʉ. Ebe no, gbaʼ ga monyʉl é l'efu ó, bɨn gwɨma mobebe mɨn, le edwir mɨleme.

Ebrœ̂ 10:32

Toŋla ga mpʉ bɨn bé a be, é jɔʼ bɨn bé a kʉnɔ myɛn tiʼ ɨ, bɨn ze baran e mɨtuu e mɨndɛl le ekʉ dihbe.

Ebrœ̂ 6:15

Abraham a be ó si dihbe mpono. Ebe no ó nye a bi sa Zyɛm a kɛʼ nye e.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Ebrœ̂ 11:17

É zi buʼo, Abraham a si kebe é jɔʼ Zyɛm a boblo nye e. Abraham ze sa ó, nye jʉ ó nye Ɨzak tɔɔ motwina. Abraham ó b'a bi monkɛʼ monɨnɨ mo Zyɛm. Leme, wé a be ó nye é ntɨɨɨŋ ó, nye kɛha ó etiʼe e mwan le laa.

1 Yʉanes 4:19

No ó, é nko paʼ ga wina, bɨna ga bɛɛ mu ó lé ekpɛla ga ó, ebe, nye a si taare kpɛl bɨna ga.

Ebrœ̂ 12:5

Zê bɨn bɨ jɨha mokan mé a taare lé egba bɨn nkul é monyʉl ma ɛ? Zyɛm a ntɨh bɨn ma ó, lé elwib e bɨn mpʉ bwan be. Nye a lɛɛ ó: «Mwan wam, é jɔʼ Da mu lé eturo go lʉ ɨ, anyamle nʉa ye é l'ongbɛr-ngbɛr. É jɔʼ nye mu lé edwe go mobe e, acyɛʼ nyʉl,

Lʉkas 6:22

Yesʉs ze ko tɨʼ ó «Bɨn bé e mocyɛʼ mo mpom é jɔʼ bʉr lé enwim bɨn ɨ, le é jɔʼ bé lé epem bɨn, lwɨɨ bɨn, le enʉa bɨn mpʉ osyɛl be ebebe é lɔb taa buʼo bɨn lé ejyɛʼ boo Mwan mo Mʉr ɨ.

Rôm 5:4

É jɔʼ bɨna bé óbe si di ga e bihbe waa ɛ, bɨna bé ócyɛb ga é nkʉʼʉ é mobʉbla. ǃBɨna si cyɛb ga é mobʉbla nɛʼɛ, mbɛla, wé óloŋlo mɨleme ga mina é tur.

2 Timotɛ 2:15

Saŋa zi edi mbi mʉr Zyɛm ójwɨʼ é lor, ntɔʼ bee ó, wé e nyɔm ɨ. Saŋa ó, go diʼe syɛl mosa ndɨ asɔma é syɛɛ ye e. É jɔʼ go ólwib-lwib e bʉr é sa lé etiibe e l'ocyecye mo Zyɛm ɨ, duʼo ntɨn.

1 Pyɛr 4:14

Mocyɛʼ mo mpom e bɨn é jɔʼ bʉr lé elwɨɨ bɨn é lɔb mo Krɨst ɨ, ebe, Mbɨambɨa Sisim, Sisim kum, nye edi é bɨn é jɔʼ yaa.