Filipi 2:22 - Kálara Zyɛ̌m Edwán é mpʉ̌n

²² Bɨn bʉr o tɨ, bé egʉa mpʉ Timote lé ebɛa di-di me mpʉ mwan ɨ, le mpʉ nye lé edihbe syɛɛ bɨh e nɔɔ lé esea lé elɛɛ Mbɨambɨa Lɔɔ ɛ. Ebò e cyen nye lé ekœʼ œ, lé ó dweʼle, sa lé ekʉ lɛʼle ó, nye e nyɔm ɨ.

Kálar Nzyɛ̌m : Ejwán é Sáá

²² Bɨ̌n bʉr o tɨ̂, bé lɨ́ egʉ́ǎ mbɨambɨa kʉ̌ tyěn Timotɛ̂ á dû wɨ́ le mpʉ nyé dí me mpʉ mwân yɨ́, ebě, nyɨ́ dûhwǒ syɛ́ɛ́ bɨ́h e né dí eséa lɨ́ etúnǒ Mbɨambɨa Lɔ́ɔ yɨ́.

Filipi 2:22 ပူးပေါင်းရင်းမြစ်များ

1 Korɛnt 4:17

Ebe no ó me a lomlo bɨn Timote, mwan kpɛl wam ɨ. Nye nteme ó é zyɛŋa wɔɔ boo Tî ga wina, le mʉr ebuʼla. Nye ó ngo jɨm bɨtoŋla bin é lɔb ebò e cyen me lé ekœʼ é zyɛŋa wih boo Yesʉs-Krɨst ɨ. Me edwe mɨmbɛr mɨ Zyɛm mimyɛh sikʉlʉ yaa ó, bé kœʼœ ebò e cyen egwar laa.

2 Timotɛ 1:2

Me etile ó, gwɔɔ mwan kpɛl wam Timote. Mocyɛʼ mo mpom, le njwɨʼa-nkoo, le motala mo Zyɛm Sɔŋ bé e Tî ga wina Yesʉs-Krɨst, mé swɨŋɨ é go.

1 Timotɛ 1:2

Me etile ó, gwɔɔ Timote, ndɨ me mwan é nko paʼ buʼo e. Mocyɛʼ mo mpom, njwɨʼa-nkoo ndwe e motala mo Zyɛm Sɔŋ bé e Tî ga wina Yesʉs-Krɨst, mé swɨŋɨ é go.

2 Korɛnt 2:9

É lɔb waa ó me a tile bɨn kalara waa ɛ. Yé a be ó, me bobla bɨn. Me a be ó lé ekpɛl gʉa ó, nkʉ bɨn dina ó lé esa me mojoʼo é mɨlɔb mimyɛh.

1 Timotɛ 1:18

Mwan wam Timote, me edwe go motɨɨ maʼ ó, lé edu lɛa ogwiha o mɨlɔb bé a lɛɛ, tiibe e go e. ǃGo si baʼle motɨɨ maa nɛʼɛ, go ógʉa lwimla dɔm.

2 Korɛnt 8:22

Mʉr lɛl bɨh bé ólomlo bɨn ɨ, nye ó ndɨ waa bɨh lé ebee ó, nye ó mʉr ndɨ e nyɔm ɨ, ebe, nyi ntaa mobʉbla mbɨmbɨa, lé egba nyʉl é dwiii é syɛɛ-Zyɛm é bɨjɔʼ bibyɛh. No ó, nyi ka bul gba nyʉl é jɔʼ yi, ebe, nye e buʼo é mɨpaʼ mimyɛh é mɨlɔb lé edwɛʼ bɨn ɨ.

Títos 1:4

Me etile ó, gwɔɔ Tit, ndɨ me mwan é nko paʼ buʼo yina ɛ. Mocyɛʼ mo mpom le motala mo Zyɛm Sɔŋ bé e Yesʉs-Krɨst, Tiʼbʉr ga wina, mé swɨŋɨ é go.

2 Timotɛ 3:10

Gwɔɔ mu ó si kʉ gʉa bee mpʉ me lé eyeʼle e, bee nteme ebò e cyen me lé ekœʼ œ. Go a si gʉa mɨtiʼa mɨ leme wam ndwe e buʼo yam. Go egʉa nteme bihbe wam, kpɛl yam, ndwe e mpʉ me lé ebɔma e mɨtuu ɨ.

Filipi 2:20

Me abe e mʉr fih mpʉ mo nye. Bɨsyɛɛla lé edwɛʼ nyɔm win ɨ, byé ekʉ pebre nye é leme.

2 Korɛnt 8:24

Ebe no, lɛʼla ga bʉr baa mbi bɨn lé ekpɛl bʉr ɨ. Bɨsyɛɛla byaa, byé óbe ó dweʼle, sa yé ólɛʼle bɨn ó, bɨn bé ekpɛl mɨmbɛr mɨ Zyɛm ɨ. Bé ógʉa ó, bɨlwib bɨh bé a lwib lé edoʼo e bɨn ɨ, byé a be ó ocyecye.

2 Korɛnt 8:8

Sa me mu ó lé elɛɛ bɨn yi, bɨn bé abe é nkara ó, bɨn saʼ ye. Me ekpɛl ó, me lɛʼla mpʉ kpɛl yin ndɨ eduho bɨn é mɨmo si ɨ. Me ejwɨʼ ye ó, e yaa bʉʉ bʉr o b'a be e mɨleme é ntɨɨɨŋ ó, bé dweʼ Zyɛm mɨndwɛa myɔɔ ɛ.

Mɨlʉmlʉ 16:2

Obuʼla bé a be Listra ndwe e Ikoniʉm ɨ, bé a be ó lé eseʼle Timote é lɔb ebò e cyen nye a dɨ kœʼ œ.

Rôm 5:4

É jɔʼ bɨna bé óbe si di ga e bihbe waa ɛ, bɨna bé ócyɛb ga é nkʉʼʉ é mobʉbla. ǃBɨna si cyɛb ga é mobʉbla nɛʼɛ, mbɛla, wé óloŋlo mɨleme ga mina é tur.

1 Korɛnt 16:10

ǃƗ Timote si pyal bɨn gʉʼ nɛʼɛ, bɨn bé à baʼle nye mbɨmbɨa, ebe, nye esea ó, Da Yesʉs syɛɛ, mpʉ me nteme lé esea nye ya ɛ.

Filipi 1:5

ebe, mpʉ bɨn bé a syɛŋa mobo e me e, yé a be ó é mbɨa. Bɨn bé a si baʼra e me lé elɛɛ Mbɨambɨa Lɔɔ, taare é l'elu le efoʼ, ze pyal é muh é dobo lɨ.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Filipi 1:12

Obɨɔ ga bam aa! Me egwɨm ó, bɨn gʉŋa ó, sa yé a pyal me e, yé ó b'a tine Mbɨambɨa Lɔɔ ó, wé bâʼla myɛma.

Filipi 1:16

Bé esa no é lɔb kpɛl bé le ekpɛl me e, bɛɛ lé egʉa ó, Zyɛm a dil me wâʼ é mbʉʼ ó, me nkʉʼ kamle e Mbɨambɨa Lɔɔ.

1 Timotɛ 4:6

ǃGo óntɛŋ-ntɛŋ obuʼla sikʉlʉ yiʼ nɛʼɛ, go óbe ó mpaŋ syɛl mosa mo Yesʉs-Krɨst! Go óyeʼle mɨlɔb mɨ buʼo ga yina é zi waa, le edwe mpaŋ sikʉlʉ go a bɛa jwɨʼ é jɔʼ go a be é l'oncyom go e.