Filipi 4:14 - Kálara Zyɛ̌m Edwán é mpʉ̌n

¹⁴ Sa ndɨ tɨʼ yé ó, bɨn bé a si kʉ sa embɨa lé enʉa nkɔb é mɨtuu myam.

Kálar Nzyɛ̌m : Ejwán é Sáá

¹⁴ Damá jóʼo nó, bɨ̌n bé á si kʉ sâ embɨa lɨ́ enʉa nkɔ̂b ɨ́ mitúú myâm.

Filipi 4:14 ပူးပေါင်းရင်းမြစ်များ

Ebrœ̂ 13:16

Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Ebrœ̂ 10:34

Bɨn bé a si jwɨʼ bʉr o mɨmbʉʼ nkoo. É jɔʼ bʉr, bé a dɛn bɨn bɨsa bin ɨ, bɨn bé a be ó si bir bɨsa byaa e bɨsʉhʉ, ebe, bɨn bé a be ó si kʉ gʉa ó, bɨn bé óbana bi bɨdime bɨsa, laa byaa bé a dɛn ɨ. Byé nteme, byé ó bɨsa lé edi ɨ.

Galásia 6:6

Mʉr lé ejwɨʼ mɨlɔb mo Zyɛm ɨ, nye kaba bɨsa bɨ embɨa bye, dwe mʉr lé eyeʼle nye mya ɛ.

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

Mataos 25:21

«No ó, masa, nye e nye ó: “Yé é mbɨa! Go ó mpaŋ syɛl mosa ebuʼlɔ, ebe, gɨ gʉa ebaʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Rôm 15:27

Bé bʉr o tɨ, bé a si joʼo bɨsʉhʉ lé esa no. Syɛɛla yaa, yé óbe nteme ó, mpʉ mpɔla bé a ka mɛʼle le ejɛna ɛ. OYʉden onɨ ó b'a taare gul bʉr o ndɨ abe oYʉden ɨ, é l'efu ó, bé sʉŋɔ mocyɛʼ mo mpom mo Zyɛm. No ó, banana, yé ejala ó, bʉr o ndɨ abe oYʉden baa ɛ, bé fuʼa be, lé edwe be bɨsa mu lé esa be sɔɔlʉ ɨ.

Mɨngwiha 1:9

Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.

Ebrœ̂ 10:33

É til molu yaa, baʼ bʉr é l'esama lɨn, bé a be ó lé elwɨɔ le etíilɔ é kpɛŋlɛm. No ó, bʉʉ bʉr bɛɛ, bé a mɛʼle ó, bé fuʼa bʉr o b'a saŋɔ no e.