Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipi 4:19 - Kálara Zyɛ̌m Edwán é mpʉ̌n

19 No ó, Zyɛm Sɔŋ wam óloŋlo bɨn e bɨsa bɨn lé esaa ɛ, dwe bɨn bya ntuʼba, lé edu mpwaʼ okum we. Nye ósa no ebe zyɛŋa win boo Yesʉs-Krɨst.

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

19 Nó ó, Nzyɛ̌m wǎm, nye ólóŋlo bɨ́n bisá bɨ́n dí esáa bí, dwe bɨ́n byǎ ɨ́ buo buo, lɨ́ edû mpwâʼ okúm wé. Nye ósâ nó lɨ́ esú lɨ́n, bʉr o dí ɨ́ mpúhlá e Yésʉs-Krîst bá.

အခန်းကိုကြည့်ပါ။ ကော်ပီ




Filipi 4:19
44 ပူးပေါင်းရင်းမြစ်များ  

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.


Cyelɨ obil o bɨsa é mbi jɔʼ yiʼ mpene ó, bé l'ankɛɛ monyʉl. Mɨleme myɔɔ, myé l'ayi loŋlo e mbɛla é lɔb okum e l'ogbaa, sa ndɨ elaa mpʉ ngul mpaa ɛ. Bé jyɛʼɛ taa buʼo yɔɔ njɨ boo Zyɛm, waa lé epa dwe bɨna ga bɨsa byaa é ntuʼ-ntu-ntuʼ, lé egba bɨna ga bɨsʉhʉ é mɨleme e.


Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.


Me ejwɨʼla e nye ó, nye gbaʼ bɨn nkul é monyʉl é zi Sisim we é l'efu ó, bɨn diʼe e tɨʼ lwɨŋla, lé edu mpwaʼ kum we.


Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.


Mbea wam, wé ó, mɨtuu bɨna lé ebɔma ga e mye é bananaʼ ɛ, myé ó sa ndɨ kʉ be mbɛh ɛ. Sa ndɨ é bwaʼ lɔb, laa mɨtuu myaa ɛ, yé ó kum Zyɛm ólɛʼle bɨna ga ɛ.


Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.


ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.


Zyɛm, nye esa no, bʉr gʉŋa ó, nye e mpwaʼ kum. Nye ókab bɨna ga kum waa, bɨna ga, bʉr nye a kpɛl cwɨa e be e, ebe, bɨna ga ó ndɨ baa nye a bɛa cye ó, nye ókab be kum waa ɛ.


É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.


Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.


Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.


Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.


A ndwe e l'okum mo Zyɛm ee! Ocyoo we e ngwɨa we, byé abe e l'odumo. Zé ndɨ e nkul egʉa mɨtiʼa mɨ leme we ɛ? Zé ndɨ e nkul egʉa bɨsyɛɛla nye lé esa ɛ?


Ebe no, mɛm, Pyɛr, me ejwɨʼla e bɨn, ocyɛb be efoʼ o Mbɛr-Zyɛm bɨbɛh, mɛm mʉr ndɨ nteme cyɛb efoʼ e, bâʼle be nteme mboʼla a bee é jɔʼ Krɨst a sia e mɨtuu ɨ. Me nteme, me ó mboʼla óbi nkɔb é moncɛnba muno ze nyin é kpɛŋlɛm ɨ.


Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.


Sa efoʼ, me edwe Zyɛm Sɔŋ wam ekiba é zyɛŋa wih boo Yesʉs-Krɨst é lɔb win, ebe, é si nwaʼ nyiwɛh, bʉr bé ejoʼo mɨlɔɔ min, mpʉ bɨn lé ejyɛʼ taa buʼo yin boo Yesʉs-Krɨst ɨ.


Nye e Tomas ó: «Ntaʼ, ze laʼ dine yo wâ. Go à dwɛʼ mokœh mam. Go òfwam mbo go é mpah yam. Gwaʼa mosono. Buʼla.»


Yesʉs, nye e nye ó: «Daʼ nara e me, ebe, me dina ó apa to é jobo kʉ, boo Sɔŋ. Toʼ, to lɛɛ obɨɔ bam ó: “Me mu ó lé ebere, bula to nko Sɔŋ wam ndɨ ɨ. Nye nteme, nye ó sɔŋ win. Nye ó Zyɛm wam. Nye ó Zyɛm win nteme.”»


É jɔʼ yiyɛh me lé esa Zyɛm Sɔŋ wam mɨnjwɨʼla é l'efu lo e, me edwe nye ekiba é lɔb go,


Sa lé esa ó, me kpɛŋɨ ebâʼle ze gʉʼ bɨn ye e, yé ó, ebe, Zyɛm Sɔŋ wam amu jaa gba me fwon é nyʉl é mih mɨn. Bɨn bé amu jaa bee me lé ejɨ edwe é jɔʼ me óbee ó, bɨn bé agwɨma mɨsyem min ndwe le edwir mɨleme e. Me óbɛm kœb bʉr o b'a taare jwɨ̂ʼlɨ e mɨsyem ɨ, bɛɛ dina lé elama fwon lé edu njɨ bɨjyɛʼ byɔɔ, le elœʼ nyʉl é zi bɨduo, ndwe le esa bɨmala zam e l'ekomo, jwɨʼ gwar e gwar mpʉ bé a bɛa sa-sa ɛ.


Bʉr o bɨkul bɨfih bibyɛh, bé ekʉ ka du ó njɨ bɨsɨa byaa. To kœb ó, Sɔŋ win ndɨ é jobo kʉ ɨ, nye ebɛa gʉa ó, bɨn nteme bé ejɨ bye bibyɛh.


Zyɛm óbaʼle mɨleme min ndwe e mɨsisim min ó, é zi motala me. Mɨleme min loŋla e motala ebe zyɛŋa win boo Yesʉs-Krɨst, ebe, motala mo Zyɛm lé entaa ocyoo wiwɛh ɛ, mé óbaʼle mɨleme min ndwe e mɨsisim min é zyɛŋa win boo Yesʉs-Krɨst.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ