Filipi 3:20 - Kálara Zyɛ̌m Edwán é mpʉ̌n

²⁰ É paʼ ga wina, bɨna ga bɛɛ, bé ó bʉr o ndɨ egumo e jobo kʉ ɨ. Bɨna mu ó lé ebono ga Tiʼbʉr ga wina, Da Yesʉs-Krɨst. Nye óduho é jobo kʉ, ze kaʼ é si nwa,

Kálar Nzyɛ̌m : Ejwán é Sáá

²⁰ Ɨ́ páʼ gá wɨ́ná, mɨná gá bɨ́ɛ bé ó bʉr o dí egúmo e jʉ́o kʉ́ bá. Mɨná mû ó lɨ́ ebóno gá Tiʼbʉr gá wɨ́ná. Nye ó dí Tî Yésʉs-Krîst, ngá duho ɨ́ jʉ́o kʉ́, nze kâʼ ɨ́ sí yɨ̂ʼ nyá.

Filipi 3:20 ပူးပေါင်းရင်းမြစ်များ

Éfɛsɔs 2:19

Ebe no, bɨn bé aka be mɨndìndìl nkʉ mɨngbaalaŋa. Bɨn mu ó bʉr mo Zyɛm jwɨʼ gwar e gwar e mɨsaŋ mɨ bʉr be. Bɨn e boo nɔɔ, bé mu ó bʉr o mbɛr bʉr mo Zyɛm.

2 Korɛnt 4:18

Bɨh bé agba mɨleme é bɨsa lé enyin ɨ, njɨ é bɨsa ndɨ anyin ɨ, ebe, byaa lé enyin ɨ, byé elaa mpʉ ngul mpaa. To kœb ó, byaa ndɨ anyin ɨ, byɛɛ ó ndɨ edi njʉmdia e njʉmdia.

Ebrœ̂ 12:22

Bɨn bɛɛ, bé abe no. Bɨn bɨ ze é l'ecwɨʼ e Sion. Yé ó nkana mo Zyɛm ndɨ kublakubla ɛ: Yerʉsalɛm, yaa dina é jobo kʉ ɨ. Beengles otɔɔyin otɔɔyin, bé ó tɨ, abe e tolɔɔ. Bé etwaare e l'ebʉʼ e bɨsʉhʉ.

Kolosi 1:5

Sa nɨ yiyɛh ó, ebe sa bɨn ndɨ ebɛla, yaa ndɨ koma é lal mo Zyɛm ɨ. Bɨn bé ó e mbɛla waa é mɨleme, duho é jɔʼ bɨn bé a taare joʼo Mbɨambɨa Lɔɔ ndɨ lɔɔ cyecye ndɨ eduho boo Zyɛm ɨ.

Éfɛsɔs 2:6

Zyɛm a si pɛ̀h bɨna ga e boo Yesʉs-Krɨst é mofoo, ntɔʼ dil bɨna ga e boo nɔɔ é dia taʼa é jobo kʉ, é zyɛŋa wina boo Krɨst.

2 Korɛnt 5:8

Me ekʉ lɛɛ ó, bɨna bɨ tʉm ga monyʉl. Bɨna bé ebee ga embɨa lé etwaʼ é nyʉl bɨpuno nwa é l'efu ó, bɨna toʼ, to fil ga é mbɛr mo Da Yesʉs.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

1 Tesalonika 1:10

Bé elɛɛ-lɛɛ nteme ó, bɨn mu ó lé ebono Mwan mo Zyɛm óduho é lal mo Zyɛm, waa nye a pɛ̀h é foo e. No, yé ó Yesʉs, waa ndɨ esyɛb bɨna ga é mɨtuu mɨ epihe é jɔʼ Zyɛm ókpaa empime e bʉʉ bʉr ɨ.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Galásia 4:26

Sa gwar, mpaŋ Yerʉsalɛm, yaa ndɨ é jobo kʉ ɨ, yé ó mʉma ndɨ é dia otî ɨ. Nye ó b'a bya bɨna ga, bʉr o ndɨ é dia otî ɨ.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

1 Korɛnt 1:7

Bɨntɔɔ Zyɛm lé enol bwan be e, nyi nol bɨn nteme bya. É jɔʼ bɨn dina lé ebono zea Tî ga wina Yesʉs-Krɨst óze e, bɨn mu ó e bɨntɔɔ Zyɛm a nol bɨn binɨ.

Mɨlʉmlʉ 1:11

Bʉr baa ntɔʼ lɛɛ e be ó: «Bʉr o Galɨle ee! Ebe yé bɨn lé ecyɛb naa, lé edwɛʼ jobo kʉ ɨ? Yesʉs, mʉr pɛʼɔ é l'esama lɨn ɨ, nye óbula ze ó, mbi ngwar e ngwar bɨn bee nye lé ebere é jobo kʉ nɨ.»

Mataos 19:21

Yesʉs ze lɛɛ e nye ó: «Yé be ó, go egwɨm kumo é l'ombɨmbɨa é mɨpaʼ mimyɛh nɛʼɛ, toʼ, to bɛma bim bɨsa go ndɨ e bye e. Go à dwe baanteʼenteʼe o bʉr mɔn tɨ. É jɔʼ yaa ó go óbi okum e l'ogbaa twiha é lal mo Zyɛm ɨ. Pie tɨ, go òze du me.»

1 Tesalonika 4:16

Ebe, bɨna ga e boo nɔɔ, bé ójoʼo twii mojwɨʼa. Njwɨɨ beengles ólwib, Da Yesʉs nye mʉr tɨʼ ófulo, duho é jobo kʉ, sebe lé elwɨɨ é l'ejyoo. Odwè ndɨ é zyɛŋa wɔɔ boo Yesʉs-Krɨst ɨ, bé ótaare pàh.

Lʉkas 14:14

ǃGo si sa no nɛʼɛ, go ósʉŋɔ mocyɛʼ mo mpom, ebe, bé abe e nkul ebuulo go embɨa lo enɨ. Embɨa laa, lé óka buulɔ ó, é moho ocɨcyel o bʉr, bé ópàh ɛ.»

Mɨngwiha 1:7

Mbe ga: nye ó ma ze é nkur tʉŋlʉ nɨ! Bʉr bɨbɛh, to kumo kuma e baa b'a kar nye ekʉa é bɨmpah ɛ, bé óbee nye. Bʉr o moveh mo si nwaʼ bɨbɛh, bé ósa efie le. Eee, yé óbe ó no! Amɛn!

Filipi 1:10

Ebe no ó bɨn bé óbe e nkul edweʼe sa ndɨ é bul jɨŋɔ ɛ. É dobo Krɨst óbula ze e, nye ókœb ó, bɨn mu ó bʉr o b'ocyecye, abe e mobe.

Lʉkas 12:21

Yesʉs, nye e be ó: «Mʉr ndɨ ekoho mobi me é l'efu le nye mʉr tɨ, nyɛɛ yɛɛ anteʼenteʼe é mih mo Zyɛm ɨ, mʉr waa, nye ó ndɨ enwɨɨla e mʉr nwa.»

1 Korɛnt 15:48

Bʉr o ndɨ é nkɔb si nwaʼ ɛ, bé enwɨɨla ó e mʉr a meŋɔ e bɨbwah ɛ. To kœb ó, bʉr o ndɨ egumo e jobo kʉ ɨ, bé enwɨɨla ó e waa a duho é jobo kʉ ɨ.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.