Filipi 2:5 - Kálara Zyɛ̌m Edwán é mpʉ̌n

⁵ Diʼe ga e leme ncwɨncwɨa, mpʉ Yesʉs-Krɨst a kpɛl bɨn ɨ.

Kálar Nzyɛ̌m : Ejwán é Sáá

⁵ Diʼee gá e lémé kpɛ̌l, mpʉ̌ Yésʉs-Krîst á kpɛl bɨ̌n yɨ́!

Filipi 2:5 ပူးပေါင်းရင်းမြစ်များ

1 Yʉanes 2:6

Mʉr lé elɛɛ ó, nye ó é zyɛŋa wɔɔ boo Zyɛm ɨ, nye ejala le ekœʼ ebò e cyen mo Yesʉs.

Mataos 11:29

Niʼe ga é jwɨ̀ʼa yam. Bɨn bé à joʼlo motɨɨ mam, ebe, me é tala njwɨr e nyʉl fila si. Bɨn nkʉʼ bi egbala é mɨsisim min,

1 Pyɛr 2:21

Zyɛm a jebe bɨn ó, bɨn saʼ nye syɛɛla yaa, ebe, Krɨst nye mʉr tɨʼ a si sia e mɨtuu é l'efu e nyɔm win. Nye a lɛʼle bɨn tɨʼ ó, dweʼle bɨn lé ejala le edu ɨ. Nye a sa no ó, bɨn nkʉʼ du mobò me. Yé ó tila ó:

1 Pyɛr 4:1

Ebe no ó Krɨst a sia e mɨtuu é nko paʼ nyʉl ɨ. Bɨn bɛɛ, bé ejala le ebɛa bi mbi pɛhla ngwar we, ebe, mʉr mu si sia e mɨtuu é bɨpuno bye e, nyi gwaʼ lé eka sa syem.

1 Korɛnt 10:33

Saʼ ga mpʉ me. Me egba nyʉl ó, bʉr bɨbɛh, bé kpɛlɨ me é sa yiyɛh me lé esa ɛ. Me asaa nyɔm wam, njɨ waa buobuo bʉr, ó bé biʼe tiʼ molu mo mpoʼ mɨmɛh.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Rôm 15:5

Zyɛm ó ndɨ esa ó, bɨna saʼ ga bihbe. Nye nteme ó lé egba bɨna ga nkul é monyʉl. Nye cyɛba bɨn é mɨleme, ó bɨn diʼe e mbi pɛhla ngwar, waa Yesʉs-Krɨst ótɨe bɨn ɨ,

Mɨlʉmlʉ 20:35

Bɨsyɛɛla byam bibyɛh, byé a be bɨn ó dweʼle. Yé ekʉ jala ó, bɨn sea syɛɛ é dwiii, le egul bʉr o ndɨ é cyɛʼ ɛ, ebe, bɨna bé etoŋlo ga sikʉlʉ Da Yesʉs nye mʉr tɨʼ a dwe ó: “Le mʉr lé edwe e, le waa lé enʉa ɛ, waa lé edwe ó ndɨ esʉŋɔ mocyɛʼ mo mpom.”»

Rôm 15:3

Dam be Krɨst nye mʉr tɨ, nye a baasaa nyɔm we. Yé ó mpʉ yé ndɨ tila é Kalara Zyɛm é lʉ mo Krɨst ɨ. Yé ó tila ó: «Baanya-molwɨɨ lé elwɨɨ-lwɨɨ go e, bé mu ka lwɨɨ ó me!»

Lʉkas 22:27

Le mʉr ndɨ ndindil lé ede e, le waa lé ekab bʉr mode e, zé lé elaa nuu? Yé ó njɨ waa ndɨ ndindil lé ede e! To kœb ó, mɛm, me é l'esama lɨn ó, waa lé esea e bɨn ɨ!

Rôm 14:15

Yé be ó, mɨɔ go óbɛm liʼ é gœʼra-gœʼra e mocyɛʼ mo nyʉl ebe sa ede yo nɛʼɛ, lɛɛ ó, gɨ bɔʼa e mpaŋ zi é jɔʼ go lé ede sa yaa ɛ. Go alɛʼle nye leme ncwɨncwɨa é zi ebò e cyen go lé ekœʼ œ. Asa ó, mʉr Krɨst a dwè, jala e nye e, nye dimɨ é nkɔb bʉr ebe mbi mode go lé ede e.

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Filipi 1:1

Mɛm Pol, bɨh e Timote, osyɛl o mosa mo Yesʉs-Krɨst ó lé etile bɨn. Bɨh bé etile mɨsaŋ mɨ bʉr mimyɛh ndɨ é zyɛŋa wɔɔ boo Yesʉs-Krɨst, baa lé edi nkana Filipi ɨ. Bɨh bé etile nteme ó, obɔʼlʉ o mbɛr Zyɛm win tʉŋlʉ, bé e boo odiakɔn.