Filipi 4:8 - Kálara Zyɛ̌m Edwán é mpʉ̌n

⁸ Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

Kálar Nzyɛ̌m : Ejwán é Sáá

⁸ Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

Filipi 4:8 ပူးပေါင်းရင်းမြစ်များ

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Títos 2:7

Kœʼœ ebò e cyen empa, lé esa mɨmpaŋ bɨsyɛɛla é buobuo. Sikʉlʉ yo, yé beʼ l'abe mbaʼra e bɨkʉʉŋʉ, ó bʉr beŋɨ go nteme e modile.

2 Korɛnt 8:21

Bɨh bé egwɨm sa sa ndɨ é mbɨa ɛ, abe njɨ é mih mo Da Yesʉs mé ome, é bul laŋle ó é maa mo bʉr nteme.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Ebrœ̂ 13:18

Dɨʼe sa ga mɨnjwɨʼla é l'efu lɨh. Bɨh bɨ kʉ gʉa ó, mɨpɛhla mɨleme mih, myé ó njɨ myaa ndɨ é pyɛɛɛ ɛ. Bɨh bé e gwɨma ó, bɨna kœʼœ ga ebò e cyen ndɨ cɨcyel ɨ, é bɨcye bibyɛh.

1 Timotɛ 4:12

Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

Éfɛsɔs 5:9

Me elɛɛ no ó, ebe, bʉr o ndɨ é myɛn ɨ, bɛɛ ó ndɨ egumo mbɨambɨa mpumo mɨmbi mimyɛh: myaa mɨ ncwɨncwɨa e l'ocɨcyel ndwe e l'ocyecye.

Títos 1:8

Yé ejala ó, nye beʼ mʉr lé egʉa bɨlan e l'ojyoo e. Leme we, wé duʼo njɨ embɨa. Nye kœʼœ ebò e cyen é mpaŋ pɨʼ. Nye diʼe cɨcyel, e leme é sɔɔɔ é mih mo Zyɛm. Nye gʉŋa emɛr leme.

1 Yʉanes 3:3

Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Títos 3:14

Yé ejala ó, bʉr o ndɨ paʼra ga wina ɛ, bé jwɨʼɨ lé esa mɨmpaŋ bɨsyɛɛla. Ebe no ó bɨn bé ógʉa egul baanteʼenteʼe, é mbi ndɨ ó bɨn beʼ l'aka baʼ mobo e.

Rôm 13:13

Bɨna kœʼœ ga ebò e cyen ndɨ ejala e bʉr o ndɨ é myɛn ɨ. Bɨna l'ayi lɔʼba ga le ebwal mozɔɔ, nkʉ fwaʼ monwoʼ, nkʉ lama fwon é zi bɨduo, nkʉ sa bɨmala zam e l'ekomo, nkʉ sa mpɔʼa monkɔm, nkʉ zii.

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.

1 Yʉanes 3:18

Bwan bam aa! Yé ajala ó, kpɛl ga yina, yé nyinɨ njɨ é mokan mo nʉm bɨna lé elɛɛ ga ɛ. Yé ekʉ jala le ebul nyin ó, é bɨsyɛɛla bɨna lé esa ga é l'ocyecye e.

Títos 2:2

Lɛŋɨ otamabʉr o Mbɛr-Zyɛm ó, bé ajala le efwaʼ monwoʼ. Bé diʼe e modile, lé ekœʼ ebò e cyen é mpaŋ pɨʼ. Bé beʼ baa lé ejyɛʼ taa buʼo yɔɔ boo Zyɛm, du mpʉ mpaŋ sikʉlʉ bɨna lé ejwɨʼ ga ɛ, ndɨ ɨ. Bé diʼe bʉr o ndɨ ecwɨa e bʉʉ bʉr ɨ, e baa ndɨ é bihbe e.

2 Korɛnt 13:7

No ó, bɨh bé ejwɨʼla e Zyɛm ó, bɨn beʼ l'asa syɛɛla ebebe gwar. Me abul gwɨm ó, bʉr beŋɨ ó, bɨh bɛɛ, bɨ bi mokebe. Bé dam ka bee bɨh ó, bɨh bɨ ku moveʼle, me egwɨm ó, njɨ bɨn saʼ mɨmpaŋ bɨsyɛɛla.

Kolosi 4:5

É jɔʼ bɨn lé ekœʼ ebò e cyen lɨn teme bʉr o ndɨ abe okristen ɨ, dɨʼe sa no e gwɨma ó, bé mɛʼla ó, bɨn bé ó mɨcɨcyoo. Dɨʼe sa ga ó, bɨjɔʼ bin bibyɛh, byé ó bɨn e mpaŋ nyɔm.

1 Pyɛr 4:8

Sa efoʼ, yé ejala ó, bɨn kpɛla paʼra win kpɛl apurapura, ebe, kpɛl, yé esa ó, bɨna pɛʼɛ ga buobuo bɨbaa bɨna bé a dɨ niʼla paʼra ga wina é lɔb mɨsyem ɨ.

Rôm 13:3

Baa lé esa embɨa ɛ, bé abe e bʉa é mɨleme lé ecyɛb é mih mo ojwɨʼa. To kœb ó, osyɛl be ebebe, bé ó ndɨ e bʉa waa é mɨleme myɔɔ. Zê go lé egwɨm ó, mɨpɛhla mɨ leme myo, myé diʼe é pyɛɛɛ jɔʼ yiyɛh é mih mo ojwɨʼa baa ɛ? Saʼ be embɨa, bé nkʉʼ seʼle go.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Filipi 3:1

Obɨɔ ga bam aa! Sa me lé eka tile bɨn é l'epihe e, yé ó nɛɛ: soha ga é zyɛŋa win boo Da Yesʉs. Yé akɔbla me ó, me bâʼla tile sa me taare tile bɨn ɨ. Yé nteme ó me muno ze sa ebe nyɔm win ɨ.

Rôm 2:29

Yʉden, nye ó mpaŋ Yʉden é jɔʼ nye ndɨ no, duho é mo si ɨ. Mpaŋ sɛa mpʉn, wé ó waa Mbɨambɨa Sisim lé esa é leme mʉr tʉŋlʉ ɨ. Wé asaŋɔ é lɔb ebaʼle motie mo Moyiz. Mʉr ndɨ e mbi sɛa mpʉn waa ɛ, ntʉʼ bʉr, bé ógumlo nye. Kum we óduho ó boo Zyɛm.

1 Timotɛ 2:2

Saʼ Zyɛm mɨnjwɨʼla nteme é l'efu e mɨnjwɨɨbʉr ndwe e baa bɨbɛh ndɨ e nkul mojwɨ̀ʼa ɛ. Ebe no ó bɨna bé ódi ga é motala, abe e ntɨʼa ɛ. É bɨtiʼ ga bina, bɨna bé ódwaabe ga Zyɛm le edwiibɨ nye.

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

Éfɛsɔs 6:14

Ebe no, cyɛba ga é nkʉʼʉ é cye dɔm yin. Bɨn bé à bwar ocyecye tɔɔ kana dɔm yɨma é kubo. Diʼe ga nteme e l'ocɨcyel tɔɔ bɨnkoho bé lé ebuuro bɨr e tɨʼ ɨ.

1 Tesalonika 4:12

Kœʼœ ga mpaŋ ebò e cyen, laa mɨnjeʼe-Zyɛm, myé óbee mbɨmbɨa ɛ. Mʉr beʼ l'adɨ bono okɛma é jɔʼ yiyɛh.

Éfɛsɔs 4:25

Daʼ lɛɛ ga mpʉl paʼra win. Mʉr nyiwɛh, nye lɛŋɨ mɨɔ we mʉr njɨ ocyecye, ebe, bɨna ga mu ó bɨfum bɨ nyʉl ngwar.

2 Korɛnt 6:8

Bɨh bé elɛʼle bɨn bɨdweʼle bɨ cye lʉmlʉ yih ó: é jɔʼ bé lé edwiibɨ bɨh, nkʉ sa bɨh pyeh e, é jɔʼ bé lé efœʼ bɨh nkʉ gumlo bɨh ɨ, é jɔʼ bé lé enʉa bɨh mpʉ mɨmpʉmpʉl, bɨh bɛɛ yɛɛ lé elɛɛ ocyecye e,

Mɨlʉmlʉ 10:22

Bé ntɔʼ bɨha ó: «Bɨh ze ó, é lʉmlʉ mo njwɨɨ nter bɨzima wih, die le Kɔrnɛl. Nye ó cɨcyel mʉr lé edwaabe Zyɛm ɨ. Nye é bul jwɨ̂ʼlɨ e bɨsyɛɛla bɨ ncwɨncwɨa nye lé elɛʼle oYʉden bɨbɛh ɛ. Nuu engles mo Zyɛm tɨe nye ó, nye baŋla go, go toʼ, to pyal nye ye, ó nye joʼla sa go ólɛɛ nye e.»

Yʉanes 7:18

Mʉr lé elwib é nkul we nye mʉr tɨʼ ɨ, nye esaa ó, bʉr dwiibɨ nye. No ó, mʉr lé esaa ó, bʉr seʼla mʉr a ntɨh nye e, nyɛɛ ó lé elɛɛ ocyecye. Nye akœʼ ebò e cyen ndɨ ozyɛhozyɛh ɛ.

Lʉkas 2:25

To kœb ó, yé a be ó e nuu mʉr ɨ Yerʉsalɛm, die le Simeɔn. Nye a be ó cɨcyel mʉr le ebul dwaabe Zyɛm. Nye a di-di ó, lé ebono mʉr ódwaŋle bwa b'Ɨzraɛl mɨleme e. Mbɨambɨa Sisim a be ó é nye.

Markus 6:20

ebe, Erod a be ó lé edwaabe Yʉanes. Nye a be ó lé egʉa, tiibe e Yʉanes ó, nye a be ó cɨcyel, ndwe e saŋ mʉr é mih mo Zyɛm. Ebe no ó nye a kamle-kamle e tiʼ ye e. Jɔʼ nye a joʼo Yʉanes lé elwib ɨ, nye a be ó leme é mo é zaaama. Nye a be-be ó, lé egwɨm joʼlo nye.

Lʉkas 16:15

Yesʉs ntɔʼ lɛɛ e be ó: «Bɨn bé elɛʼle-lɛʼle bʉr ó, bɨn ó ndɨ ocɨcyel. Sa gwar, Zyɛm, nye egʉa mɨleme min! Ebe, sa bʉr lé ebul seʼle e, Zyɛm, nye ebula bene ye mpene-numo.

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Mɨlʉmlʉ 22:12

«Nuu mʉr a be ó gʉ, die le Ananias. Nye a be ó lé edwaabe Zyɛm le ekʉ du motie ga mɨna. Nye a be é bul jwɨ̂ʼlɨ e bɨsa bɨ embɨa é l'oYʉden bé a be Damas ɨ.

1 Yʉanes 4:1

Obɨɔ o kpɛl bam aa! Akpahbe buʼla ga mʉr nyiwɛh bɨn lé efuuba e nye, waa lé edwe-dwe bʉr bɨsikʉlʉ ɨ. Taara boblo ga mbi mʉr waa, bɨn nkʉʼ gʉa pie tɨʼ nkʉ sisim nye ndɨ e we e, wé eduho ó boo Zyɛm, ebe, mɨmpʉmpʉl mɨ ogwiha o mɨlɔb, myé mu ó si buo é si nwaʼ nyiwɛh.

1 Timotɛ 5:2

Tɨe nteme otamabʉba mpʉ sa cɨŋɔ ó, bé ó onyɔŋ bo. Tɨe mosehe nteme mpʉ okɛl bo, lé ekœʼ e be ebò e cyen ndɨ é pememe é mih mo Zyɛm ɨ.

Lʉkas 23:50

Nuu mʉr a be ó tɨʼ é sama bʉr yaa, die le Yoseb, mʉr Arimate, nkana oYʉden. Nye a be ó cɨcyel mʉr lé esa-sa bʉr bɨsyɛɛla bɨ ncwɨncwɨa ɛ. Nye a be ó lé ejoʼo dweh ebee Zyɛm lé ecyel jwɨ̀ʼa ye cyecye. Nye nteme a be ó mʉr ngwar é Bʉm Nɨnɨ. Sa gwar, nye a baamɛʼle bɨjwɨʼ bʉʉ bé a bà, tiibe e Yesʉs ɨ, bé e syɛɛla yɔɔ.

1 Timotɛ 3:4

Yé ejala ó, mbɔʼlʉ mbɛr Zyɛm, nye beʼ mʉr lé egʉa kœʼ e mbɛr bʉr we e. Bwan be, bé ejala le edwaabe nye, le esa nye mojoʼo é mozi mɨmɛh.

Mɨlʉmlʉ 6:3

No ó, obɨɔ ga bam aa! Pɛhɛ ga bʉrʉm tambɛl é l'esama lɨn, baa ndɨ é bul gʉŋɔ ó, bé ó mɨlwɨŋla e Mbɨambɨa Sisim ndwe e l'ocyoo e. Bé ó bɨh bé ótimle syɛɛ yaa ɛ.

Mataos 22:16

No ó bé a ze lomo bʉʉ ompʉn bɔɔ nko nye a be e, bé e bʉr o mpoʼo Erod. Bé e nye ó: «Yeʼle, bɨh bɨ gʉa ó, go elɛɛ ó ocyecye. Go nteme, go edwe bɨh sikʉlʉ tiibe e Zyɛm é l'ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ.

Ebrœ̂ 11:2

Zyɛm a seʼle bʉr o molu pihe ó, ebe buʼo yaa.

1 Timotɛ 3:11

Bʉba bɔɔ nteme, bé ejala le ebe ó e modile, abe lé efœʼ bʉr. Bé ajala le efwaʼ monwoʼ. Bé ejala le ebe ó bʉr be ebuʼla é mɨpaʼ mimyɛh.

2 Korɛnt 8:18

Bɨh bé elomlo bɨn nya ó, bé e nuu mɨɔ ga wina, waa bé lé eseʼle é mɨmbɛr mɨ Zyɛm mimyɛh ɛ, ebe, mbi nye lé elɛɛ bʉr Mbɨambɨa Lɔɔ ɛ.

2 Pyɛr 3:1

Obɨɔ o kpɛl bam aa! Kalara mba me lé etile bɨn ó nwa. Me etile-tile bɨn no ó, me nkʉʼ jɨm bɨn bɨtoŋla, bɨn nkʉʼ pahle-pahle bye é mɨleme ndɨ abe mbaʼra e bɨkʉʉŋʉ ɨ.

Rôm 14:18

Ebe, mʉr lé esea e Yesʉs-Krɨst é mbi waa ɛ, Zyɛm, nye ebee nye mbɨmbɨa, bʉr nteme seʼle nye.