Filipi 4:9 - Kálara Zyɛ̌m Edwán é mpʉ̌n

⁹ Duʼo ga sikʉlʉ bɨn bé a jwɨʼ boo me e. Duʼo ga mɨlɔb mimyɛh bɨn bé a joʼo me lé elɛɛ, myaa bɨn mu lé emɛʼle e. Ebò e cyen bɨn bé a bee me lé ekœʼ œ, kœʼœ ga le. Zyɛm, waa lé egba bɨna ga motala é mɨleme e, nye ódi é bɨn.

Kálar Nzyɛ̌m : Ejwán é Sáá

⁹ Gwá baʼle gá milɔ̌b mímyɛ̂h bɨ́n á jɨ̂ʼ ɨ́ me le ekam mí. Lɔ́ɔ́ wɨ́wɛ̂h bɨ́n á jóʼo me lɨ́ elɛ́ɛ, le sá yɨ́yɛ̂h bɨ́n á bee me lɨ́ esâ yɨ́, baʼlaa gá byê. Nzyɛ̌m, mʉr dí egbâ mɨ́ná gá mepyɛbla ɨ́ miléme nyá, ódi ɨ́ bɨ̌n.

Filipi 4:9 ပူးပေါင်းရင်းမြစ်များ

Jacques 1:22

Mokan Zyɛm lé elɛɛ bɨna ga ɛ, bɨn bé à du me. Ajoʼo ga njɨ e mogwal. ǃBɨn si joʼo njɨ e mogwal nɛʼɛ, lɛɛ ó, bɨn bé ekʉa ó bɨn bʉr o tɨ.

Filipi 3:17

Obɨɔ ga bam aa! Nʉŋa ga dweʼle tiʼ yam mpʉ bʉʉ bʉr mu lé esa ɛ. Bɨh bɨ lɛʼle bɨn ebò e cyen tɔɔ dweʼle. No ó, bɨʼɨ ga mih mɨn é bʉr o ndɨ ekœʼ ebò e cyen laa ɛ.

2 Pyɛr 1:10

Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

Yʉanes 13:17

Banana, bɨn mu ó si gʉa bɨsa byaa. ǃBɨn si ka sa bye nɛʼɛ, gʉŋa ga ó, bɨn bé óbe ó mbɨmbɨa.

Filipi 4:7

Zyɛm óbaʼle mɨleme min ndwe e mɨsisim min ó, é zi motala me. Mɨleme min loŋla e motala ebe zyɛŋa win boo Yesʉs-Krɨst, ebe, motala mo Zyɛm lé entaa ocyoo wiwɛh ɛ, mé óbaʼle mɨleme min ndwe e mɨsisim min é zyɛŋa win boo Yesʉs-Krɨst.

Rôm 16:20

Zyɛm, waa lé edwe bʉr motala ɛ, nye ó ndɨ waa mu kunokuno le etíile Satan si e mokʉ mɨn ɨ. Mocyɛʼ mo mpom mo Tî ga wina Yesʉs, mé swɨŋɨ é bɨn.

2 Korɛnt 13:11

Obɨɔ ga bam aa! Sa me óka tile bɨn é l'epihe e, yé ó nɛɛ: diʼe ga mbɨmbɨa. Dɨʼe komla ga paʼra win. Dɨʼe gba ga nkul é nyʉl mo mɨɔ nyiwɛh paʼra win. Dɨʼe toŋlo ga sa gwar. Tiʼa ga é motala. No ó Zyɛm lé eze bɨna ga e ncwɨncwɨa ndwe e motala ɛ, nye ódi e bɨn.

Lʉkas 6:46

«Ebe yé bɨn lé ejebe me ó: “Da ɔɔ, Da ɛɛ!”, bɨn yɛɛ l'akpɛl sa mpʉ me lé elɛɛ bɨn ɨ?

Mataos 28:20

Bɨn bé à yeʼle be ó, bé duʼo motie mɨmɛh me a tiile bɨn ɨ. Mbe ga: me ódi é bɨn molu mɨmɛh, to pyal é l'esie e mbi jɔʼ yi.»

Mataos 7:21

«Ntʉʼ mʉr nyiwɛh ólɛɛ ó: “Da ɔɔ, Da ɛɛ!” óni é jwɨ̀ʼa mo Da, njɨ waa nyiwɛh lé esa gwɨma mo Sɔŋ wam ndɨ é jobo kʉ ɨ.

2 Tesalonika 3:4

Da Yesʉs, nye egba me mbɛla é leme é lɔb win, ebe, me ebuʼla ó, sa me a lɛɛ bɨn ɨ, yé ó yaa bɨn mu lé esa ɛ. Me ebuʼla nteme ó, bɨn bé óto dolo lé esa sa gwar yaa.

1 Tesalonika 1:6

Bɨn ntɔʼ nʉa dweʼle tiʼ yih, le yaa mo Da Yesʉs. Bɨn bé a si buʼla lɔɔ Zyɛm, dam be é mɨtuu bɨn bé a sia e mye e. Mbɨambɨa Sisim a be ó si loŋlo mɨleme min e bɨsʉhʉ, dam be mɨtuu min myaa.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

Rôm 15:33

Zyɛm lé egba bɨna ga motala é mɨleme e, nye diʼe e bɨn bɨbɛh. Amɛn.

Yʉanes 2:5

No ó nyɔŋ a ze lɛɛ e l'osyɛl o mosa ó: «Saʼ ga sa yiyɛh nye ólɛɛ bɨn ɨ.»

Lʉkas 8:21

Yesʉs ntɔʼ lɛɛ e bʉr bɨbɛh ó: «Nyɔŋ wam bé e l'obɨɔ bam, bé ó baa lé ejoʼo lɔɔ Zyɛm le edu we e.»

1 Tesalonika 2:14

Obɨɔ ga bam aa! Bʉr o mɨmbɛr mɨ Zyɛm ndɨ é zyɛŋa wɔɔ boo Yesʉs-Krɨst, myaa ndɨ é lal Yʉda ɛ, bé a si sia e mɨtuu. Mɨtuu myaa, myé ó b'a kumo nteme e mbɛr Zyɛm win. Bɨn bɨ nʉa dweʼle tiʼ yɔɔ, ebe, bʉr o kul yin, bɨ tíile bɨn é mpʉ oYʉden bɛɛ lé ebɛa sa-sa obɨɔ bɔɔ ndɨ ejyɛʼ taa buʼo boo Yesʉs ɨ.

1 Korɛnt 10:31

Ebe no, bɨn dam de mode nkʉ nyʉl monwoʼ, nkʉ bɨn dam sa yaa sɔʼɔ: saʼ ga syɛɛla yaa yiyɛh é l'efu le edwiibɨ Zyɛm tɨ!

Mɨlʉmlʉ 9:6

No ó, mʉŋa si. Niʼe nkana. Bé ólɛɛ go sa go lé ejala le esa ɛ.»

2 Timotɛ 4:22

Da Yesʉs diʼe e go é sisim. Mocyɛʼ mo mpom me, mé swɨŋɨ é bɨn.

1 Korɛnt 14:33

Zyɛm a baajebe bɨna ga ó, bɨna tiʼa ga é l'oleŋeleŋe tʉŋlʉ. Nye a jebe bɨna ga ó, bɨna tiʼa ga é motala. É bɨfum bibyɛh mɨmbɛr mɨ Zyɛm mimyɛh lé egwɨhla ɛ,

Yʉanes 15:14

ǃBɨn si du motie me lé etiile bɨn nɛʼɛ, kʉ gʉa ó, bɨn bé óbe ó ofo bam.

1 Yʉanes 3:22

Bɨna bé óbi ga nteme sa yiyɛh bɨna bé ójaʼ ga nye e, ebe, bɨna bé edu ga motie me, le esa bɨsyɛɛla nye lé ebee mbɨmbɨa ɛ.

Mataos 1:23

«Ndu esehe e mʉma, wé ónʉa ebum, bya ma mʉrʉm. Bé ójwɨr nye die ó “Emmanuel”.» No yé edwirɔ ó: «Zyɛm, nye e bɨna ga.»

1 Korɛnt 4:16

No ó, me ejwɨʼla e bɨn ó, bɨn nʉŋa dweʼle tiʼ yam.