Filipi 3:14 - Kálara Zyɛ̌m Edwán é mpʉ̌n

¹⁴ Me egba nyʉl lé eto dolo, to pyal é l'odumo. Me egwɨm mompɔʼ mo Zyɛm. Nye ejebe bɨna ga ó, bɨna toʼ, to bi ga mompɔʼ me é zi mo Yesʉs-Krɨst. Mɛɛ, mé ó koma é jobo kʉ.

Kálar Nzyɛ̌m : Ejwán é Sáá

¹⁴ Me lɨ́ egbâ nkûl lɨ́ etô dóló, tó pyâl lɨ́ odumo. Me lɨ́ egwɨ̂m ébi myɛ́na mé Nzyɛ̌m nyé dí ejébe mɨ́ná gá ó, mɨná tô bi gá, cɨɨ ɨ́ nzɨ̌ mé Yésʉs-Krîst má. Mé ó komá ɨ́ jʉ́o kʉ́.

Filipi 3:14 ပူးပေါင်းရင်းမြစ်များ

1 Korɛnt 9:24

Zê bɨn bé agʉa ó, yé é buo ofima é jwɨʼla mɨkam mokʉ ɛ? Ntʉʼ bʉr bɨbɛh lé epaʼlɔ mompɔʼ, njɨ mʉr ngwar. No ó, fimɨ ga, bɨn gaʼ, bi mompɔʼ!

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

1 Tesalonika 2:12

Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Ebrœ̂ 6:1

No ó, bɨna paʼ bir ga bɨsikʉlʉ bé lé etaare jwɨʼ é l'efoʼ, byaa lé etiibe e Krɨst ɨ. Bɨna dweela ga bɨsikʉlʉ lé esa ó, mʉr biʼe pɨʼ otamabʉr ɨ. Bɨh bé aŋa ka bâʼle yeʼle bɨn mɨlʉ mokan mi: egwɨma bɨbol bɨsyɛɛla, edwir leme, ejyɛʼ taa buʼo boo Zyɛm,

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Lʉkas 16:16

«Motie mo Moyiz ndwe e sikʉlʉ ogwiha o mɨlɔb bé a dwe e, byé a di ó, é di di di, to pyal é Yʉanes. Taare é jɔʼ nye a pyal ɨ, to dolo, bʉr, bé mu ó lé etuno Mbɨambɨa Lɔɔ lé etiibe e jwɨ̀ʼa mo Zyɛm ɨ. Mʉr nyiwɛh, nye mu ó lé eni tɨʼ e nkul.

Rôm 11:29

ebe, é jɔʼ nye mu si tiʼe é leme we ó, nye jebe ó mʉr fih mʉr kɛ̀l, le edwe nye mɨndwɛa mye e, nye aŋa ka siila mɨtiʼa mɨ efoʼ myaa pie tɨ.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Kolosi 2:18

É mpʉ bɨn ndɨ afil monyʉl si e beengles, nkʉ dwiibɨ be e, ǃɨ mʉr si dwe bɨn mobe mo mpene tɨʼ nɛʼɛ, anʉa ga lwib ye, gba é nkɔb. ǃBé si bee bɨsa mpʉ bé lé enyin-nyin é lima nɛʼɛ, bɨsa byaa ó bé lé enʉa, gba é nkɔb. Mɨmbi mɨ bʉr myaa, myé ó lwɨŋla e nkɛa nyʉl. Bé enkɛɛ-nkɛɛ monyʉl mɔɔ ó, mbɛh, ebe, mɨpɛhla myɔɔ, myé ekʉ ka duho ó njɨ é nkul ebebe lɔɔ tʉŋlʉ.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.