Filipi 2:29 - Kálara Zyɛ̌m Edwán é mpʉ̌n

²⁹ Ebe no, é jɔʼ nye ópyal é l'esama lɨn ɨ, bɨn bé à nʉa nye e bɨsʉhʉ bibyɛh ebe nye ndɨ mɨɔ ga wina, waa ndɨ é zyɛŋa ga wina boo Da Yesʉs ɨ. Dwaaba ga mbi bʉr o ndɨ mpʉ mo nye e,

Kálar Nzyɛ̌m : Ejwán é Sáá

²⁹ Nó ó, jɔʼ nyé ópyâl ɨ́ sɔ́má yɨ́n yɨ́, bɨ̌n e nʉ́á nyé e bisʉhʉʉ bíbyɛ̂h ebe nyé dí mɨ́ɔɔ́ gá wɨ́ná ɨ́ mpúhlá e Tî Yésʉs. Dwéʼ gá mbi bʉ̂r o dí mpʉ mé Epafrɔ́ditɔs bá dúu.

Filipi 2:29 ပူးပေါင်းရင်းမြစ်များ

1 Timotɛ 5:17

Ocyɛb be efoʼ ndɨ ekœʼ e mbɛr Zyɛm mbɨmbɨa ɛ, bé ejala le ebi myɛna moba, kʉ bul be baa lé elɛɛ bʉr lɔɔ Zyɛm, le eyeʼle be e.

1 Tesalonika 5:12

Obɨɔ ga bam aa! Bɨh bé ejwɨʼla e bɨn ó, bɨn dwaaba baa lé esea lelelele syɛɛ é l'esama lɨn ɨ. Bé ó baa Da Yesʉs a cyel ó, bé kœʼœ e bɨn, le ebal bɨn ɨ.

1 Korɛnt 16:18

Bé nteme, bé a si bâʼle gba me nkul é nyʉl, mpʉ bé a taare gba bɨn nya ɛ. Ebe no, gʉa seʼle ga mbi bʉr waa.

Rôm 16:2

É jɔʼ nye óze gʉʼ bɨn ye e, bɨn bé à beŋle nye mbɨmbɨa é die mo Da Yesʉs, mobeŋla lé ejala e mɨsaŋ mɨ bʉr mo Zyɛm ɨ. Dweʼ ga nye sa yiyɛh yé ósa nye sɔɔlʉ ɨ, ebe, nye mʉr tɨʼ a si fuʼo bʉr é buobuo ndwe e mɛm mʉr tɨʼ nteme.

2 Korɛnt 10:18

Ebe, ntʉʼ waa lé eseʼle nye mʉr tɨʼ ɨ, Da lé emɛʼle. Da mɛʼle ó, waa nye mʉr tɨʼ lé eseʼle e.

1 Korɛnt 16:10

ǃƗ Timote si pyal bɨn gʉʼ nɛʼɛ, bɨn bé à baʼle nye mbɨmbɨa, ebe, nye esea ó, Da Yesʉs syɛɛ, mpʉ me nteme lé esea nye ya ɛ.

3 Yʉanes 1:10

Ebe no, ǃme si bâʼle ze gʉʼ bɨn ye nɛʼɛ, me ójɨm nye bɨtoŋla é syɛɛla ebebe yiyɛh nye a pa sa ɛ. Nye eto le esa mpuʼ é lʉ wih é bebebebe. Abe njɨ bim yaa! Nye ebene bɨlan e l'obuʼla lé epyal-pyal bɨn ɨ. No ó, bʉr o b'a taare tiʼe é mɨleme ó, bé óbɨlan e l'ojyoo baa ɛ, nyɛɛ, nye ekamle be lé esa no. Nye nteme, nyi bana pɛʼ be é mbɛr Zyɛm win tʉŋlʉ!

Ebrœ̂ 13:17

Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

Kolosi 4:10

Aristarkus, mʉr nwan yam ndɨ é mbʉʼ wâʼ ɛ, nye esoho bɨn. Markus, mɨɔ mo Barnabas, nye esoho bɨn nteme—bɨn mu ó si bɛa bi kalara me a tile, tiibe e nye e. ǃNye si ze gʉʼ bɨn ye nɛʼɛ, bɨn bé à gʉa bɨlan e nye.

2 Korɛnt 7:2

Saŋa ga zi ó, bɨn kpɛlɨ bɨh. Bɨh bé a baasa nuu mʉr ebebe. Bɨh bé a baagomlo nuu mʉr é bebebebe zi. Bɨh bé a baakpah nuu mʉr sɔʼɔ é zi bɨkʉʉŋʉ.

Rôm 10:15

Yé ndɨ e nkul esa ó, olɛa o lɔɔ Zyɛm beʼ, nkʉ Zyɛm, nye alomo be e? Yé ó mpʉ yé ndɨ tila é Kalara Zyɛm ɨ. Yé ó tila ó: «A mbɨa lé ebee bʉr o ndɨ eze le etuno Mbɨambɨa Lɔɔ ee!»

Mɨlʉmlʉ 28:10

Bé a si dwaabe bɨh é buobuo. É jɔʼ bɨh bé a be lé ebâʼle to kable é titima, ó bɨh tɨʼe cyen, to e, bé ze sa bɨh monkɔʼ é l'efu e cyen yih.

Mɨlʉmlʉ 8:8

Odil o nkana yaa, bé ntɔʼ joʼo buobuo bɨsʉhʉ.

Mɨlʉmlʉ 2:46

É dobo lɨlɛh, bé a si to dolo lé egwɨhla é jahla bii mo Zyɛm tʉŋlʉ. Go ó, é mɨmbɛr myɔɔ, bé a be-be ó lé epɛ̂ʼla bler, le edeŋɔ mode mɔɔ, mɨleme myɔɔ, myé osi loŋlo e bɨsʉhʉ byé a duho be é mɨmo si ɨ.

Yʉanes 13:20

Me elɛɛ bɨn cyecye ó nɛɛ: mʉr ndɨ enʉa mwa mɨlʉmlʉ wam e duu ɨ, nye edwaabe nteme ó me. No nteme, waa lé enʉa me e duu ɨ, nye edwaabe nteme ó mʉr a ntɨh me e.»

Lʉkas 9:5

ǃƗ bʉr si be, agwɨm bɨlan e bɨn nɛʼɛ, bɨn bé à tɨ koho dih é jɔʼ bɨn lé eduho kwar wɔɔ, to e cyen yin dolo e. Syɛɛla yaa, yé ónwahle be, lɛʼle be ó, bé mu ó e mobyaʼ.»

Filipi 2:28

No ó, me egwɨm ó, me buula bɨn nya kam e kam, ó bɨn nkʉʼ bâʼle soho é buobuo é jɔʼ bɨn bé óbee nye e. Mɛm nteme, me aŋa ka laŋle syɛl ba e bɨn.