Filipi 4:1 - Kálara Zyɛ̌m Edwán é mpʉ̌n

¹ Obɨɔ o kpɛl bam aa! Me ekpɛl bɨn ndwe le egwɨm bâʼle bee bɨn. Bɨn o ndɨ edwe me buobuo bɨsʉhʉ é leme. Bɨn ó ngo sa ó, Zyɛm bœrɨ me epʉʼlʉ é lʉ. Ofo bam, cyɛba ga é nkʉʼʉ é zyɛŋa win boo Da Yesʉs.

Kálar Nzyɛ̌m : Ejwán é Sáá

¹ Bɨ́ɔɔ́ bâm le okɛ́l bâm mé dí ekpɛl bá, me lɨ́ ebuú gwɨ̂m ébáʼǎ bee bɨ́n. Bɨ̌n ó dí edwe mé bisʉhʉʉ ɨ́ buo buo ɨ́ léme. Bɨ̌n ó ngá sâ ó, Nzyɛ̌m dwêʼ me myɛ́na, mpʉ̌ káráá dúu. Tyɛ́bɨ́ɨ́ gá mekʉ̌ sí ɨ́ sɨ́ŋ ɨ́ nzɨ̌ Tî Yésʉs dí etɨ́e bɨ́n nyɨ́.

Filipi 4:1 ပူးပေါင်းရင်းမြစ်များ

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

1 Korɛnt 16:13

Diʼe ga nkehe. Cyɛba ga é nkʉʼʉ é buʼo. Diʼe ga e leme onkɔɔ. Lela ga nkul.

Filipi 2:16

Bɨn bé ólɛʼle be mɨlɔb mɨ tiʼ. Tɨʼ ó me óbi zi lé edoʼo e syɛɛ yam é dobo Krɨst óbula ze e. Me ógʉa é jɔʼ yaa ó, lelelele syɛɛ me a sea ɛ, yé a baadwè ntuʼ.

1 Korɛnt 15:58

Ebe no, obɨɔ o kpɛl bam aa! Cyɛba ga é nkʉʼʉ. Gbaʼ ga monyʉl lé esea syɛɛ mo Da Yesʉs é jɔʼ yiyɛh. Gʉŋa ga ó, syɛɛ bɨn lé esea nye e, yé ákwoʼ dwè ntuʼ.

Filipi 1:8

Zyɛm, nye ó me mboʼla: me ekpɛl bɨn bɨbɛh mpʉ Yesʉs-Krɨst lé ekpɛl bɨn ɨ.

Ebrœ̂ 10:23

Bɨna mɛʼla ga sa lé eloŋlo mɨleme ga mina e mbɛla ɛ, abe e l'ocabcab. Mʉr a liʼe bɨna ga e monkɛʼ ɛ, nye nteme, nye ó mʉr ebuʼla.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Yʉanes 8:31

Yesʉs ze lɛɛ e l'oYʉden bé a jyɛʼ taa buʼo yɔɔ boo nye ó: «ǃBɨn si baʼle mokan mam nɛʼɛ, bɨn bé ódi ompʉn bam cyecye.

2 Timotɛ 2:1

Mwan wam aa! Lela nkul é zi mocyɛʼ mo mpom Zyɛm a sʉ go, maa ndɨ epyal bɨna ga é zyɛŋa ga wina boo Yesʉs-Krɨst ɨ.

Filipi 2:26

Nye ekpɛl bee bɨn bɨbɛh. Nye a be nteme ó, lé esyɛl ba e bɨn, tiibe e mɨlɔɔ mɨ esyɛb le bɨn bé a joʼo e.

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

Mɨlʉmlʉ 2:42

Bé a be ó lé ekʉ gba monyʉl é jɔʼ yiyɛh lé eto joʼlo sikʉlʉ mɨlʉmlʉ myé a dwe-dwe be e. Bé a di-di nteme ó, é zyɛŋa-mɨleme tʉŋlʉ, le ede-de nteme gumo gwar, le ejwɨʼla-jwɨʼla e Zyɛm.

2 Pyɛr 3:17

Ebe no, obɨɔ o kpɛl bam aa! É mpʉ bɨn lé ebɛa gʉa sa nɨ ɨ, diʼe ga ncye, lé ekpɛɛ ó, bɨn bé amu jaa gʉmla é bebebebe zi, ntɔʼ to dim lé ebaŋa ontɔɔ o motie. Bɨn bé amu jaa pʉʼa é cye molele yin.

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

2 Tesalonika 2:15

Ebe no, obɨɔ ga bam aa! Cyɛba ga é nkʉʼʉ. Duʼo ga mɨnjwɨr bɨh bé a ntɛŋ bɨn ɨ, dam be é zi lwib, nkʉ é zi kalara bɨh bé a tile e.

Kolosi 4:12

Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.

Galásia 5:1

Krɨst a dwih bɨna ga é dia olʉa ó, bɨna diʼe ga é dia otî. Ebe no, cyɛba ga é nkʉʼʉ. Amɛʼle ga ó, nuu mʉr dwihɨ bɨn é dia otî, ntɔʼ dil bɨn é dia olʉa.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

1 Tesalonika 3:13

Nye gbaʼ bɨn nkul é monyʉl ó, mɨleme min, myé diʼe é sɔɔɔ, alɨŋa ba, abe e mobe é jɔʼ bɨn bé ócyɛb é mih mo Zyɛm Sɔŋ ga wina ɛ. Diʼe ga no, to pyal é dobo Tî ga wina Yesʉs óbula ze, bé e mɨsaŋ beengles mye mimyɛh ɛ.

Mataos 10:22

Bʉr bɨbɛh, bé ónwim bɨn é lɔb wam. No ó, waa ódihbe, to pyal é l'esie e, nyiha ó ngo tiʼe.