Filipi 3:18 - Kálara Zyɛ̌m Edwán é mpʉ̌n

¹⁸ Me ebal bɨn é lɔb sa gwar nɨ é jɔʼ yiyɛh. Banana, me mu ó lé ebâʼle yɨm nkpaa tɨʼ e myɛɛle é mih. Yé é buobuo bʉr o ndɨ ekœʼ ebò e cyen ndɨ elɛʼle ó, bé ó bʉr o dɔm mo Krɨst, a dwè é klos ɨ.

Kálar Nzyɛ̌m : Ejwán é Sáá

¹⁸ Me lɨ́ eboó lɛ́ɛ bɨ́n sɨ̂ʼ yɨ̂ʼ jɔʼ yɨ́yɛ̂h. Me lɨ́ ebáʼǎ bâʼle yé ɨ́ báánâʼ e myɛ́ɛlé ɨ́ mîh: buobuo obûʼla, bé ó tɨ̂, baá dí edû bébebébě kʉ̌ tyen bá. Bé lɛ́ʼlé e nzɨ̌ nyaá ó, bé lɨ́ entémlě lɔ́ɔ́ mé Krîst, á dwe ɨ́ kolôs nyá.

Filipi 3:18 ပူးပေါင်းရင်းမြစ်များ

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

Galásia 6:12

Bʉr o ndɨ ekpɛl nyin ocɨcyel ɨ, bé ó lé etine bɨn ó, bɨn saŋɔ mpʉn. Bé esa no ó, bʉr nkʉʼ bir bɛɛ l'atíilɔ. Bé ekpɛɛ bʉr o ndɨ ebene lɔɔ lé etiibe e l'efie Krɨst a dwè é klos kʉ ɨ.

Galásia 2:14

Mpʉ me a bee ó, bé a baaka be lé ekœʼ ebò e cyen é l'ocyecye mpʉ Mbɨambɨa Lɔɔ lé etɨe bɨna ga ɛ, me a ze lwib e Pyɛr, bɨbɛh é modia. Me e nye ó: «Gwɔɔ mʉr Yʉden nwa, go ekœʼ ebò e cyen wâʼ ó, mpʉ bʉr o bɨkul bɨfih, yé abe no? É mpʉ yé ndɨ no e, a, ebe yé go lé ekpɛl tine bʉr baʼ ó, bɛɛ kœʼœ ebò e cyen mpʉ oYʉden?

Galásia 1:7

Sa gwar, é l'ocyecye, guu lɔɔ fih ndɨ é mbɨa, laa Mbɨambɨa Lɔɔ ɛ, wé abe! Bʉʉ bʉr mu ó lé ezabra bɨn buʼo. Bé egwɨm cene Mbɨambɨa Lɔɔ mo Krɨst, cenɔ we guu mbi fih.

2 Pyɛr 2:10

Nye ókʉ bul kab bɨntɨʼa ó, dwe bʉr o ndɨ edu bɨgwɨma bɨ nyʉl bɨpuno wɔɔ ɛ, bɛɛ nteme lé epyeh mojwɨ̀ʼa mo si le maa mo kʉ. Mɨmpʉmpʉl mɨ oyeʼle me lé etaŋle bɨn lɔb wɔɔ ɛ, myé ajoʼo bʉa dam be é jɔʼ bé lwɨɨ beengles ndɨ é lal bɨna ndɨ egumlo e.

1 Tesalonika 4:6

Mʉr beʼ l'antaa etie, nkʉ gwìh e mɨɔ we mʉr é mbi waa. Bɨh bé a si bɛa bal bɨn ó, Da Yesʉs, nye ó mokuna-bʉr é mɨlɔb mɨnɨ mimyɛh. Yé ó sa bɨh bé a bɛa lɛɛ bɨn, lé eyɨm nkpaa.

Filipi 1:4

É jɔʼ yiyɛh me lé ejwɨʼla é l'efu lɨn ɨ, me ejwɨʼla ó e bɨsʉhʉ,

Galásia 5:21

esa bɨgwɨma, efwaʼ monwoʼ, elɔʼba lé ebwal mozɔɔ ndɨ ambɨa ɛ, to-to ó toʼ. Mpʉ me a bɛa lɛɛ bɨn é l'etɔɔrʉ ɨ, me ebâʼle lɛɛ e bɨn ó, bʉr o ndɨ esa mɨmbi bɨsyɛɛla byaa ɛ, bé ákwoʼ dweŋɔ dia é jwɨ̀ʼa mo Zyɛm.

Galásia 2:21

Me abe e nkul epyeh ncwɨncwɨa mo Zyɛm. Yé be ó, mʉr fih mʉr kɛ̀l, nyi pʉʼa é nkar, sɔba é feerɨ ebe mbi nye lé edu motie nɛʼɛ, lɛɛ ó, Yesʉs-Krɨst a kʉ dwè ó, mbɛh!»

2 Korɛnt 11:29

Yé be ó, nuu mʉr, nye é cyɛʼ nɛʼɛ, yé edwe me ecyɛʼ e nyʉl. Yé be ó, nuu mʉr, nyi kol mbuʼla ebɔʼ nye lé ebɨm é leme nɛʼɛ, yé egba me ediʼa e leme.

2 Korɛnt 11:13

Mɨmbi mɨ bʉr myaa, myé ó mɨmpʉmpʉl mɨlʉmlʉ, osyɛl o mosa o bɨkʉʉŋʉ. Bé eliŋ bé bʉr o tɨʼ mɨlʉmlʉ mo Krɨst.

2 Korɛnt 2:4

Yé ó no! Me a tile bɨn ó, leme wam, wé osi loŋlo e l'empime, nyʉl wam, nye osi bul laŋle cyɛʼ, le myɛɛle é mih. Me a baatile ó, bɨn liʼɨ é gœʼra-gœʼra e mocyɛʼ mo nyʉl. Me a kʉ tile ó, njɨ me lɛʼla bɨn kpɛl apurapura me ndɨ e ye é l'efu lɨn ɨ.

1 Korɛnt 6:9

Bɨn bé egʉa cyecye ó, ozyɛhozyɛh o bʉr, bé ákwoʼ dweŋɔ dia é jwɨ̀ʼa mo Zyɛm, jala e nkɔb wɔɔ. Abir ga ó, mʉr gomla bɨn é bebebebe zi. Osyɛl o bɨmala, baa ndɨ edwiibɨ bɨbaŋabaŋa bɨdweʼle e, osyɛl o mɨfyɛba, otɛba o bʉrʉm, bʉrʉm ndɨ etɛbɔ ɛ,

1 Korɛnt 1:18

É jɔʼ bɨh ndɨ ebɔma e bʉr o ndɨ egʉmla é bebebebe zi ɨ, é jɔʼ bɨh ndɨ etuno be lɔɔ efie mo Yesʉs é klos kʉ ɨ, mbea wɔɔ, wé ó tuno waa, wé ó lɔɔ ogʉ. No ó, mbɛa ga wina, bɨna ga bʉr o mu lé ebi tiʼ molu mo mpoʼ mɨmɛh ɛ, wé ó anɨnɨn nkul mo Zyɛm.

Rôm 9:2

Leme wam, wé ó lwɨŋla e l'empime. Wé nteme, wé ekpaa me é jɔʼ yiyɛh.

Lʉkas 19:41

É jɔʼ Yesʉs a pyal kunokuno e nkana Yerʉsalɛm, ntɔʼ dwɛʼ ye e, nye ntɔʼ taare lé ejɨ ndwe le epɛm myɛɛle é lɔb we.

Yʉ̂d 1:13

Bé ebâʼle nwɨɨla nteme ó e l'oboʼo o maŋ, baa lé epyɛl mogul é ntomo-ntomo e. Bé esa ebebe, ajoʼɔ ba fwon. Pie tɨ, bé eka nwɨɨla ó e baatwitwɛn ndɨ adu bɨcye byɔɔ ɛ. Ebe no ó Zyɛm lé ekʉ baʼle-baʼle be bɨdia byɔɔ njɨ é l'edurʉ le ankom-nkom ɨ. Edurʉ laa, lé ódi-di no ó, njʉmdia e njʉmdia.

2 Tesalonika 3:11

Bɨh bé etile no ó, ebe, bɨh lwanbe kʉ joʼo ó, bʉʉ bʉr o mbɛr Zyɛm win, bé esa epɨh. Bé egʉa ó, njɨ elaʼ mɨlʉ é bɨsa byoonkan.

Mɨlʉmlʉ 20:19

Me a sea-sea Da syɛɛ é jɔʼ yiyɛh nɨ ó, lé efil nyʉl si, e myɛɛle é mih, oYʉden bɛɛ lé eto le elam me. Sa yaa ó b'a bul dwe me tuu.

Galásia 6:14

Yé l'ayi kunbo ba e me ó, me doʼa e sa fih. Me ódoʼo njɨ e Tî ga wina Yesʉs-Krɨst, le mpʉ nye a cyèlɔ é klos kʉ, ntɔʼ dwè e. Efie le laa, lé ó b'a sa ó, bɨsa bɨ jobo yi, byé diʼe me mpʉ sa yé a bomlɔ é klos kʉ ɨ. Bʉr o si nwa, bé mu ó lé ebee me ó, mpʉ mʉr a cyèlɔ é klos kʉ ɨ.