Filipi 3:17 - Kálara Zyɛ̌m Edwán é mpʉ̌n

¹⁷ Obɨɔ ga bam aa! Nʉŋa ga dweʼle tiʼ yam mpʉ bʉʉ bʉr mu lé esa ɛ. Bɨh bɨ lɛʼle bɨn ebò e cyen tɔɔ dweʼle. No ó, bɨʼɨ ga mih mɨn é bʉr o ndɨ ekœʼ ebò e cyen laa ɛ.

Kálar Nzyɛ̌m : Ejwán é Sáá

¹⁷ Bɨ́ɔɔ́ bâm! Okɛ́l bâm! Baŋaa gá me, bɨ̌n óbɛ̂h. Mɨ́ dwe bɨ́n mveʼle. Nó ó, bɨʼɨɨ gá míh mɨ́n ɨ́ bʉr o dí etiʼě mpʉ̌ mveʼle yaá dí yɨ́ bá. Bɨ̌n e dú bê.

Filipi 3:17 ပူးပေါင်းရင်းမြစ်များ

Filipi 4:9

Duʼo ga sikʉlʉ bɨn bé a jwɨʼ boo me e. Duʼo ga mɨlɔb mimyɛh bɨn bé a joʼo me lé elɛɛ, myaa bɨn mu lé emɛʼle e. Ebò e cyen bɨn bé a bee me lé ekœʼ œ, kœʼœ ga le. Zyɛm, waa lé egba bɨna ga motala é mɨleme e, nye ódi é bɨn.

1 Korɛnt 4:16

No ó, me ejwɨʼla e bɨn ó, bɨn nʉŋa dweʼle tiʼ yam.

1 Pyɛr 5:3

Alɛʼle bʉr o b'a timlɔ bɨn ɨ, mpel é bebebebe. Dɨʼe kœʼ ga e be mpʉ yé lé ejala e be e.

2 Tesalonika 3:9

Dam be no, bɨh bé ó e nkul mojwɨ̀ʼa ndɨ ó, bɨh biʼe bɨsa bin, de. Byé ó dɔɔ. Sa gwar, bɨh bé a be ó lé ekpɛl lɛʼle bɨn mpaŋ ebò e cyen, laa bɨn bé a jala le ekœʼ œ.

Ebrœ̂ 13:7

Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

1 Timotɛ 4:12

Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

2 Tesalonika 3:7

Ebe, bɨn bʉr o tɨ, bé ekʉ gʉa mpʉ bɨn lé ejala le enʉa dweʼle tiʼ yih ɨ. Bɨh bé a baasa epɨh é jɔʼ bɨh bé a be paʼra win ɨ.

1 Korɛnt 10:32

Kœʼœ ga mpaŋ ebò e cyen é mbi ndɨ ó, bɨn l'ayi ka sa syɛɛla ndɨ ekol oYʉden ebɔʼ lé ódumo be e. Syɛhla ga nteme syɛɛla ndɨ ekol bʉr o bɨkul bɨfih ebɔʼ lé ódumo be e. Akol bʉr o Mbɛr-Zyɛm ebɔʼ lé ódumo be e.

2 Tesalonika 3:14

ǃƗ mʉr si be, ajoʼo motɨɨ bɨh lé edwe bɨn é kalara nwaʼ nɛʼɛ, nʉŋa ga nye die. Tiʼa ga nduula e nye. É mbi waa ó nye ójoʼo fwon ɨ.

1 Tesalonika 1:6

Bɨn ntɔʼ nʉa dweʼle tiʼ yih, le yaa mo Da Yesʉs. Bɨn bé a si buʼla lɔɔ Zyɛm, dam be é mɨtuu bɨn bé a sia e mye e. Mbɨambɨa Sisim a be ó si loŋlo mɨleme min e bɨsʉhʉ, dam be mɨtuu min myaa.

Rôm 16:17

No ó, obɨɔ ga bam, me ejwɨʼla e bɨn ó nɛɛ: bɨn bé à di ncye é nko paʼ bʉr o b'a tɨ mɨlɛa mih é jɔʼ bɨh bé a dwe bɨn sikʉlʉ ɨ. Bé esa mpɔʼa monkɔm lé ekol obɨɔ bɔɔ ebɔʼ bé óbɨm é mɨleme e. Cɛra ga e be!

1 Korɛnt 11:1

Nʉŋa ga dweʼle tiʼ yam mpʉ me lé enʉa dweʼle tiʼ mo Krɨst ɨ!