Filipi 2:7 - Kálara Zyɛ̌m Edwán é mpʉ̌n

⁷ Laa ó, nye nyinɨ njɨ é cye yaa, nye a fuo fil yɛɛ nyʉl we si, ze kʉ nyin mpʉ elʉa. É mbi waa ó nye a ka fuʼla mʉr mpʉ bɨna ndɨ ga ɛ.

Kálar Nzyɛ̌m : Ejwán é Sáá

⁷ Líʼe nó, nye á si dwih nyʉ̂l ɨ́ tyé mbi mʉ̂r waá ɨ́ menzɨ̌ mɨ́mɛ̂h, kǎ sûʼlǎ dǐ tyé túʼǎ mʉ̂r. Náǎ yé ó, nye á be ó, nye mû mʉr mpʉ mɨ́ná gâ.

Filipi 2:7 ပူးပေါင်းရင်းမြစ်များ

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

Mataos 20:28

ebe, Mwan mo Mʉr nye mʉr tɨʼ a baaze ó, bʉr sea e nye. Nye a ze ó, lé eze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be.»

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Galásia 4:4

Yé ntɔʼ ka pyal é mbɨambɨa jɔʼ Zyɛm a bɛa cyel ɨ. É jɔʼ yaa ó nye a ntɨh Mwan we, ó nye ntaʼ, ze byɛl é mo mo nuu mʉma. Mwan waa a be ó é monkara mo mɛra motie.

Ebrœ̂ 4:15

Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

Rôm 15:3

Dam be Krɨst nye mʉr tɨ, nye a baasaa nyɔm we. Yé ó mpʉ yé ndɨ tila é Kalara Zyɛm é lʉ mo Krɨst ɨ. Yé ó tila ó: «Baanya-molwɨɨ lé elwɨɨ-lwɨɨ go e, bé mu ka lwɨɨ ó me!»

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Lʉkas 22:27

Le mʉr ndɨ ndindil lé ede e, le waa lé ekab bʉr mode e, zé lé elaa nuu? Yé ó njɨ waa ndɨ ndindil lé ede e! To kœb ó, mɛm, me é l'esama lɨn ó, waa lé esea e bɨn ɨ!

Rôm 15:8

Me eboʼlo bɨn lɔɔ wi: Krɨst a si dwir nye mʉr tɨʼ syɛl mosa é l'efu le oYʉden. Nye a sa no ó, é l'efu le elɛʼle bɨh mpʉ Zyɛm ndɨ mʉr ocyecye e. Nye esa bɨh syɛɛla yaa ó, lé edira monkɛʼ Zyɛm a liʼe bɨmpam bih e ma ɛ.

Filipi 2:6

Nye a bɛa be ó, mbi tiʼ we, bé e waa mo Zyɛm Sɔŋ asiila ɛ. No ó, nye a baabee ó, cye Zyɛm ye yaa, yé a be ó sa nye a jala le emɛr é kpɨɨɨ ɨ.

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

Ebrœ̂ 13:3

Toŋla ga mɨmbʉʼ: diʼe ga mpʉ sa lɛɛ ó, bɨn e boo nɔɔ bɨbɛh, bé ó mɨmbʉʼ e mɨmbʉʼ. Toŋla ga baa lé ebɔma e mɨtuu ɨ, ebe, bɨn bé egʉa mpʉ bɨntɨʼa ndɨ ekpaa é nyʉl ɨ.

Rôm 1:3

Mbɨambɨa Lɔɔ waa, wé etiibe ó e Mwan we. É nko paʼ mbyɛla we, nye a be ó mʉr mpoŋbʉr mo David.

Markus 9:12

Nye ze bɨha e be ó: «Yé ó no! Yé ekʉ jala ó, Élie taara pyal, lé eze komlo bɨsa bibyɛh. Sa gwar, paʼ pahle ga! Ebe yé yé ndɨ tila é Kalara Zyɛm ó, Mwan mo Mʉr ósia e mɨtuu é buobuo, le epyehɔ ɛ.

2 Korɛnt 13:4

Yé cyecye ó, nye a si bomlɔ e mosen, bɨnɔ é klos kʉ ebe ecyɛʼ le. Sa gwar, nye mu ó lé etiʼe é nkul mo Zyɛm. Banana, bɨh bé é cyɛʼ é zyɛŋa wih boo Krɨst. Sa gwar, ebe nkul mo Zyɛm, bɨh e boo nɔɔ, bé ótiʼe é nyɔm win.