Filipi 2:25 - Kálara Zyɛ̌m Edwán é mpʉ̌n

²⁵ Mɨ ze bee ó, yé a kʉ jala ó, me buula bɨn mɨɔ ga wina Epafrɔdit. Bɨh e nɔɔ ó ndɨ é l'empomo e syɛɛ egwar. Nye ó mʉr bɨh e nɔɔ ndɨ elwimla dɔm ɨ. Nye nteme, nye ó mwa mɨlʉmlʉ win, ó nye ntaʼ, ze fuʼo me é zi bɨsa byé a sa me sɔɔlʉ ɨ.

Kálar Nzyɛ̌m : Ejwán é Sáá

²⁵ Nó ó, yé á jɨ ó, me bwóolaa bɨ̌n Epafrɔ́ditɔs, mɨ́ɔɔ́ gá wɨ́ná. Bɨ̌h e nɔ́ɔ́ ó dí eséǎ syɛ́ɛ́ le elwímla ɨ́ lɔ̌b mé Yésʉs-Krîst. Bɨ̌n bé á ntɨh me nyǎ ó, ɨ́ lʉ́mlʉ́ wɨ́n, ó nye ntáa nzě súʼo mé e bisá byé á sâ me sɔ́ɔlʉ bí.

Filipi 2:25 ပူးပေါင်းရင်းမြစ်များ

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

Kolosi 1:7

Lɔɔ waa, wé ó bɨn bé a joʼo boo Epafras ɨ. Nye ó mɨɔ kpɛl wih, mʉr bɨh e boo nɔɔ ndɨ é l'empomo e syɛɛ egwar ɨ. Nye ó syɛl mosa Krɨst a ntɨh bɨn, waa ndɨ mʉr ebuʼla ɛ.

Filipi 4:3

No ó, gwɔɔ mpaŋ mʉr nwan yam! Me ejwɨʼla nteme e go ó, go toʼ, to kɛm bʉba onɨ, ó bé diʼe twii, ebe, bé ó bʉr o bɨh e boo nɔɔ ndɨ é l'empomo e syɛɛ egwar ɨ, bé e Kelemaŋ ndwe e bʉʉ bʉr. Mie mɔɔ, mé ó mɨtila é kalara tiʼ tʉŋlʉ.

1 Korɛnt 3:9

Ebe, bɨh e Zyɛm ó ndɨ é l'empomo e syɛɛ egwar. No ó, bɨn bɛɛ ó ndɨ peme mo Zyɛm. Bɨn nteme, bé ó mbɛr mo Zyɛm.

Filemɔŋ 1:24

Markus bé e Aristarkus e Demas ndwe e Lʉkas nteme, bé esoho go. Bɨbɛh, bé ó bʉr o nwan yam bɨh e boo nɔɔ ndɨ é l'empomo e syɛɛ egwar ɨ.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

1 Tesalonika 3:2

le elomlo bɨn Timote. Nye ó mɨɔ ga wina ndwe e syɛl mosa mo Zyɛm, mʉr bɨna e nɔɔ ndɨ é l'empomo e syɛɛ egwar lé elɛɛ Mbɨambɨa Lɔɔ mo Krɨst ɨ. Bɨh bé a lomo nye gʉʼ bɨn ye ó, nye lɨlɨ bɨn e buʼo, le esa ó, bɨn toʼ dolo lé ejyɛʼ taa buʼo yin boo Krɨst.

Kolosi 4:11

Yesʉs, waa ndɨ e lʉʉ die ó, Yʉstʉs ɨ, nye nteme ó lé esoho bɨn. É bʉr o nwan yam ndɨ é l'empomo e syɛɛ egwar, baa ndɨ esea é jwɨ̀ʼa mo Zyɛm ɨ, bʉr olɛl baa bé ome ó ndɨ é kul oYʉden. Bé a si bul gba me nkul é nyʉl.

2 Korɛnt 2:13

Dam be mpʉ me a be e nkul elɛɛ lɔɔ mo Krɨst gʉ, leme wam, wé a baabe me é puuu, ebe, me a baakœb mɨɔ wam Tit ɨ Troas. Ebe no, me a be ó si fuo ka jɛna e be, ntɔʼ mʉa, to Masedwan.

Yʉanes 17:18

Mɨ lomo be é si nwaʼ mpʉ go nteme a ntɨh me kaʼ é si nwaʼ ɛ.

Yʉanes 13:16

Me elɛɛ bɨn cyecye ó nɛɛ: syɛl mosa álaa masa we é duu; mwa mɨlʉmlʉ alaa mʉr lomo nye e.

Rôm 16:3

Soha ga me Priska bé e njʉm we Akilas, bʉr o nwan yam ndɨ é l'empomo e syɛɛ egwar é zyɛŋa wih boo Yesʉs-Krɨst ɨ.

Rôm 16:9

Me esoho Urbanos, mʉr bɨh e nɔɔ ndɨ é l'empomo e syɛɛ egwar é zyɛŋa wih boo Yesʉs-Krɨst ɨ. Me esoho nteme mɨɔ kpɛl wam Stakus.

Filipi 2:26

Nye ekpɛl bee bɨn bɨbɛh. Nye a be nteme ó, lé esyɛl ba e bɨn, tiibe e mɨlɔɔ mɨ esyɛb le bɨn bé a joʼo e.