Filipi 2:6 - Kálara Zyɛ̌m Edwán é mpʉ̌n

⁶ Nye a bɛa be ó, mbi tiʼ we, bé e waa mo Zyɛm Sɔŋ asiila ɛ. No ó, nye a baabee ó, cye Zyɛm ye yaa, yé a be ó sa nye a jala le emɛr é kpɨɨɨ ɨ.

Kálar Nzyɛ̌m : Ejwán é Sáá

⁶ Nye á boo be ó, mbi mʉ̂r wé á be jwɨʼ gwár e gwár e Nzyɛ̌m wɨ́. Nó, nye á bé abee ó mpʉ bé e Nzyɛ̌m, bé á be mityé yɨ́, nye á dɛn dǐ tyé Nzyɛ̌m yé yaá ó, dɛnɨ́ɨ.

Filipi 2:6 ပူးပေါင်းရင်းမြစ်များ

Yʉanes 5:18

Ebe lɔɔ we waa ó oYʉden, bé a to dolo lé esaa ó, bé jʉ ó nye e. Bé a baasaa ejʉ nye njɨ ebe mpene moho saba nye a ntaa ɛ. Bé a saa nteme ó, bé jʉ ó nye ó, ebe, nye a lɛɛ ó, Zyɛm, nye ó Sɔŋ we, anta nye. Bʉr baa, bé a bee no ó, nye ejwɨʼa e Zyɛm.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Mɨngwiha 21:6

Nye e me ó: «Yi sie! Me ó mʉr efoʼ ndwe e waa epihe. Me nteme, me ó etɛɛrɨ e sa yiyɛh ndwe e l'efuʼla e tɨ. Mʉr lé ejoʼo dweh modibe e, mɛm ódwe nye ma edwɛna. Modibe maa, mé ó maa lé egʉ, duho é l'eno e tiʼ ɨ.

Yʉanes 10:30

Bɨh e Sɔŋ wam, bé ó sa gwar.»

Ebrœ̂ 13:8

Mpʉ Yesʉs-Krɨst a be kʉʼ ɨ, mpʉ yaa nteme ó nye ndɨ muh. Nye ódi nteme ó no, njʉmdia e njʉmdia.

Yʉanes 10:33

OYʉden, bé e nye ó: «Bɨh bé agwɨm lumo go mokoʼ ebe yʉʉ mpaŋ syɛɛla yo. Yé ó, ebe, go epyeh Zyɛm! Gwɔɔ mʉr, go ejwɨʼa e Zyɛm.»

Rôm 9:5

Bɛɛ ó ndɨ mpoŋbʉr mo Abraham, e Ɨzak ndwe e Yakɔb. Krɨst nye mʉr tɨʼ a byɛl mʉr ó, é kul bʉr yina nɨ. Nye ó ndɨ Zyɛm, njwɨɨ sa yiyɛh. Kum diʼe e nye njʉmdia e njʉmdia! Amɛn.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Yʉanes 20:28

Tomas ze lɛɛ e nye ó: «Go ó Tî wam ndwe e Zyɛm wam!»

Yʉanes 10:38

Sa gwar, ǃme si sa bɨsyɛɛla bye nɛʼɛ, dam ka be ó, bɨn bé abuʼla me, jyɛʼɛ ga taa buʼo yin boo me ebe bɨsyɛɛla byam byaa. É zi waa ó bɨn bé ófuʼla gʉa ó, Sɔŋ wam, nye etiʼe ó é me e; me ó é zyɛŋa wih boo nɔɔ ɛ.»

Ebrœ̂ 1:6

É jɔʼ Zyɛm a be ó, nye lomlo ó bʉr o si nwaʼ Mwan we ndɨ e nkʉŋ ndɨ é bul bwaʼ ɛ, nye a taare lɛɛ ó: «Beengles bɨbɛh, dwiibɨ ga nye.»

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Mataos 1:23

«Ndu esehe e mʉma, wé ónʉa ebum, bya ma mʉrʉm. Bé ójwɨr nye die ó “Emmanuel”.» No yé edwirɔ ó: «Zyɛm, nye e bɨna ga.»

Yʉanes 14:9

Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Ebrœ̂ 1:8

Sa gwar, nye a lɛɛ, tiibe e Mwan we ó: «Zyɛm ɛ! Go ó lé edi é dia taʼa yo njʉmdia e njʉmdia. Go ejwɨʼ bʉr bo é l'ocyecye.

Yʉanes 5:23

ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

Yʉanes 14:28

«Bɨn bé a be ó si joʼo mpʉ me a lɛɛ e bɨn ó: “Me muno ze fiʼ. Me óbula ze, ze pyal gumo bɨn bé óbe e.” Nkʉ bɨn bé a be ó be, kpɛl me cyecye nɛʼɛ, mpa bɨn mu ó lé esoho, le egʉa ó, me efiʼ ó, to boo Sɔŋ wam, ebe, Sɔŋ wam ó lé elaa me.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.