Filipi 2:8 - Kálara Zyɛ̌m Edwán é mpʉ̌n

⁸ É jɔʼ nye a be, nye mu ó lé etiʼe mpʉ mamʉr ɨ, nye a si fil nyʉl we si, lé esa Zyɛm mojoʼo, dam be mpʉ nye a lomo nye ó, nye ntaʼ, ze dwè bɨbla efie é klos kʉ ɨ.

Kálar Nzyɛ̌m : Ejwán é Sáá

⁸ Ɨ́ twiʼ mʉ̂r nyé á nʉa yɨ́, nye á si jɔr nyʉ̂l nyé. Nye á si sâ Nzyɛ̌m mejóʼo, damá jóʼo nyé á lómo nye ó, nye ntáa dwě bébebébe eswie ɨ́ kolôs kʉ́.

Filipi 2:8 ပူးပေါင်းရင်းမြစ်များ

Yʉanes 10:18

Mʉr, nye aŋa nʉa me tiʼ yam. Me edwe ye ó dweʼ, e nkul wam me mʉr tɨ. Me e nkul edwe ye, bula nʉa. Yé ó syɛɛla Sɔŋ wam a dwe me nkul ó, me saʼ ɛ.»

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Rôm 5:19

Jwɨʼ gwar e gwar mpʉ mʉr ngwar a sa Zyɛm ebɨh, Zyɛm nyɛɛ ntɔʼ láa ó, bʉr é buobuo, bé mu ó osyɛl o mɨsyem ɨ, jwɨʼ gwar yaa nteme ó, é jɔʼ mʉr ngwar a sa Zyɛm mojoʼo e, Zyɛm a be ó si láa ó, buobuo bʉr, bé mu ó ocɨcyel o bʉr ɨ.

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

Mataos 26:39

Nye ze to ba dolo, ntɔʼ bɨʼ mpom we si, ze sa mɨnjwɨʼla. Nye e nye ó: «Da, ǃyé óbana nɛʼɛ, bele mɨtuu yiʼ dwɛha e me. Sa gwar, yé l'ayi be mpʉ me lé egwɨm ɨ, njɨ mpʉ go lé egwɨm ɨ.»

Mɨlʉmlʉ 8:33

Bé a si samle nye, agwɨm dwe nye mokebe. Zé ólɛɛ ó, mpoŋbʉr we, nye dina ó, ɨ si nwa, ze pyal é muh é dobo lɨ? Abe e mʉr a ngbaa lwib no, ebe, bé a si pɛʼ nye é si nwa.»

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Yʉanes 14:31

No ó, yé ekʉ jala ó, bʉr bɨbɛh, bé gʉŋa ó, me ekpɛl Sɔŋ wam, le nteme ó, me esa ó, njɨ mpʉ nye a tiile me motie e. Mʉŋa ga si, bɨna pʉʼa ga wâ.»

Yʉanes 15:10

ǃBɨn si du mɨtiila me lé etiile bɨn nɛʼɛ, bɨn bé óbe ó bʉr me lé ekpɛl ɨ, ebe, mɨ du mɨtiila Sɔŋ wam a tiile me e. Me egʉa nteme ó, nye ekpɛl me.

Mataos 26:42

Nye ntɔʼ bâʼle to é jɔʼ mba, to jwɨʼla e Zyɛm. Nye e nye ó: «Da, ǃyé óbe, abana ó, bele mɨtuu yiʼ toʼ me jaabe, me l'ade ye nɛʼɛ, yé saʼ mpʉ gwɨma yo ndɨ ɨ!»

Mataos 17:2

Nye ze siila nyʉl é mih mɔɔ. Nye a be ó, nye mu dɨ nyin guu mbi fih. Mpom we a be ó, nye mu dɨ pan mpʉ dobo; mɨkan myé mu é pumo-pumo, mpʉ mɨmbah mɨ dobo.

Yʉanes 4:34

Yesʉs, nye e be ó: «Mode mam, mé ó, me saʼ gwɨma mo mʉr a ntɨh me e, le efwahle syɛɛ nye a lɛɛ ó, me ntaʼ, ze sea ɛ.

Lʉkas 9:29

É jɔʼ Yesʉs a be, nye mu lé ejwɨʼla e Zyɛm ɨ, mpom we ndwe e mɨkan mye ntɔʼ siila. Bibyɛh mu kʉ be njɨ é pan-pan mpʉ ndweh mpie.

Ebrœ̂ 12:4

É mpʉ bɨn lé ebaran e Syem ɨ, bɨn bé apa sa mongan e Syem, to pyal é jɔʼ eto e motié lɨn, lɨ taba si ɨ.