Filipi 4:5 - Kálara Zyɛ̌m Edwán é mpʉ̌n

⁵ Me ekpɛl ó, bɨn lɛʼla bʉr bɨbɛh mpʉ bɨn ndɨ é tala njwɨr ɨ. Da Yesʉs, nye mu ó kunokuno le ebula.

Kálar Nzyɛ̌m : Ejwán é Sáá

⁵ Mě kpɛl ó, bɨ̌n lɛ̂ʼlaa bʉr bɨ́bɛ̂h mpʉ bɨ́n dí e lémé mpâm yɨ́. Sáʼ gá nó, ebě, Dâ, nye mû ó kúno enze.

Filipi 4:5 ပူးပေါင်းရင်းမြစ်များ

Mataos 6:25

«Ebe no, me elɛɛ bɨn ó nɛɛ: asyɛl ga ba e bɨn bʉr o tɨ, tiibe e nyɔmlʉ [ndwe e monyʉla mɨn]. Asyɛl ga ba nteme e monyʉl mɨn, tiibe e mompor. Zê bɨn bé agʉa ó, mʉr, nye abe njɨ ede, le nteme ó, kubo nyʉl, wé e nyɔm, laa mompor ɛ?

Títos 3:2

Bé beʼ l'afœʼ nuu mʉr. Bé l'ayi sa bɨtom. Bé diʼe é tala njwɨr. Bé tala njwɨr e bʉr bɨbɛh.

Ebrœ̂ 10:37

Kalara Zyɛm, nye elɛɛ ó: «Yi liʼ njɨ ma jɔʼ, mʉr lé eze e, nye ópyal; nye aŋa deʼ.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

1 Korɛnt 6:7

É jɔʼ bɨn ndɨ e mɨlɔb paʼra win ɨ, yé elɛɛ ó, bɨn mu ó si bîŋɔ le entaŋɔ é dɔm, bɨn bɨbɛh. Ebe yé bɨn ndɨ adihbe ó, bʉr saʼ bɨn ebebe e? Ebe yé bɨn ndɨ amɛʼle ó, bé díba bɨn ɨ?

Ebrœ̂ 10:25

Mʉr aliʼe ga obɨɔ ga bɨna é jɔʼ bé lé egwɨhla lé edwe Zyɛm kum ɨ. Bʉʉ bʉr bɛɛ, bé mu ó lé esa no. Laa ó, bɨn saʼ no, fuo gba ga bʉʉ obɨɔ nkul é monyʉl. Saʼ ga no é buobuo, ebe, dobo Da Yesʉs óbula ze e, lé mu ó lé ekunbo, é mpʉ bɨna mu lé ebee ga ɛ.

Mɨngwiha 22:7

Yesʉs, nye elɛɛ ó: «Mbe ga, me ó ma ze nɨ! Mocyɛʼ mo mpom, mé swɨŋɨ é baa bé óbaʼle mɨngwiha mɨlɔb ndɨ mɨtila é kalara nwaʼ tʉŋlʉ ɨ.»

1 Korɛnt 8:13

Yé be ó, yʉʉ doʼ, yé ó ebɔʼ mɨɔ wam ndɨ e nkul ebɨm, laa lé ódumo nye nɛʼɛ, me ófuo mɛʼle ó, me beʼ l'aka de tir cye tiʼ. Me amu jaa kol nye ebɔʼ nye óbɨm é leme e!

Mataos 6:34

Ebe no, mʉr asyɛl ga ba e nye mʉr tɨ, tiibe e sa yé ósyɛɛ omɛn ɨ, ebe, omɛn, wé eyeʼbe wé mʉr tɨ. Mɨtuu mɨ moho, myé jala ó, e lɨha dobo.»

Mɨngwiha 22:20

Waa lé eboʼlo mɨlɔb miʼ ɨ, nye elɛɛ nteme ó: «Eee, me ó ma ze nɨ!» Amɛn! Da Yesʉs, ntaʼ.

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

1 Korɛnt 9:25

Bʉr o ndɨ efwɛmla ɛ, bé emɛr mɨleme é mɨlɔb é buobuo é l'efu ó, bé ntaŋa, bœrɔ mopʉʼlʉ ndɨ elaa mpʉ ngul mpaa ɛ. No ó, bɨna bɛɛ, bé esaa ga ó, bɨna biʼe ga myɛna mé ódi njʉmdia e njʉmdia ɛ.

2 Tesalonika 2:2

Bɨh bé elɛɛ bɨn ó nɛɛ: aka twɨra ga. ǃBɨn si joʼo ó, Da Yesʉs, nyi bâʼle pyal nɛʼɛ, sɨa yaa l'atɨ bɨn mokʉ si. Mʉr waa dam lɛɛ ó, lɛa we waa, wé ó fela sɔʼɔ me a gwih ɨ, yé abe no. Nye dam lɛɛ ó, yé ó ekan me a lɛɛ nye e. Yé nteme, yé abe no. Nye dam ka boʼlo ó, lɛa waa, wé eduho é kalara a duho é bɨh ɨ, yé abe no.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

1 Korɛnt 16:22

ǃƗ mʉr bé akpɛl Da Yesʉs nɛʼɛ, Zyɛm káala nye. Da, ntaʼ!

2 Korɛnt 10:1

No ó, me mʉr tɨ, Pol, me ejwɨʼla e bɨn é zyɛŋa wih boo Krɨst, a fil nyʉl we si ɨ, le mʉr ndɨ é tala njwɨr ɨ—Mɛm, mʉr bɨn lé elɛɛ ó: «Nye efil nyʉl we si é jɔʼ bɨna ga e boo nɔɔ ndɨ gumo gwar ɨ», waa bɨn lé elɛɛ nteme ó: «Nye é bul sa yɛɛ monyan e bɨna ga é jɔʼ bɨna ga e boo nɔɔ mu é ncɛra» ɛ.