Jacques 1:10 - Kálara Zyɛ̌m Edwán é mpʉ̌n

¹⁰ To kœb ó, mbil bɨsa nyɛɛ, nye doʼa e dia mosɔm Zyɛm a dil nye e, ebe, nye ólaa mpʉ fulawa.

Kálar Nzyɛ̌m : Ejwán é Sáá

¹⁰ Nó ó, mɨ́ɔɔ́ gá wɨ́ná dí ɨ́ twíha nyá, nye ɨ́ jala le enkʉ́na ɨ́ dǐ nkóó Nzyɛ̌m á dil nye tɨ̂ʼ yɨ́. Nye ɨ́ jala le egʉ́a ó, nye ólaǎ mpʉ nzɔ́m bilɨ́.

Jacques 1:10 ပူးပေါင်းရင်းမြစ်များ

1 Pyɛr 1:24

Bɨna bé egʉa ga no, ebe, yé ó tila é Kalara Zyɛm ó: «Mamʉr, nye ó mpʉ bɨka. Kum we nyiwɛh, nye ekʉ nwɨɨla ó e fulawa ndɨ epah ɨ diʼ ɨ, ebe, bɨka, byé edwɛhla; ofulawa byɔɔ, bé efiʼa.

1 Yʉanes 2:17

To kœb ó, bɨsa bɨ jobo yiʼ ndwe e byaa bʉr lé egwɨm tɨʼ ɨ, byé elaa ó laŋa. No ó, mʉr lé esa gwɨma mo Zyɛm ɨ, nyiha ó ndɨ ebi tiʼ molu mo mpoʼ mɨmɛh.

1 Timotɛ 6:17

Cyelɨ obil o bɨsa é mbi jɔʼ yiʼ mpene ó, bé l'ankɛɛ monyʉl. Mɨleme myɔɔ, myé l'ayi loŋlo e mbɛla é lɔb okum e l'ogbaa, sa ndɨ elaa mpʉ ngul mpaa ɛ. Bé jyɛʼɛ taa buʼo yɔɔ njɨ boo Zyɛm, waa lé epa dwe bɨna ga bɨsa byaa é ntuʼ-ntu-ntuʼ, lé egba bɨna ga bɨsʉhʉ é mɨleme e.

Mataos 5:3

Nye ó: «Mocyɛʼ mo mpom e bʉr o ndɨ ekʉ gʉa ó, mɨsisim myɔɔ, myé ejyeb é nko paʼ egʉa Zyɛm ɨ, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e!

1 Korɛnt 7:31

Bʉr o ndɨ ebi bɨsa bɨ si nwaʼ ɛ, di mpʉ sa lɛɛ ó, bé adira nyɔm e bye, ebe, mbi jɔʼ yi, yé mu ó kunokuno le elaa.

Jacques 4:14

Bɨn bé ecab-cab ó caba. Bɨn bé agʉa mpʉ tiʼ yin, yé óbe omɛn ɨ, ebe, bɨn bé ó mpʉ dwine lé enyin é ma peh jɔʼ, ntɔʼ dim é mih ɨ.

Mataos 6:30

Bɨka, byé etiʼe muh. Byé nteme, byé ó sa yé óguhɔ omɛn é duro e. Zyɛm pa taare bœr bɨka mompor, a dwɛʼra e bɨn! Yé, yé ósa ó, nye l'ayi bœr bɨn, laa naa ɛ? A twaʼbe buʼo yin ɛ!

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!