Filipi 2:19 - Kálara Zyɛ̌m Edwán é mpʉ̌n

¹⁹ Da Yesʉs, nyi loŋlo leme wam e mbɛla ó, me mu ó kunokuno le elomlo bɨn Timote. Me ólaŋle soho é jɔʼ me ójoʼo lɔɔ wé óduho gʉ, tiibe e mbɛr Zyɛm win ɨ.

Kálar Nzyɛ̌m : Ejwán é Sáá

¹⁹ Tî Yésʉs, nye lɨ́ egbâ mé mpûʼla ɨ́ léme ó, me mû ó kúno elómlo bɨ́n Timotɛ̂. Me óbuú soho ɨ́ jɔʼ mé ójóʼǒ lɔ́ɔ́ wé óduho gʉ̂, dumo e sɔ́má yɨ́n wɨ́ yɨ́.

Filipi 2:19 ပူးပေါင်းရင်းမြစ်များ

1 Korɛnt 4:17

Ebe no ó me a lomlo bɨn Timote, mwan kpɛl wam ɨ. Nye nteme ó é zyɛŋa wɔɔ boo Tî ga wina, le mʉr ebuʼla. Nye ó ngo jɨm bɨtoŋla bin é lɔb ebò e cyen me lé ekœʼ é zyɛŋa wih boo Yesʉs-Krɨst ɨ. Me edwe mɨmbɛr mɨ Zyɛm mimyɛh sikʉlʉ yaa ó, bé kœʼœ ebò e cyen egwar laa.

1 Tesalonika 3:2

le elomlo bɨn Timote. Nye ó mɨɔ ga wina ndwe e syɛl mosa mo Zyɛm, mʉr bɨna e nɔɔ ndɨ é l'empomo e syɛɛ egwar lé elɛɛ Mbɨambɨa Lɔɔ mo Krɨst ɨ. Bɨh bé a lomo nye gʉʼ bɨn ye ó, nye lɨlɨ bɨn e buʼo, le esa ó, bɨn toʼ dolo lé ejyɛʼ taa buʼo yin boo Krɨst.

Filipi 1:1

Mɛm Pol, bɨh e Timote, osyɛl o mosa mo Yesʉs-Krɨst ó lé etile bɨn. Bɨh bé etile mɨsaŋ mɨ bʉr mimyɛh ndɨ é zyɛŋa wɔɔ boo Yesʉs-Krɨst, baa lé edi nkana Filipi ɨ. Bɨh bé etile nteme ó, obɔʼlʉ o mbɛr Zyɛm win tʉŋlʉ, bé e boo odiakɔn.

Filipi 2:28

No ó, me egwɨm ó, me buula bɨn nya kam e kam, ó bɨn nkʉʼ bâʼle soho é buobuo é jɔʼ bɨn bé óbee nye e. Mɛm nteme, me aŋa ka laŋle syɛl ba e bɨn.

Jacques 4:15

Sa bɨn lé ejala le elɛɛ ɛ, yé ó: «ǃƗ Da si mɛʼle ó, bɨh l'adwè nɛʼɛ, bɨh bé ósa sa sî sa kɛ̀l.»

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

Éfɛsɔs 1:13

É zyɛŋa win boo Krɨst, bɨn bɨ ŋmɛhɔ sitam mo Zyɛm é monyʉl, duho é jɔʼ bɨn bé a jyɛʼ taa buʼo yin boo Krɨst ɨ, ndwe é jɔʼ bɨn bé a joʼo Mbɨambɨa Lɔɔ, ndɨ cyecye e, bɨn ntɔʼ buʼla we. Wé ó lɔɔ ndɨ edwe bɨn tiʼ molu mo mpoʼ mɨmɛh ɛ. Sitam Zyɛm a ŋmɛh bɨn ɨ, yé ó Mbɨambɨa Sisim nye a ntɨh bɨn, waa nye a kɛʼ bʉr be, duho mya ɛ.

Rôm 16:21

Timote, mʉr nwan yam ndɨ é l'empomo e syɛɛ egwar ɨ, nye esoho bɨn. Mɨmbyɛl myam mi, Lʉsiʉs, Yasɔn, ndwe e Sosipatros, myé esoho nteme bɨn.

Rôm 15:12

Ngwiha mɨlɔb Ezayi a lɛɛ nteme ó: «Nuu mʉr mpoŋbʉr mo Yese óbyɛl mpʉ ntoʼdu, ntɔʼ jwɨ̀ʼ bʉr o ndɨ abe oYʉden ɨ. Mɨleme myɔɔ, myé óloŋlo e mbɛla ó, ebe, bé ebono nye.»

Mataos 12:21

Bʉr o ndɨ abe oYʉden ɨ, mɨleme myɔɔ, myé óloŋlo e mbɛla ó, ebe nkul die le.»

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

Mɨlʉmlʉ 16:1

Pol ze pyal ɨ Dɛrbe ndwe e Listra. Nuu mpʉn a byɛl ó Listra, die le Timote. Nyɔŋ a be ó sile Yʉden wé a be mbuʼla ɛ. Sɔŋ we nyɛɛ a be ó mʉr Grɛs.

Filipi 2:18

Jwɨʼ gwar e gwar yaa nteme e bɨn, bɨn bé esoho e me é jɔʼ me ndɨ e bɨsʉhʉ ɨ.

1 Tesalonika 3:5

Ebe no, é mpʉ me a baaka be e nkul edihbe e, yé ó me a fuo lomo Timote ó, nye ntaʼ gʉʼ bɨn ye, ó nye gʉŋa cye buʼo yin mu ɨ. Leme, wé a si kolo me é lɔb win, ó yʉʉ jɔʼ, mpʉ Satan lé eboblo bɨn ɨ, bɨn bé a si to gʉmla é yʉʉ bebebebe zi. Me a dɨ syɛl ba e bɨn, mɛm lé etoŋlo ó, syɛɛ bɨh bé a sea bɨn ye e, yi dwè ntuʼ.