Filipi 2:9 - Kálara Zyɛ̌m Edwán é mpʉ̌n

⁹ Ebe no ó Zyɛm a bul bɨn nye kʉ ɨ, lé ebɨr nye nkʉŋ lé elaa mɨnkʉŋ mimyɛh é mpwaʼ ɛ.

Kálar Nzyɛ̌m : Ejwán é Sáá

⁹ Sá tɨ̂ʼ ó Nzyɛ̌m á bu bɨ̂n nye kʉ́, dwe nyé nkul jwɨ́ɨ ɨ́ bisá bíbyɛ̂h yɨ́.

Filipi 2:9 ပူးပေါင်းရင်းမြစ်များ

Mɨngwiha 19:16

Bé a si tile die le é len kʉr ndwe e dʉ̀ ye. Bé a tile ó: «Njwɨɨ ojwɨɨ le Tî otî.»

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

Mɨngwiha 5:12

Bé a jɛɛ kʉ kʉ ó e nkul, lé elɛɔ ó: «Ma Ntœme bé a jʉ ɨ, nye ejala le enʉa nkul nyiwɛh, e l'okum, e l'ocyoo, e l'onjɨh, e duu, ndwe e kum, ka kɛl moseʼla.»

Ebrœ̂ 1:4

Ebe no ó Mwan we mu mbɨna kʉ, laa beengles ɨ. Ebe no nteme ó, Zyɛm a dwe nye bwaʼbwaʼ nkʉŋ, laa waa wɔɔ ɛ.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Lʉkas 10:22

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.»

Mɨngwiha 11:15

Pie tɨ, engles tambɛl a si lʉo sebe we. Me ntɔʼ joʼo bɨbwaʼbwaʼ motwii, duho é jobo kʉ. Mé a lɛɛ ó: «Da Zyɛm Sɔŋ ga wina, nye ejwɨʼ mɨlal mɨ si nwaʼ mimyɛh. jwɨ̀ʼa ye, yé mu nteme ó, yaa mo Lœma mulo mo Zyɛm. Nyɛɛ ó ndɨ e jwɨ̀ʼa njʉmdia.»

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

2 Pyɛr 1:17

Zyɛm Sɔŋ a si dwe nye duu. É jɔʼ Zyɛm Sɔŋ a ntɨh twii, duho é dia kum nɨnɨ ye e, nye a lɛɛ ó: «Nwaʼ, nye ó mwan kpɛl wam. Me ekʉ mɨɨla e nye.»

Kolosi 1:18

É Mbɛr-Zyɛm tʉŋlʉ, Krɨst ó ndɨ lʉ. Pàha odwè, wé eduho ó, boo nye. Nye ó mʉr efoʼ a pàh é foo e. É mpʉ nye ndɨ no e, nye ó ndɨ elaa sa yiyɛh é modile.

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

Yʉanes 13:3

Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Yʉanes 17:11

«Me aka be kaʼ é si nwa. Bɛɛ ó dina é nye. Me mu ó lé eze nko go ndɨ ɨ. Sɔŋ wam, go ó ndɨ ti. Baʼla bʉr baa é nkul die lo go a dwe me e. Saʼ ó, bé diʼe sa gwar mpʉ bɨna e go ndɨ sa gwar ɨ.

Yʉanes 17:12

É jɔʼ bɨh e boo nɔɔ, bé a be-be e, me a dɨ baʼle be ó, é nkul die lo go a dwe me e. Me a si kʉ kamle e be! Abe e mʉr ngwar a dim é l'esama lɔɔ, alaa ó waa a bɛa be ó, nye lé ejala le edim ɨ. Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.

Éfɛsɔs 1:10

Jwɨʼ ye yaa, yé a ka ze gwihɔ ó, pie bɨjɔʼ byé a jala le etaare laa ɛ, byé a si sil lé elaa. Zyɛm a bɛa tiʼe é leme we ó, bɨsa ndɨ é jobo e l'ejyoo le ebantɛn ɨ, bé e byaa bɨ si nwa, bibyɛh, byé ejala le efwal ó, é jwɨ̀ʼa mo mʉr ngwar, Krɨst.

2 Tesalonika 1:12

No ó, bɨn bé ógʉa dwiibɨ Tî ga wina Yesʉs, nyɛɛ nteme seʼle bɨn ɨ, é zi ncwɨncwɨa mo Zyɛm Sɔŋ ga wina bé e Da Yesʉs-Krɨst.

Ebrœ̂ 1:9

Go ekpɛl ó, mʉr ndɨ cɨcyel ɨ, nwim waa ndɨ ntɔɔ motie e. Ebe no, Zyɛm ɛ! Zyɛm Sɔŋ go a si lœm go mulo le eloŋlo leme go e bɨsʉhʉ, laa bʉr o nduo yo.»

3 Yʉanes 1:7

Bé mu ó si fulo é zi syɛɛ mo Krɨst. Bé esea syɛɛ yaa nteme ó, anyemle bʉr o ndɨ abe obuʼla ɛ, ó bé baʼla be bɨtiʼ.