Filipi 3:2 - Kálara Zyɛ̌m Edwán é mpʉ̌n

² Cɨa ga bɨbɨbla bɨ osyɛl o mosa baa. Cɨa ga ompye onɨ. Cɨa ga bʉr o ndɨ esa bʉr mpʉn é l'ebebe e.

Kálar Nzyɛ̌m : Ejwán é Sáá

² Cɨ́áá gá bibɨ̂bla bílóbila byaá. Cɨ́áá gá ompyê baá. Cɨ́áá gá bʉr o dí etíʼe bʉ̂r mpʉ́n lɨ́ ebébe bá.

Filipi 3:2 ပူးပေါင်းရင်းမြစ်များ

2 Korɛnt 11:13

Mɨmbi mɨ bʉr myaa, myé ó mɨmpʉmpʉl mɨlʉmlʉ, osyɛl o mosa o bɨkʉʉŋʉ. Bé eliŋ bé bʉr o tɨʼ mɨlʉmlʉ mo Krɨst.

Títos 1:16

Bé ekʉ boʼlo ó, bé egʉa Zyɛm. Sa gwar, bɨsyɛɛla byɔɔ, byɛɛ yɛɛ lé ekʉ lɛʼle ó, bé dina ó lé ekʉ lɛʼle ó, bé agʉa nye. Bʉr baa, bé é lwaʼbe. Bé ó baajoʼo-motɨɨ. É bɨsyɛɛla bɨ ncwɨncwɨa bibyɛh mʉr ndɨ bɛm sa ɛ, abe e syɛɛla gwar bé ndɨ e nkul ekoʼo e.

Mɨngwiha 22:15

No ó, baa lé etiʼe mpʉ ompye e, bé e l'oleme, ndwe e l'osyɛl o mɨfyɛba bɛɛ, bé óliʼ kʉl. Ojʉl o bʉr nteme, ndwe e baa lé edwiibɨ bɨbaŋabaŋa bɨdweʼle e, ndwe e baa lé ekpɛl mɨlɔɔ mɨ mpʉl ɨ, bé nteme, bé óliʼ kʉl.

Galásia 5:15

Sa gwar, ǃbɨn si koʼla, le etɛl paʼra win, mpʉ otir o montiʼ lé esa nɛʼɛ, bɨn bé à di ncye. Bɨn bé amu jaa sie lé ejwɨɨla paʼra win.

Filipi 3:19

Bé ófuʼla ó, dim cyecye. Bɨsa bɨ ozyɛm bé lé edwiibɨ ɨ, byé ó mɨmo myɔɔ. Bé ekʉ ka gumlo ó njɨ bɨsa ndɨ ebul samle be e, toŋlɔ-toŋlɔ njɨ bɨsa bɨ jobo yi.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Mataos 7:15

«Diʼe ga ncye e mɨmpʉmpʉl mɨ ogwiha o mɨlɔb, ebe, bé eze-ze é l'esama lɨn ó e njwɨr é tala tala, nwɨɨla e bɨntœme. To kœb ó, é mɨleme myɔɔ tʉŋlʉ, myé ó mpʉ onkœœ!

Mɨngwiha 21:8

Baabʉbʉa bɛɛ ndwe e bʉr o ndɨ abuʼla Zyɛm ɨ, bʉr o ndɨ efœʼ monyʉl mɔɔ ɛ, ojʉl o bʉr, e l'osyɛl o mɨfyɛba, oleme ndwe e baa lé edwiibɨ bɨbaŋabaŋa bɨdweʼle e, ndwe e baanya-bɨkʉʉŋʉ bɨbɛh, bɛɛ, bé ókʉ ka kœb odia wɔɔ ó njɨ é Bɨ-siʼe. Yé ó lwɨŋla e siʼe ndwe e pir. Tɨʼ ó bʉr lé edwè efie emba ɛ.»

Mɨngwiha 3:9

Mbe ga: é mpʉʼ ó me ósa bʉr o mpah mɨnjwɨʼla mo Satan, baa lé elɛɛ ó, bé ó oYʉden, bɛɛ l'abe be e. Bé ekʉ ka sa ó njɨ mpʉl. Me ósa ó, bé ntaʼ, ze bɨʼ mompom mɔɔ si é mih mɨn, ó bé nkʉʼ gʉa ó, me ekpɛl bɨn.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

1 Timotɛ 1:19

Go óbaʼle buʼo yo e mɨpɛhla mɨ leme ndɨ é pyɛɛɛ ɛ. Bʉʉ bʉr, bé a si tine buʼo yina, buʼo yɔɔ yaa ntɔʼ lɨra, mpʉ titima lé edɨ é modibe, dim ɨ.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

Rôm 2:28

Mpaŋ Yʉden, nye abe waa lé enyin njɨ kʉl ó, nye ó mbyɛla Yʉden ɨ. Mpaŋ sɛa mpʉn, wé abe waa saŋɔ é nyʉl, lé ebeɔ kʉl ɨ.

Mataos 7:6

«Adwe ga ompye sa ndɨ ti ɨ. Bé amu dwibra le elʉ bɨn. Adwe ga onkʉ mɨndwe ndɨ é buo dime e. Bé amu tíile mye.»

Mɨngwiha 2:9

“Me egʉa mɨtuu min, ndwe e l'enteʼe lɨn—to kœb ó, bɨn bé ó mɨsʉsʉ mɨ bʉr—, ndwe e movoʼ bʉr lé efœʼ bɨn ɨ. Baanya-movoʼ baa, bé dam lɛɛ ó, bé ó oYʉden, bé abe yɛɛ oYʉden ompa. Bé ó bʉr o mpah mɨnjwɨʼla mo Satan!

2 Pyɛr 2:22

Sa yé a pyal be e, yé ebɔma e mokan bɨntuntu moba ma. Mé elɛɛ é l'ocyecye ó: «Mpye, nye efiʼ ó, bula to de bɨjʉʉlʉ bye.» Lʉʉ ekan e tɨ, lé elɛɛ ó: «Pie bɨ sil jwɨ̀ɨ nkʉ, nye ntɔʼ laa, bula to biila é bɨjyɛn.»

Mataos 24:10

No ó bɨsyɛɛla byam, byé ókol bʉr é buobuo ebɔʼ bé óbɨm é mɨleme, laa lé ódumo be e. Bʉr, bé ókɛha bʉr o sama yɔɔ. Bé ónwimla paʼra wɔɔ.