Filipi 4:6 - Kálara Zyɛ̌m Edwán é mpʉ̌n

⁶ Asyɛl ga ba e bɨn bʉr o tɨ, tiibe e yʉʉ sɔʼɔ. Jwɨʼla ga e Zyɛm é bɨjɔʼ bibyɛh, é bɨsa bibyɛh bɨn lé ejaʼ ɛ. Dweʼ ga nye ekiba é jɔʼ yiyɛh é lɔb bɨsa nye lé edwe bɨn ɨ.

Kálar Nzyɛ̌m : Ejwán é Sáá

⁶ Asyɛl gá bá ɨ́ yʉ́ʉ́ sɔ̂ʼ. Jɨʼlaa gá e Nzyɛ̌m ɨ́ bijɔʼ bíbyɛ̂h, ɨ́ bisá bíbyɛ̂h bɨ́n dí ejɨ bí. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí edwe bɨ́n bí.

Filipi 4:6 ပူးပေါင်းရင်းမြစ်များ

1 Pyɛr 5:7

Filɨ ga bɨdiledile mɨmbeʼ min mimyɛh é koo we, ebe, nye ejoʼo bɨn nkʉnkoo.

Mataos 6:8

Ebe no, abaŋa ga be, ebe, Sɔŋ win, nye ebɛa gʉa sa lé esa bɨn sɔɔlʉ ɨ, bɨn l'apa jaʼ nye ya.»

Kolosi 4:2

Diʼe ga nkehe, lé esa Zyɛm mɨnjwɨʼla é jɔʼ yiyɛh, le edwe nye ekiba.

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

Lʉkas 18:1

Yesʉs ze sa be kɨkɛna fih, kɨkɛna yaa lé elɛʼle ompʉn be ó, bé ekʉ jala le ejwɨʼla e Zyɛm é jɔʼ yiyɛh, akar tuu.

Lʉkas 12:22

Yesʉs, nye e l'ompʉn be ó: «Ebe no, me elɛɛ bɨn ó nɛɛ: asyɛl ga ba e bɨn bʉr o tɨ, tiibe e nyɔmlʉ. Asyɛl ga ba nteme e monyʉl mɨn, tiibe e mompor.

Kolosi 3:15

Krɨst cyɛba bɨn é mɨleme, ó mɨleme min loŋla e motala. Ebe no ó Zyɛm a jebe bɨn ó, bɨn syɛŋa é nyʉl ngwar ɨ. Dweʼ ga nye kum é jɔʼ yiyɛh é bɨsa nye lé esa bɨn ɨ.

Éfɛsɔs 5:20

É jɔʼ yiyɛh, dweʼ ga Zyɛm Sɔŋ ekiba é lɔb sa yiyɛh, é die mo Tî ga wina Yesʉs-Krɨst.

Lʉkas 10:41

Da ntɔʼ bɨha e nye ó: «Marta, Marta! Gwɔɔ, go eyeʼbe bɨsɔʼɔ é buobuo. Byé ebul pebre go é leme.

Lʉkas 18:7

Zê Zyɛm ódeʼ lé etiʼe mɨpɛha mɨ bʉr mye mɨlɔb myɔɔ é l'ocɨcyel ɛ? Tɨtoʼo! Bɛɛ nteme lé esa zyee lé ejwɨʼla e nye moho e pum!

Mataos 10:19

ǃBé si naʼ bɨn mobo é nyʉl, to e bɨn é mompah mɨlɔb nɛʼɛ, asyɛl ga ba e bɨn bʉr o tɨ, tiibe e nkar bɨn bé ófuo monyʉl mɨn e tɨʼ ɨ. Asyɛl ga ba, tiibe e mbi mokan bɨn bé ólɛɛ ɛ. Sa elɛɛ, yé ódweŋɔ bɨn tɨʼ é jɔʼ gwar yaa.

Lʉkas 12:29

Adɨ du ga njɨ mode e monwoʼ bɨn bé óde le enyʉl ɨ. Asyɛl ga ba e bɨn bʉr o tɨ, tiibe e mode.

2 Korɛnt 1:11

ebe, bɨn bé óze bɨh é nkɔm é zi mɨnjwɨʼla min. Ebe no ó Zyɛm óbul dweŋɔ ekiba é jɔʼ buobuo bʉr, bé óbe si sa nye mɨnjwɨʼla é l'efu lɨh ɨ.

1 Korɛnt 7:32

Me egwɨm ó, bɨn l'ayi syɛl ba e bɨn bʉr o tɨ, tiibe e l'ebò e cyen lɨn. Mbuʼla ndɨ zihle, waa ndɨ abe e mʉma ɛ, syɛɛ mo Tî ga wina, yé ome ó ndɨ epebre nye é leme. Nye esyɛl ba e nye mʉr tɨ, tiibe e l'ebò e cyen le ó, nye amu jaa bɔʼa e zi Tî ga wina lé ekpɛl ɨ.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Mataos 13:22

Nuu nteme, nye enwɨɨla ó e mpœʼ yé a kur é mɨndwinʉ ɨ. Nye a si kʉ joʼo lɔɔ Zyɛm. Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle nye, ntɔʼ kaʼ lɔɔ Zyɛm, wé l'aka johlo.

1 Korɛnt 7:21

Gwɔɔ, mbuʼla ndɨ elʉa ɛ, Zyɛm a jebe go é jɔʼ go a be é dia olʉa nɨ, yé abe no? Dia olʉa yo nɨ, yé ajala le elɛɛ go sɔʼɔ. Sa gwar, ǃɨ Zyɛm si dib go zi esiila bɨdia nɛʼɛ, diʼe é dia otî,

Mataos 6:34

Ebe no, mʉr asyɛl ga ba e nye mʉr tɨ, tiibe e sa yé ósyɛɛ omɛn ɨ, ebe, omɛn, wé eyeʼbe wé mʉr tɨ. Mɨtuu mɨ moho, myé jala ó, e lɨha dobo.»

1 Timotɛ 2:1

Ebe no, sa efoʼ me lé ejwɨʼla e go e, yé ó, go saʼ mɨnjwɨʼla é l'efu e bʉr bɨbɛh. Go jaʼa Zyɛm sa yiyɛh é l'efu e bʉr ofih, le ndwɛa ekiba nteme.

1 Timotɛ 5:5

No ó, kuho wé a liʼɔ é ntɛʼɛ ɛ, leme we, wé eka liʼ lé eloŋlo e mbɛla ó, njɨ ebe Zyɛm. Moho e pum, wé ó njɨ lé ejwɨʼla e Zyɛm é l'efu le nye mʉr tɨ, ó nye fuʼa we.