Filipi 4:17 - Kálara Zyɛ̌m Edwán é mpʉ̌n

¹⁷ Me agwɨm ba ndwɛa win, wé mʉr tɨ. Me ekʉ ka gwɨm ó njɨ Zyɛm niʼa bɨn bɨbaa bɨ embɨa é lɔb sa bɨn bé ódwe-dwe me e.

Kálar Nzyɛ̌m : Ejwán é Sáá

¹⁷ Mé apʉgʉ́ buú gwɨ̂m ndwéá wɨ́n, wé mʉr tɨ̂. Mě jaá gwɨ̂m ó, njɨ bɨ̌n díraa nyɔm, ɨ́ melû me dí enze má, ɨ́ lɔ̌b sá bɨ́n ngá dwe mé yɨ́.

Filipi 4:17 ပူးပေါင်းရင်းမြစ်များ

Títos 3:14

Yé ejala ó, bʉr o ndɨ paʼra ga wina ɛ, bé jwɨʼɨ lé esa mɨmpaŋ bɨsyɛɛla. Ebe no ó bɨn bé ógʉa egul baanteʼenteʼe, é mbi ndɨ ó bɨn beʼ l'aka baʼ mobo e.

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

Yʉanes 15:8

Sɔŋ wam óbi kum ó, é jɔʼ bɨn bé ógumo buobuo mpumo, le edi ompʉn bam ɨ.

1 Pyɛr 5:2

Kobla ga daa e bɨntœme Zyɛm a timle bɨn ɨ, abe e moyemla nkʉ tina, njɨ ebe, mʉr tɨʼ, nye ekʉ gbaa. Saʼ ga no é pɛhla ó, bɨn bé esea ó Zyɛm syɛɛ. Mʉr beʼ l'abaʼle bʉr o Mbɛr-Zyɛm ebe bɨgwɨma bɨ ebi bɨsa tɨ. Nye saʼ no ebe mbɨambɨa gwɨma leme we.

Títos 1:7

Yé ejala ó, mʉr lé edi é dia mbɔʼlʉ é mbɛr Zyɛm we e, nye diʼe waa ndɨ adweŋɔ mobe e, ebe, mbɔʼlʉ é mbɛr Zyɛm, nye ambɨa, be mʉr pyeh, nkʉ kpɔɔ, nkʉ fufwɔʼ monwoʼ, nkʉ mʉr ndɨ é feha ɛ, nkʉ waa lé esaa bɨsa é mozi ndɨ ozyɛhozyɛh ɛ.

Filipi 4:11

ǃMe si lwib no nɛʼɛ, yé alɛɛ ó, me ó é sɔɔlʉ bɨsɔʼɔ, ebe, mɨ bɛa jwɨʼ ó, me soha sa me ndɨ e ye e.

1 Tesalonika 2:5

Bɨn bé egʉa nteme ó, bɨh bé a baabe lé ekʉa bɨn é zi moseʼla. Bɨh bé a baadwe bɨn sikʉlʉ yaa e bʉʉ otwɨɨtwɨɨ. Zyɛm, nye ó mboʼla wih é nko paʼ waa.

2 Korɛnt 9:5

Ebe no, me a gʉa ó, yé a kʉ jala ó, me lɛŋɨ obuʼla baa ó, bé samla, to bɨn ye. Me ekpɛl ó, bɨn dira nkɛʼ bɨn bé a taare liʼe bɨh e ma ɛ, ó bɨn bé ósa mɨngula mɨ mɔn. Myé diʼe koma é l'ekʉm. Sa yaa, yé ólɛʼle é jɔʼ yaa ó, bɨn bé esʉ bʉr mocyɛʼ mo mpom é zi mɨngula myaa. Yé aduho é tina bʉr lé etine bɨn ɨ.

Rôm 15:28

No ó, é jɔʼ me óbe si to be e ngula waa ɛ, le egʉa nteme ó, bɨ bi we e, é jɔʼ yaa ó me óka bula, to Panya, cwɨɨ gʉʼ bɨn ye e.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

2 Korɛnt 11:16

Me ebâʼle lɛɛ ó, mʉr beʼ l'aláa ó, me ó gʉ. ǃBɨn ka lɛɛ ó, «Yaaa! Nye ó gʉ!» nɛʼɛ, dihba ga me mpʉ bɨn ndɨ ebɛa dihbe bɨgʉ ɨ. Ebe no ó bɨn bé ódwe me jɔʼ é l'efu ó, me doʼa e mɛm mʉr tɨʼ ɨ!

Yʉ̂d 1:11

A vwaʼ e bʉr baa, ebe, bé ekœʼ ebò e cyen mo Kan. Bé a fim mɨkam, ntɔʼ pɔhba ó, mpʉ mo Balam, ebe, bé a gwɨm-gwɨm ó, njɨ ebi myɛna. Bé a ka to dwè ó, mpʉ jyɛɛ mo Kore, bé a dwè é jɔʼ bé e boo nɔɔ, bé a kaŋa e Moyiz ɨ.

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

1 Timotɛ 3:3

abe nunwoʼ, nkʉ mʉr ndɨ é feha ɛ. Nye ejala le ebe ó é tala njwɨr. Nye abe mʉr bɨtom. Nye alaʼ lʉ é kpɛl mɔn.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

2 Pyɛr 2:15

Bé a si liʼe cɨcyel zi, gʉmla é bebebebe zi, ntɔʼ dim lé edu zi mo Balam, mwan mo Bosɔr. Nye ó b'a kpɛl myɛna nye a bi pie bɨsyɛɛla bɨ ozyɛhozyɛh nye a dɨ sa ɛ.

1 Timotɛ 6:10

ebe, kpɛl mɔn, yé ó etin e bɨsa bɨ ebebe bibyɛh. Bʉʉ bʉr o b'a taare buʼla Zyɛm ɨ, bé a si bi gwɨma ebi bɨmɔn, bé ntɔʼ gʉmla é bebebebe zi waa. Bɨ daʼre mɨtuu é buobuo é monyʉl mɔɔ.